Қазақша рефераттар

Сабағың нешеде басталатынын сағат тілдері арқылы көрсет

Пәні: Математика Сынып: 2 Тақырып: Сағат. Минут Сабақ түрі: аралас

Мақсаттар

  • Уақыт бірліктері сағат пен минут туралы түсінік қалыптастыру, Рим цифрлары туралы алғашқы ұғым беру.
  • Білімді, таным-түсінікті дамыту; есепті талдау және шығару дағдыларын жетілдіру.
  • Уақытты тиімді пайдалануға, ұқыптылыққа тәрбиелеу.

Әдістер

Сұрақ-жауап Ойын Көрнекілік Сын тұрғысынан ойлау элементтері

Көрнекіліктер

  • Интерактивті тақта, слайдтар
  • Сағат (үлгі), доп

Негізгі ұғымдар

Бірлік қатынасы

1 сағат = 60 минут

Қысқаша белгіленуі: сағ., мин.

Сағат бөліктері

Циферблат, сағаттық тіл, минуттық тіл, секундтық тіл

Сабақ барысы

Төмендегі жоспар сабақтың кезеңдерін рет-ретімен көрсетеді. Әр бөлімде оқушыны белсенді қатыстыруға арналған сұрақтар мен тапсырмалар берілген.

I. Ұйымдастыру бөлімі

Психологиялық даярлық

Үлкенге де сіз, Кішіге де сіз. Қонақтарды құрметтеп, Бас иеміз біз!

II. Үй тапсырмасын тексеру

№6 тапсырма: мысалдарды тексеру, қателерін талдау.

III. Өткен сабақты бекіту

Ойын: «Доп лақтыру»

Мұғалім допты сұрақ қою арқылы оқушыға лақтырады. Оқушы жауап беріп, допты мұғалімге қайтарады.

Қайталау сұрақтары

  • 1 кг — да қанша грамм бар?
  • Фигуралардың периметрін қалай табамыз?
  • 4 + 6 = ?
  • Жақшалы өрнекте бірінші қай амал орындалады?
  • 1 м = ? дм (10 дм)
  • 1 дм мен 90 см — қайсысы үлкен?

IV. Жаңа сабақ

Ой шақыру (жұмбақ)

Сыртылдайды күнімен, Білгің келсе уақытты, Сыртылдайды түнімен, Көрсетеді тілімен.

Жауабы: Сағат

Талқылау сұрақтары

  • Сағат не үшін керек?
  • Біз сабаққа нешеде келеміз?

Мағынаны тану

Ертеде адамдар сағат пайда болмай тұрып уақытты күннің орнына, әтештің шақыруына, кей елдерде тіпті есектің ақырғанына қарап ажыратқан.

Қазақ халқы уақытты күнге қарап былай болжаған

  • Таңертеңгі күн шыққан уақыт — сәресі
  • Күн тас төбеге келген кез — талтүс
  • Түс қайтатын уақыт — бесін
  • Күн байыр шақ — екінді
  • Күн ұясына қонған кез — ақшам

Тарихи дерек

Алғашқы сағат Қытай елінде пайда болған.

Бүгінгі таңда

Сағат түрлері көп: суға төзімді, суыққа төзімді, құмсағат, қолсағат, жүзік-сағат, электронды, қалта сағат және т.б.

Рим цифрлары (сағат бетінде жиі кездеседі)

I

1

II

2

III

3

IV

4

V

5

VI

6

VII

7

VIII

8

IX

9

X

10

XI

11

XII

12

V. Практикалық жұмыс

A) Сағат арқылы түсіндіру

  • Сағаттың ішіндегі сандар жазылған бөлігі циферблат деп аталады.
  • Сағатта екі немесе үш тіл болуы мүмкін: сағаттық тіл (қысқа), минуттық тіл (ұзындау), секундтық тіл (қозғалып тұратын).
  • Минуттық тіл бір толық айналғанда 1 сағат өтеді.

  • Есте сақта

    1 сағатта 60 минут бар

Ә) Жеке өмірмен байланыстыру

Таңертең нешеде тұратыныңды сағат тілдері арқылы көрсет.
Сабақтың нешеде басталатынын сағат тілдері арқылы көрсет.

Б) Қимылды ойын

Ойын: «Сағат тілі ме, минут тілі ме?»

Шарты:

  • Мұғалім сағаттық тілді көрсетсе — балалар қолдарын көтереді.
  • Мұғалім минуттық тілді көрсетсе — балалар қолдарын екі жаққа жаяды.

VI. Оқулықпен жұмыс

№1

Сағат қандай уақытты көрсетіп тұр? Неше минут өтті?

Мысал: 11-ден 5 минут кетті.

№2

Сағат қандай уақытты көрсетіп тұр? (Уақытты әр форматта айтуға болады.)

  • 11:00
  • 02:00 немесе 14:00
  • 06:00 немесе 18:00
  • 09:00 немесе 21:00

№3

Бекжан үй тапсырмасын орындауға неше минут жұмсады?

Есептеу:

1 сағ = 60 мин

60 мин + 60 мин = 120 мин

120 мин = 2 сағ

№4

Уақытты қосу арқылы табу тапсырмасы.

Шешуі:

30 мин + 30 мин = 60 мин = 1 сағ

1 сағ + 30 мин = 90 мин = 1 сағ 30 мин

Жауабы: 1 сағ 30 мин

VII. Сергіту сәті

Сағаттың тіліндей, Сағаттың тіліндей, Иіліп оңға бір. Иіліп солға бір. Оң аяқ, сол аяқ, Жаттығу оңай-ақ.

Қосымша бекіту тапсырмалары

№6. Периметрді анықта

ABCD

3 см + 3 см + 3 см + 3 см = 12 см

CKDL

3 см + 4 см + 3 см + 4 см = 14 см

BKAL

3 см + 7 см + 3 см + 7 см = 20 см

№7. Шаршы сызу

Берілген шаршылардың периметрінен 4 см кем периметрі бар шаршы сыз.

A)

16 см − 4 см = 12 см

Ә)

12 см − 4 см = 8 см

Ой толғаныс

«Бес жолды өлең» үлгісі

  1. 1. Не? Сағат
  2. 2. Қандай? Дөңгелек, төртбұрышты
  3. 3. Не істеді? Жүрді, тықылдады, тоқтады
  4. 4. 4 сөзден тұратын сөйлем: Сағат — уақыт өлшем бірлігі.
  5. 5. Мағыналас сөз: Уақыт

VIII. Сабақты бекіту сұрақтары

  • Бүгін қандай уақыт бірліктерімен таныстық?
  • Сағаттың тілдері қалай аталады?
  • 1 сағатта неше минут бар?
  • Сағаттан кіші уақыт өлшемдері қандай? (Минут, секунд)
  • Біз 1 минутта неше сөз оқуға тиіспіз? (45–55 сөз)

IX. Үй тапсырмасы, бағалау, қорытынды

Үй тапсырмасы

№5 тапсырма: уақытқа қарап есептерді шығар.

Бағалау

Жауаптардың дәлдігі, белсенділік, тапсырманы орындау сапасы бойынша бағалау.

Қорытынды

Сабақта уақытты өлшеудің негізгі бірліктері мен сағаттың құрылымы қарастырылды; Рим цифрларын тану дағдысы бекітілді.