Сөйлеу тілдерін дамыту
Бағдарламаның өзектілігі
Бұл бағдарлама баланың қызығушылығын оқу үдерісінің тірегіне айналдырып, қабілетін ашуға және дарынын ұштауға бағытталған. Ойын арқылы үйрену барысында бала өз күшіне және мүмкіндігіне сенеді, тұлғалық қасиеттері қалыптасып, дара болмысы айқындала түседі.
Негізгі мақсат пен міндеттер
Мақсаты
Ойын қызметі арқылы балалардың қазақ тіліне қызығушылығын арттыру және сөйлеу тілін дамыту.
Міндеттері
- Мұғалімнен кейін қайталау арқылы сөздердің фонетикалық қырын меңгерту.
- Тыңдау зейінін қалыптастырып, сөздерді дұрыс айтуға дағдыландыру.
- Сөздік қорын молайтып, сөздерді орынды әрі дұрыс қолдануға үйрету.
- Қарапайым грамматикалық құрылымдарды меңгерту.
- Ойын арқылы дұрыс айту және байланыстырып сөйлеу дағдысын қалыптастыру.
Кімдерге арналған?
«Тіл дамыту» вариативті оқыту бағдарламасы балабақшаның орыс тілді топ тәрбиеленушілеріне арналған (4–6 жас).
Ұзақтығы
30 минуттық сабақтар күннің екінші жартысында өткізіледі.
Өткізу орындары
- Қазақ тілі кабинеті
- Музыка залы
Материалдық-техникалық қамтамасыз ету
Техникалық құрал-жабдықтар
- Теледидар
- DVD-плейер
- Компьютер
- Мультимедиялық проектор
Көрнекіліктер
- Көру көрнекіліктері
- Есту көрнекіліктері
Ақпараттық-әдістемелік негіз
- ҚР мемлекеттік жалпыға білім беру стандарты
- Мектепке дейінгі тәрбие мен оқытудың типтік оқу жоспары
Негізгі жұмыс бағыттары
- Ойын қызметі
- Музыкалық-шығармашылық жұмыс
- Мәнерлеп оқу өнері
- Көріністерге қатысу
Оқыту әдістері
Сөздік әдіс
Әңгіме жүргізу, тақпақтар мен шығармаларды оқу.
Көрнекілік әдіс
Бейнефильм, мультфильм, тұсаукесер көру; мультимедиялық ойындар; көрнекіліктерді тамашалау; «сөйлейтін суреттер» және басқа да құралдар.
Тәжірибелік әдіс
Мазмұндау, кейіптеу (рөлдік әрекет).
Ойын түрлері
Тіл дамыту жаттығулары
Дыбыстау, сөздік қорды белсендіру, қысқа сөйлем құрастыру.
Сергіту сәттері
Қозғалыс арқылы назарды шоғырландыру және есте сақтауды қолдау.
Мәнерлеп оқу
Өлең мен тақпақты дұрыс екпінмен, ырғақпен айту.
Көріністерге қатысу
Рөлдік әрекет арқылы сөйлесім дағдысын бекіту.
Күтілетін нәтиже
- Өзі және ата-анасы туралы әңгімелеп бере алады.
- Сұрақтарға жауап береді; 2–3 сөзден тұратын сөйлемдер мен қысқа әңгімелер құрастыра алады.
- Қарапайым сұхбатқа қатыса алады.
- Әр бала өз деңгейіне сай бағаланады.
- Қазақ тілінде шағын тақпақтар мен өлеңдерді біледі.
- Халық ауыз әдебиеті үлгілерімен танысады және кейбірін айта алады.
- Балабақша мерекелерінде өнер көрсетеді.
Нәтижені бағалау
Бағалау бағдарламаның міндеттері бойынша білім, білік, дағдылардың қалыптасуын және бақылау түрлерін қамтиды.
1) Тілдің дыбыстық мәдениеті
Көрсеткіштер
- Қазақ тіліне тән дыбыстарды дұрыс айта алады.
- Өзі және ата-анасы туралы қысқаша әңгімелей алады.
- Дыбыс екпінін дұрыс қояды.
- Тақпақтар мен өлеңдерді мәнерлеп оқиды.
- Дыбыстық жаттығуларды дұрыс орындайды.
Бақылау формалары
- Дыбыстық жаттығуларды орындату.
- Суреттер бойынша әңгіме құрату.
- Жеке тексеру: білетін тақпағын айтқызу.
2) Сөздік қордың қалыптасуы
Көрсеткіштер
- Айналасындағы заттар тобын атай алады; жыл мезгілдерін және кейбір табиғат құбылыстарын ажыратады.
- Онға дейін тура және кері санайды.
- Заттарды салыстырады.
- Ізеттілік сөздерін біледі.
- Заттың көлемін, түсін сипаттап айта алады.
Бақылау формалары
- Суреттегі заттарды атату.
- Заттарды салыстыру тапсырмалары.
- Ойын барысында онға дейін тура және кері санату.
3) Тілдің грамматикалық құрылымы
Көрсеткіштер
- Сөз тіркестерін құрастыра алады (зат есім + сын есім; зат есім + етістік).
- Сөйлеуде жекеше және көпше түрдегі зат есімдерді қолданады.
- Қысқа сөйлемдер құрастыра алады.
- Күнделікті өмірде жиі қолданылатын таныс сөздерді түсінеді.
- Педагогтің сұрақтарына қысқаша жауап береді.