Қазақша рефераттар

Бозторғаймен торда

Сабақтың тақырыбы: «Түймедағы» (Г. Х. Андерсен)

Сабақтың мақсаты

  • Білімділік

    Ертегілер туралы білімді толықтыру; оқыған ертегідегі негізгі ойды түсіну; ертегіні мазмұндау дағдыларын жетілдіру.

  • Дамытушылық

    Оқушы қиялын дамыту; көркем әдеби тілде сөйлеу шеберлігін қалыптастыру.

  • Тәрбиелік

    Табиғатты қорғауға, оған сүйіспеншілікпен қарауға тәрбиелеу; жанашырлық, көмек көрсету, қайырымдылық сияқты қасиеттерді қалыптастыру.

Көрнекіліктер

Интерактивті тақта Слайдтар Түймедағы гүлдері Суреттер Карточкалар

Сабақтың құрылымы

  1. 1Ұйымдастыру кезеңі
  2. 2Үй тапсырмасын тексеру
  3. 3Қызығушылықты ояту
  4. 4Мағынаны тану
  5. 5Ой толғау
  6. 6Үйге тапсырма және бағалау

Оқушы әрекеттері

  • 5 оқушыға мәтін оқыту, карточкалармен жұмыс жүргізу.
  • Суреттерді тарату: оқушылар суретке сәйкес ертегіден үзінді оқиды.
  • Жұптық және топтық жұмыстар арқылы оқиға желісін жүйелеу.
  • Сөздікпен жұмыс, сұрақтарға жауап беру, пікір айту.

Сабақтың барысы

Үй тапсырмасын бекіту (слайдтар бойынша)

2-слайд

Сұрақ: «Балалар, осы ертегінің авторы кім?»

Оқушылар жауабы ретінде А. С. Пушкин аталады. Мұғалім қосымша мәлімет береді: бұл ертегі 1833 жылғы 14 қазанда жазылған, «Сараң кемпір» атты халық ертегісінің желісі бойынша құрылған.

3-слайд

«Ертегі дегеніміз не?» Оқушылардың пікірін тыңдап, ортақ қорытынды жасалады.

4-слайд

Қызығушылықты ояту: «Ертегі әлеміне саяхатқа шығайық». Көзді жұмып, құстардың дауысын елестету арқылы табиғат атмосферасы жасалады. Даладан гүл теріп алғандай әсер беріледі.

«Жинаған гүлдеріміз қалай аталады?» — түймедағы. Гүл құмыраға салынып, сабақтың тақырыбына кіріспе жасалады.

Мұғалім дәйексөзді ұсынады: «Өмір сүру үшін күн, еркіндік, кішкентай гүл керек». Осыдан кейін Г. Х. Андерсеннің «Түймедағы» ертегісі оқылады.

Мағынаны тану

Автор туралы қысқаша мәлімет

  • Ганс Христиан Андерсен 1805 жылы 2 сәуірде Оденсе қаласында дүниеге келген.
  • Әкесі — етікші, анасы — кір жуушы.
  • 14 жасында әкесінен айырылып, Копенгагенге келіп, театрда жұмыс істейді.
  • Білім алып, алғашқы ертегілерін жаза бастайды.
  • 1872 жылы құлап жарақат алып, денсаулығы нашарлайды.
  • 1875 жылы 4 тамызда қайтыс болып, Копенгаген қаласында жерленген.

Мәтінді оқу

Ертегі «тіркеме әдісі» бойынша оқытылады (кезектесіп, бөліктерге бөліп оқу).

Сөздік жұмысы

Шым
ойып алынған жер кесегі.

Шығарманы талдау (сұрақтар)

  • Түймедағы сендерге қандай болып көрінді?
  • Түймедағы өз өміріне риза болды ма?
  • Ертегідегі гүлдерді адамға ұқсатуға бола ма? Неліктен?
  • Ол жанындағы гүлдерге қалай қарады?
  • Бозторғай қасына қонғанда түймедағы қандай күйде болды? Олар дос болды ма?
  • Автор қай гүлді ерекше жақсы көреді деп ойлайсыңдар?
  • Оқиға қалай өрбіді? Кейін не болды?
  • Ертегі соңы қалай аяқталды?
  • Бозторғай өлді, ал түймедағының тағдыры қандай болды?

Сергіту сәті

Гүлдерді ажырату тапсырмасы орындалады (түрлерін табу, атауын айту, сипаттау).

Жұппен жұмыс: жоспарды ретімен қою

Оқушылар оқиға бөлімдерін логикалық ретке келтіреді.

  1. • Түймедағы гүлдеді.
  2. • «Мен бақыттымын!»
  3. • Тәкәппар гүлдер.
  4. • Бозторғаймен кездесу.
  5. • Қыз баланың гүлді қиюы.
  6. • Торға түскен бозторғай.
  7. • Ойылған шым.
  8. • Бозторғаймен торда.
  9. • Құстың жан тапсыруы.
  10. • Шаңдақ жолда.

Топпен жұмыс

Топтарға тапсырма беріледі: кейіпкерлер әрекетін бағалау, негізгі ойды табу, табиғатты қорғау тақырыбын ашу.

Мультфильм көру

«Періште» мультфильмін көру арқылы мейірім, жанашырлық тақырыптарын бекіту.

Ой толғау

Рефлексия сұрақтары

  • Маған қызық болғаны…
  • Қиын болғаны…
  • Менің түсінгенім…
  • Менің сезгенім…
  • Мен … жасағым келді.
  • Маған өміріме … берді.

Үйге тапсырма

  • Ертегіні басқаша аяқтап жазу.
  • Түймедақ туралы дерек жинау.

Бағалау

Оқушылардың жауаптары, талдауы, жұптық және топтық жұмысқа қатысуы ескеріледі.

Сабақты қорытындылау

«Мен көбелек ұстап едім — өліп қалды.
Жұлып едім — гүл де солды.
Сонда барып түсіндім: қол тигеннің бәрі өледі.
Тек қана жүрекпен сүй!»