Қазақша рефераттар

Денсаулығымды күтпеу

Сабақтың тақырыбы

Басты байлық — денсаулық.

Бұл сабақ оқушылардың денсаулықты бағалап, оны күнделікті өмірде сақтауға саналы түрде ұмтылуына бағытталған.

Сабақтың мақсаты мен міндеттері

Мақсаты

Әр оқушыға басты байлығымыз — денсаулық екенін ұғындыру.

Әдісі

Аралас сабақ, ізденіс сабағы.

Міндеттері

  • Денсаулықтан артық байлық жоқ екенін түсіндіру.

  • Жақсы қасиеттер мен оң ойлардың денсаулыққа оң әсерін ұғындыру, жақсы ой арқылы денсаулықты нығайтуға ықпал ету.

  • Оқушыларды айналасындағы адамдарға адал болуға тәрбиелеу.

Сабақтың барысы

1) Ұйымдастыру кезеңі

Уақыты

3 минут

Әрекет

Сәлемдесу, сабаққа назар аударту.

2) Оқушыларды түгелдеу және үй тапсырмасы

Уақыты

2 минут

Үй тапсырмасы

«Тәні саудың — жаны сау» тақырыбы бойынша өз ойларын жазып келу.

3) Жаңа сабақ: «Басты байлық — денсаулық»

Топқа бөлу

Оқушылар 2 топқа бөлінеді.

Көрнекіліктер

  • Бейнеролик

  • Денсаулық туралы тақырыптық газет

  • Суреттер

Шаттық шеңбері

Оқушылар шаттық шеңберіне жиналып, мұғаліммен және бір-бірімен сәлемдеседі. Содан кейін әр оқушы төмендегі ойды жалғастырады:

Мен денсаулықты сақтаймын.

Денсаулығымды сақтамау — ...

Денсаулығымды күтпеу — ...

4) Әңгімелесу (сұрақ-жауап)

  1. 1

    Неліктен денсаулықты «басты байлық» деп айтамыз?

  2. 2

    Спорт, күлкі және сенімділік денсаулық үшін қажет деп ойлайсыңдар ма?

  3. 3

    Зиянды тағамдардың денсаулыққа әсері бар ма?

  4. 4

    Жақсы ойлаудың денсаулығымызға пайдасы бар ма?

Дәйексөз

«Ауырып ем іздегенше, ауырмайтын жол ізде.»

Мақалдың мағынасы сызба бойынша ретімен түсіндіріледі: денсаулықты емдегеннен гөрі, алдын алу — ең дұрыс жол.

5) Мәтінмен жұмыс (бейнеролик бойынша)

Экранда көрсетілген бейнероликтің мазмұны бойынша әр топ жеке әңгіме құрастырып, негізгі мағынасын ашып көрсетеді.

1-топ

  • «Ас — адамның арқауы» мақалын денсаулықпен қалай байланыстыруға болады?

  • Айран, сүт, құрт, сүзбенің денсаулыққа пайдасы қандай?

2-топ

  • «Спорт — денсаулық кепілі» сөзінің мағынасын түсіндіріңдер.

  • Жаяу жүрудің қандай пайдасы бар?

6) Сергіту сәті

Екі топтың оқушылары бірге көтеріңкі көңіл күймен «Бала тілегі» әнін орындайды.

Сөзі

С. Молдасанұлы

Әні

Ф. Лұқпанова

7) Шығармашылық жұмыс (эссе)

Әр топқа сұрақтар беріледі. Оқушылар берілген тақырып бойынша шағын эссе жазады, кейін 2–3 оқушы шығып, өз жұмысын оқиды.

1-топ

«Денсаулық — зор байлық»

2-топ

«Жаны саудың — тәні сау»

8) «Жүректен — жүрекке» қорытындылау

Оқушылар шаттық шеңберіне қайта жиналады. Мұғалім әр оқушыға қағаздан жасалған гүл таратады. Оқушылар гүлге денсаулық туралы тілек жазып, мұғалімге тапсырады.

Мұғалім жиналған гүлдерді қабылдап, екі топтың да оқушыларына мықты денсаулық пен жақсы әдеттер тілейді.

Сабақтан түйін

  • Денсаулық — өмірдің тірегі, барлық жетістіктің бастауы.

  • Дұрыс тамақтану, қозғалыс және жақсы ой — саулықтың үш тағаны.

  • Алдын алу — ең тиімді ем.