Қазақша рефераттар

Microsoft Office Word редакторында кестемен жұмыс

Сабақ туралы мәлімет

Пән мұғалімі

Математика және информатика пәнінің мұғалімі: Габдушева Динара Жасталапқызы

Сынып

8-сынып

Сабақтың тақырыбы

Microsoft Office Word редакторында кестемен жұмыс. Зертханалық жұмыс №7

Мақсаттар

Сабақтың мақсаты

MS Word редакторында кесте құру тәсілдерін түсіндіру және оқушыларды кестені өз бетінше құруға үйрету.

Дамытушылық мақсаты

Кесте құру әдістері туралы толық мағлұмат бере отырып, оқушылардың компьютермен жұмыс істеу дағдыларын дамыту.

Тәрбиелік мақсаты

Оқушыларды ұқыптылыққа, шапшаңдыққа, адамгершілікке және тиянақтылыққа тәрбиелеу.

Ұйымдастыру және ресурстар

Сабақтың түрі

Аралас сабақ.

Пәнаралық байланыс

Өзін-өзі тану.

Сабақта қолданылатын ақпараттық құралдар

  • Компьютер
  • Интерактивті тақта
  • ActivVote, ActivSlate
  • Merits бағдарламасы

Сабақтың барысы

I. Ұйымдастыру

«Шаттық ортасы» арқылы жағымды психологиялық ахуал қалыптастыру.

II. Үй тапсырмасын тексеру

  1. 1 Үйге берілген тапсырма бойынша шағын сынақ.
  2. 2 Сәйкестендіру кестесімен жұмыс.
  3. 3 Жеке жұмыстар бойынша тұсаукесерлер.

III. Негізгі бөлім

Жаңа сабақты түсіндіру және тапсырмаларды орындау.

1-тапсырма

Кесте құру: «Үлгерім кестесі»

Оқушылар MS Word құралдары арқылы үлгі бойынша кесте құрып, ұяшықтарды пішімдеуді қолданады.

2-тапсырма

«Сабақ кестесін» құру

Апталық сабақ кестесін құрып, бағандар мен жолдардың өлшемін реттеу және мәтінді туралау тәсілдерін бекітеді.

IV. Сабақты қорытындылау

Merits бағдарламасы арқылы орындалған тапсырмалар бағаланады, нәтижелер талқыланады және кері байланыс беріледі.

Үй тапсырмасы: бақылау сұрақтары

Төмендегі тест сұрақтарына жауап беріңіз. Бір дұрыс жауапты таңдаңыз (егер өзгеше көрсетілмесе).

№ Сұрақ Жауап нұсқалары
1 WORD мәтіндік редакторы қандай мәселелерді шешуге арналған?
  • а) мәтіндік құжаттармен жұмыс жасауға
  • ә) құжаттарды көбейтуге арналған
  • б) экономикалық есептеулерді шешуге арналған
2 Құжатты басқа атпен сақтау үшін қандай команда орындалады?
  • а) Сақтау
  • ә) ... деп сақтау
  • б) Enter
3 Құжатты құру үшін қаріптің қандай мөлшері қолданылады?
  • а) 10
  • ә) 20
  • б) маңызды емес
4 Фрагментті қалай ерекшелейміз? (қате жауапты көрсетіңіз)
  • а) тышқан батырмасын екі рет шерту арқылы
  • ә) тышқанның сол жақ батырмасын басып тұрып қозғалту арқылы
  • б) Shift + →
5 Белгіленген фрагментті өшіру үшін қай перне қолданылады?
  • а) Shift
  • ә) Delete
  • б) Ctrl
6 WORD бағдарламасында дайын суреттерді кірістіру үшін:
  • а) Формат → Картинкалар
  • ә) Қою → Сурет → Картинкалар
  • б) Тізім → Сурет → Картинкалар
7 WORD редакторында құралдар панелінің «Стандартты» тобы көрінбей тұрса, оны қай команда арқылы қосамыз?
  • а) Вид → Панели инструментов → Стандартная командаларын таңдау арқылы
  • ә) Правка → Стандартная группа командаларын таңдау арқылы
  • б) Сервис → Параметры командасын орындап, «Вид» астарлы бетіндегі «Окно» тобынан «Стандартная» жалаушасын белгілеу арқылы
8 WORD редакторында «Жұмыс аумағы (рабочая область)» дегеніміз…
  • а) экранның құралдар панелі орналасқан бөлігі
  • ә) экранның мәзір командалары орналасқан бөлігі
  • б) экранның терілген және теріліп жатқан мәтін орналасатын бөлігі
9 WORD редакторында жаңа мәтін терілетін терезе ашу үшін:
  • а) Файл → Создать командасын таңдау қажет
  • ә) Правка → Новый текст командасын таңдау қажет
  • б) Вставка → Создать командасын таңдау қажет

Тапсыру тәртібі

  • Жауаптарды дәптерге немесе электронды құжатқа белгілеңіз.
  • Келесі сабақта қысқаша талдау жүргізіледі.