Құрметті жиналған қауым бүгінгі Саз әлемі жобасының қатысушыларымен таныстырып өтсем

Саз әлемі жобасы
Мақсаты:Оқушылардың әнге деген қызығушылығын арттыру, әншілік қабілетін, актерлік өнерін, хореографиялық талантын сынау. Өнерге біртабан жақындату.

1-жүргізуші: Қайырлы күн, құрметті ән сүйер қауым!
2-жүргізуші: Қадірменді көкірегінің көзі ашық, көңілі ояу ұстаздар және оқушылар! Баршаңызға бүгінгі Саз әлемі жобасына қош келдіңіздер демекпін.
1-жүргізуші: Табиғаттың тебіренген, қуанған шағының перзенті- әнші десек, сол перзенттің иесі де, іздеушісі де халқы.
2-жүргізуші: Ән көңілдің ажары десек кәусар сезім мен тояттамас көңіл, шалқыған шаттық пен мұңға тұңған махаббат, буырқанған шабыт пен сабырға көнбес сағынышты да осы әннен табасыз.

1-жүргізуші:Әдетте әнші атанып жүргендердің екі тобы бар. Біріншісі нағыз әнші болып туылғандар. Олар санасы мен бүкіл жан дүниесі шамырқанып, асып-тасып, яғни шабыт арғымағы атойлап ән шырқағанда, көрерменді селт еткізіп, жетегіне алып жүре береді.
2-жүргізуші: Ал екіншілері, өзінің даусы жоқ бола тұра, әнге , өнерге деген құштарлығымен өзін бас-көзге қарамай қамшылап жүргендер.

1-жүргізуші: Болар адам - бала шағынан . Әнші, жыршыларымызды өз көрермендерімен жақын таныстырып, табыстыратын бірден бір орта ол- сахна. №182 мектепте 8-11 сыныптар аралығында ұйымдастырылып отырған бүгінгі Саз әлемі жобасы оқушылардың сабақтан тыс бос уақытын тиімді пайдалану мақсатында өткізіліп отыр.

2-жүргізуші: Шараның мақсаты - Әнсүйер аға буын мен талантты жас әншілер арасындағы сабақтастықты нығайту, жас әншілерді таныстыру, жалпы ән әлеміне саяхат жасау.
1-жүргізуші: Сонымен бүгінгі кешімізді ашу үшін сөз кезегін мектебіміздің
Директоры Сейсенов Ғалымбек ағайға сөз береміз.
2-жүргізуші: Құрметті жиналған қауым бүгінгі Саз әлемі жобасының қатысушыларымен таныстырып өтсем.

11-сынып оқушысы Сілтеу Ислам
10-сынып оқушысы Сейділдә Жұлдыз
10-сынып оқушысы Ақмырза Асем


1-жүргізуші: Қатысушыларымызды сахна сыртына шығарып салайық!
2-жүргізуші: Бүгінгі сайысымызға төрелік ететін, әділ-қазылар алқасымен таныстырып өтсем:
Тәрбие ісінің меңгерушісі Баспаев Алып ағай
Бастауыш бірлестік жетекшісі Мырзатаева Жаңыл апай
Ән-әуез пәнінің мұғалімі Ағыбаева Индира апай

1-жүргізуші: Сонымен бүгінгі Саз әлемі жобасының сарапшыларымен таныстырып өтсем:
Қазақ тілі пәнінің мұғалімі Сүйінтай Сұлушаш апай
Қазақ тілі пәнінің мұғалімі Баймағанбетова Жанар апай
10-сынып оқушысы Сәду Айдана
11-сынып оқушысы Әбиболла Азамат
2-жүргізуші:
Талаптының айтқанын мен қостайын,
Бәрінізге жақсы бір ой тастайын.
"Ән көңілдің ажары" деген бар ғой.
Бұрынғының жолымен ән бастайын,-дей келе сахнаға номері 1-ші талапкеріміз
Сілтеу Исламды шақырамыз.
1-жүргізуші: Қол соғып қошеметпен қарсы алыңыздар.
2-жүргізуші:Өнерпаздар жарысып сан-саналы,
Жиын десе, той десе жан салады.
Бүгінгі Саз әлемі сайысында,
Әуелеген әсем ән жолданады-сахнада 2-ші номерлі талапкеріміз
Сейділда Жұлдызды ортаға шақырамыз.
1-жүргізуші: Ажары атқан таңдай ару жастың,
Қасы бар қанатындай қарлығаштың .
Жанары жан біткенді елтіп өскен,
Шапалақ өнеріне әнші жастың-дей келе 3-ші номерлі әнші қызымыз
Ақмырза Асемді қарсы алайық.
2-жүргізуші: Айтса әні алыс шыңға жететін,
Шақырайық Мақсатты ән мен жырды шертетін.Сахнада 4-ші номерлі әншіміз Алмас Мақсатты қарсы алайық.
1-жүргізуші: Қыз сұлу көрінеді өрнегімен,
Тізілтіп сөз маржанын тергенімен.
Жезтаңдай, бұлбұл даусын әнге қосса,
Әнші сұлу көрінер әніменен- деп ақын ағаларымыз жырлағандай келесі талапкеріміз 5-ші номерлі Жүсіпова Назымды ортаға шақырамыз.
2-жүргізуші: Құлпырған еліміздің ұл – қызымыз,
Әзірге үлпілдеген құндызымыз.
Арасын жер мен көктің бағындырар,
Ертеңгі жарқыраған жұлдызымыз – дей отырып, келесі 6-шы номерлі талапкерімізді Құрманәлі Жеңісбекті ортаға шақырамыз. Қошемет.
1-жүргізуші: Музыка-ырғақ,нәзік әуен,асқақ үн.
Музыка-өзен,дала,аспан үн.
Ғұмыры жоқ ырғақтардан басқаның!
Кәне,әншілер,бас әуенге,қос әнге,
Шырқат биік тіршіліктің дастанын.-деп жеткізеді ақын апамыз Фариза Оңғарсынова музыка өнеріне деген махаббатын. Сонымен 7-ші номерлі әншіміз Пірәлі Раушанды қарсы алыңыздар.

2-жүргізуші: Қазылар алқасының пікірін тыңдап көрелік.
2-жүргізуші: : Біздерде ән кешіміз жалғасады,
Тамаша күй тартылып,ән салады.
Қошеметтеп,қол соғып отыралық,
Ұмытарсыз күні бойғы шаршағанды - дей келе ортаға келесі 8-номерлі әншіміз Жұматай Тұрсынайды Ортаға шақырамыз.
Қарсы алыңыздар.
2-жүргізуші: Сөз кезегі қазыларда.
1-жүргізуші: Шық аруым жарысқа,
Бір-бірінен қалыспа.
Өнерінді байқасын,
Мына отырған халықта - демекші бүгінгі сайысымыздың 9- номерлі әншісі Жеткербай Гүлзатты қарсы алайық.Қошемет.
1-жүргізуші: Қазылар алқасымен сарапшыларымызға кезек берелік.
2-жүргізуші: : Құлақтан кіріп,бойды алар
Жақсы әнмен, тәтті күй.
Көнілге түрткі ой салар,
Әнді сүйсең,менше сүй – дей келе енді сайысымыздың соңғы номерлі талапкерін Жұбайдолла Жарболды ортаға шақырайық. Қол соғып қошеметтеп отырайық.
1-жүргізуші: Сөз кезегін қазылар алқасына берелік.
2-жүргізуші: Қазылар алқасы қорытынды шығарам дегенше тамаша әнге кезек берейік.
1-жүргізуші: Кешімізді қорытындылау үшін сөз кезегін қазылар алқасына берсек.