Қазақша рефераттар

Балалар ұрандарын қалай

Сабақтың тақырыбы

«Алтын сақа» — мектепке дейінгі даярлық топтарына арналған жарыс түріндегі оқу іс-әрекеті.

Мақсаты

  • Қарапайым математикалық ұғымдарды қалыптастыра отырып, сандар туралы түсінікті тереңдету.
  • Геометриялық пішіндерді қателеспей атауға ынталандыру.
  • Логикалық ойлауын, зейінін және ақыл-ой белсенділігін арттыру; тез ойлауға, шапшаң есеп шығаруға қызықтыру.
  • Сөйлемді дұрыс құрауға, сұрақты түсініп нақты жауап беруге үйрету; сөйлем туралы білімін бекіту.
  • Қысқаша әңгіме құрату арқылы сөздік қорын және ой-өрісін дамыту.

Қажетті құрал-жабдықтар

  • Сандықша
  • Сандар жазылған асықтар
  • Санды/суретті карточкалар
  • «Үстел тілі» (айналмалы көрсеткіш)
  • Геометриялық пішіндер жиынтығы (құрастыруға)

Ұйымдастыру кезеңі

Тәрбиеші: Қайырлы күн, балалар! Көңіл күйлерің жақсы ма? Сендерді шаттық шеңберіне шақырамын.

Шаттық шеңбер — 1-бала

Бұлақ балабақшамызға
Қош келдіңіз, ағайын!
Бар ағайын жиналып,
Мәз болып бізге қараңыз.

Шаттық шеңбер — 2-бала

Жарқырайды қаламыз,
Жарқырайды бақшамыз.
Тек мейірім сыйлайық,
Мейірімді тілекпен, бақытпен бөлісейік.

Қонақтарға сәлем

Хор: Баршаға амандық! Сәлем!

Тәрбиеші: Бүгін біз «Алтын сақа» атты жарыс сабағын өткіземіз.

Командалар

1-команда: Білгіштер

2-команда: Ақылдылар

Командалардың сәлемдесуі

Көшбасшы Мерлан: Білгіштер командасынан Ақылдылар командасына жалынды сәлем!

Көшбасшы Дамир: Ақылдылар командасынан Білгіштер командасына жалынды сәлем!

Ұран

Бәрі бірге: Жеңілсек — жасымаймыз, жеңсек — тасымаймыз!

Ойын ережесі

Ортадағы үстелде сандықша тұрады. Сандықшаның ішінде сандар жазылған асықтар бар.

Бұл сайыста тәсіл көп:
Кім алса сол асықты,
Ептілігі басым боп —
Сол команда жеңді деп санайық.

  • Екі командадан бір-бір топ басшысы ортаға шығып, үстелден «1» саны жазылған асықты алған команда бірінші болып бастайды.
  • Әр дұрыс жауапқа командаға 1 асық — 1 ұпай беріледі.
  • Тапсырмалар екі командаға кезекпен орындатылады.

Тапсырмалар

I. Санау

1-команда

Аталған саннан бастап тура санау (10-ға дейін).

2-команда

Аталған саннан бастап кері санау (10-нан бастап).

II. «Сәйкес санды тап»

Екі команда да сандықшадан сан жазылған асықты алып, үстел үстіндегі карточкалардан дәл сондай саны бар суретті табады.

III. «Көршілерін атап бер»

Көрсеткіш (үстел тілі) айналдырылады. Көрсеткіш тоқтаған санның алдыңғы және кейінгі көршісін атау.

IV. Ауызша есептер

1-команда

  • Биыл жастарың алтыда. Бір жылдан кейін нешеге толасыңдар?
  • Далада 6 бала ойнап жүр. 3 баланы анасы шақырып алды. Қанша бала ойнап қалды?

2-команда

  • Ағашта 8 торғай отыр еді. Тағы 2 торғай ұшып келіп қонды. Барлығы қанша торғай болды?
  • Алма ағашында 10 алма тұр. Әжесі Аленушка мен інісі Иванушкаға бір-бірден жеуге рұқсат берді. Ағашта қанша алма қалды?

V. Логикалық сұрақтар

1-команда

  • Аққайыңда 3 алмұрт өсіп тұр, ал еменде 2 алмұрт өсіп тұр. Барлығы қанша алмұрт піскен?
  • Қоршаудың үстінен қоянның 6 құлағы көрініп тұр. Қоршаудың артында қанша қоян тұр?

2-команда

  • Бос кеседе қанша кәмпит бар?

VI. «Арттық сөзді тап»

1-команда

Қосу, азайту, жұма, тең болады, артық.

2-команда

Таңертең, түс, қыс, күш, түн.

VII. «Кім жылдам?» (құрастыру)

Геометриялық пішіндерден заттар құрастыр: үй, мұнара және т.б. (қалауы бойынша).

VIII. Уақыт ұғымдары

1-команда

Тәуліктің бөліктерін ата.

2-команда

Апта күндерін ата.

IX. «Сөзді керісінше ата»

Қалың — жұқа, кең — тар, биік — аласа, жуан — жіңішке.

Екі команданың балалары да шамалары келгенше сұрақтарға жауап берді. Енді жинаған ұпайларды санаймыз.

Ғажайып сәт

Тәрбиеші: Ал, енді балалар, көзімізді жұмып, ертегіні шақырайық.

Тәрбиеші: 1, 2, 3!

Балалар: Кел, ертегі, біздерге, кел, ертегі, біздерге!
Көзімізді ашайық, құлақпен тыңдайық — ертегіні көрейік.

Кейіпкерлер

  • Мысық (жылап отырады)
  • Мақта қыз (кіреді)

Диалог

Тәрбиеші: Неге жылап отырсың, сүйкімді мысығым?

Мысық: Менің құйрығымды Мақта қыз алып қойды.

Мақта қыз: Сәлеметсіздер ме, балалар? Мұнда не болып жатыр?

Тәрбиеші: Сен біздің мысығымызды ренжітіпсің.

Мысық: Егер тапсырмаларымды орындасаңдар, құйрығымды қайтарамын.

Тәрбиеші: Қандай тапсырма?

Мақта қыз: Мысығым тілімді алып, қатығымды әкелді. Сондықтан екеуміз тату-тәтті өмір сүреміз. Біз қай ертегіден келдік?

Балалар: «Мақта қыз» ертегісінен.

Тіл дамыту тапсырмалары

Сұрақтар

  1. Әріптерді қоссақ не шығады? (Сөз.)
  2. Сөйлем деген не? (Сөздерді біріктіріп, тиянақты ойды білдіреді.)
  3. Сөйлемнің неше түрі бар? (Хабарлы, лепті, сұраулы.)
  4. Сөйлем соңында не қойылады? (Нүкте.)

Мақал-мәтелдер

  • Еңбек ерлікке жеткізеді, ерлік елдікке жеткізеді.
  • Гүл өсірсең терлеп, мұның аты — еңбек.
  • Еңбегің қатты болса, тапқаның тәтті болады.
  • Еңбек етсең — емерсің, ерінбесең — жеңерсің.
  • Еңбегі аздың — өнбегі аз.
  • Емнің алды — еңбек.
  • Жақсы жұмыс — жанға тыныс.

Ребус

Балалар ребусты шешеді (мұғалімнің таңдауы бойынша).

Мақта қыз: Рахмет, балалар! Сендерге ризамыз. Енді біз де дос боламыз, ренжімейміз.

Қорытынды

Балалар дөңгеленіп тұрып, сабақта үйренгендерін қорытындылайды.

Тәрбиеші: Мен сендерге ризамын. Ақылды да тапқыр екенсіңдер. Әрқашан білімге құштар болып, тапқырлықтарың арта берсін!

Қонақтарға тілектер

Ақ тілектер

  • Денсаулықтарыңыз мықты болсын.
  • Жолдастарыңыз қыдыр болсын.
  • Өмірлеріңіз ұзақ болсын.
  • Бастарыңызға бақ қонсын.

Береке-ырыс

  • Жағаларыңыз жайлы болсын.
  • Етектеріңіз майлы болсын.
  • Түндеріңіз тыныш болсын.
  • Үйлеріңізге ырыс қонсын.
  • Аспандарыңыз ашық болсын.