Қазақша рефераттар

Жай және құрама сан

Ұзақ мерзімді жоспар бөлімі

Тақырып: Натурал сандардың бөлінгіштігі (5-сынып)

Сабақ тақырыбы: 2, 3, 5, 9, 10 бөлінгіштік белгілері

Бұл сабақта негізгі назар 2, 5, 10 сандарына бөлінгіштік белгілерін түсіну мен қолдануға бағытталады.

Оқу мақсаты

5.1.2.5 — натурал сандардың 2-ге, 5-ке, 10-ға бөлінгіштік белгілерін қолдану.

Сабақ мақсаттары

Барлығы

Натурал сандардың 2-ге, 5-ке, 10-ға бөлінгіштік белгілерін анықтайды.

Басым бөлігі

Натурал сандардың 2-ге, 5-ке, 10-ға бөлінгіштік белгілерін қолданады.

Кейбіреуі

Бөлінгіштік белгілерін мәтіндік есептерде қолданып, шешімін түсіндіре алады.

Бағалау критерийлері

  • Натурал сандардың 2-ге, 5-ке, 10-ға бөлінгіштік белгілерін анықтайды.
  • Бөлінгіштік белгілерін қолдана отырып, есептер шығарады.

Тілдік мақсаттар

Оқушылар орындай алады

  • 2-ге, 5-ке, 10-ға бөлінгіштік белгілерін анықтап, ауызша айтады.
  • Бөлінгіштік белгілерін тұжырымдап, жазбаша түрде рәсімдейді.

Негізгі терминдер мен тіркестер

бөлінгіштік белгілері санның бөлінгіштігі разряд бірлік разряды жұп сандар тақ сандар әріпті өрнек

Құрылым: «Егер …, онда …»

Құндылықтарды дарыту

Зайырлы қоғам және руханият құндылығы аясында топтық жұмыс барысында оқушылар бір-бірін құрметтеуді, ынтымақтастық пен достық қарым-қатынасты нығайтады.

Өзара бағалау кезінде өзгенің көзқарасына құрметпен қарау дағдысы қалыптасады.

Пәнаралық байланыстар

Қазақстан тарихындағы Алтын адам және Ботай мәдениеті тақырыптарымен байланыс орнатылады: тарихи деректердегі сандық жазылымдарды пайдаланып, бөлінгіштік белгілерін анықтау арқылы тарих пен математиканың кіріктірілуі жүзеге асады.

Бастапқы білім

  • Натурал санның бөлгіштері мен еселіктері
  • Жай және құрама сандар
  • Бөлінгіштіктің негізгі қасиеттері

Сабақ барысы

Сабақтың басы

6 минут

Оқушылардың назарын шоғырландыру мақсатында сынып санау арқылы «Жұп сандар» және «Тақ сандар» топтарына бөлінеді.

«Сократ шебері» әдісі бойынша оқушылар бір-біріне сұрақ қою арқылы келесі тақырыптарды қайталайды:

  • натурал санның бөлгіштері мен еселіктері;
  • жай және құрама сандар;
  • бөлінгіштіктің негізгі қасиеттері.

Кері байланыс: әр топ өз атауына қысқаша анықтама береді.

Сабақтың ортасы

30 минут Жұптық/топтық жұмыс

Жаңа сабаққа кіріспе мақсаты: «Миға шабуыл» стратегиясы арқылы оқушыларға сабақтың тақырыбы мен мақсатын өздері анықтауға бағыт беру.

Миға шабуыл тапсырмалары

  1. 1) 12034, 4320, 13271, 502025, 373819, 63633 сандарының ішінен:

    а) жұп цифрға аяқталатын сандарды теріп жазыңдар.

    ә) тақ цифрға аяқталатын сандарды теріп жазыңдар.

  2. 2) Бір таңбалы сандардың:

    а) жұп цифрлармен жазылғандары 2-ге бөліне ме? Тексеріңдер.

    ә) тақ цифрлармен жазылғандары 2-ге бөліне ме? Тексеріңдер.

  3. 3) 2 мен 5-ке еселік болатын сегіз сан жазыңдар. Жазылған сандардың бірлік разрядында қандай цифр тұрады? Бұл сандар 2-ге және 5-ке бөліне ме?

    Қорытынды жасаңдар: 2-ге және 5-ке бөлінетін сандар қандай цифрмен аяқталады?

  4. 4) 34-тен үлкен, бірақ 51-ден кіші екі таңбалы сандардың ішінен:

    а) 5-ке бөлінетін сандар қандай цифрмен аяқталады?

    ә) 10-ға бөлінетін сандар қандай цифрмен аяқталады?

ҚБ: «Басбармақ» әдісі арқылы 1-тапсырма бойынша жылдам кері байланыс беріледі.

Қалыптастырушы бағалау тапсырмасы

«Конверттегі сұрақ» әдісі арқылы оқушылардың түсіну деңгейі анықталады.

Қалыптастырылатын дағдылар

ойлау • шешім қабылдау • еркіндік • дербестік

Жұмыс алгоритмі

  1. а) 971, 5042, 973, 980, 3401, 2600 сандарының қайсысы 2, 5, 10 сандарына қалдықсыз бөлінеді?
  2. ә) 46* үш таңбалы санында жұлдызшаның орнына қандай цифр қойғанда шыққан сан 2, 5, 10 сандарының әрқайсысына қалдықсыз бөлінеді?
  3. б) Қазақстан Республикасы тәуелсіздігін қай жылы алды және биыл қанша жыл толады? Бұл сандар 2, 5, 10 сандарының қайсысына бөлінеді?

Мектеп және мұғалім туралы мәлімет

Мектеп
КММ МГ №95
Мұғалім
Купеева Жанар Балпановна