Қазақ тілінде неше жалғау бар және ата
Сабақ туралы мәлімет
- Қала
- Астана
- Мектеп
- №27 мектеп-лицей
- Мұғалім
- Құдайбергенова Шынар Мұқиятқызы, қазақ тілі мұғалімі
- Тақырыбы
- Қазақ тілі — мемлекеттік тіл
Мақсаты
- Орыс тілінде білім алатын оқушылардың өз еліне, туған жеріне және мемлекеттік тіліне құрмет сезімін қалыптастыру.
- Қазақ тілінің мәртебесін көтеруге ықпал ету.
- Оқушыларды тез ойланып, жүйелі әрі шапшаң жауап беруге үйрету.
Сабақтың түрі
Викторина
Әдіс-тәсілдер
- Ойын
- Сұрақ-жауап
- Көрнекілік
Көрнекі құралдар
Сабақтың барысы
Кіріспе сөз
Мұғалім: Білім сайыстарының парызы — қош келдіңіздер, құрметті қонақтар!
Мұғалім: Құрметті оқушылар, сендер қазір бізде қандай апталық өтіп жатқанын білесіңдер ме?
Мұғалім: Дұрыс, қазір бізде Тіл апталығы өтіп жатыр.
Қазақ тілі — өте бай әрі көркем тілдердің бірі. Қазіргі қазақ тілі — дамыған тіл.
Мұғалім: Балалар, байқадыңдар ма? Бүгін бізге қонақ келіп отыр. Қонақпен амандасайық!
Оқушылар: Сәлеметсіз бе!
Мұғалім: Ендеше, «Қазақ тілін білесің бе?» викторинасының қатысушыларын шақырамыз. Қарсы алыңыздар!
Сайыс құрылымы
Сайыс 4 аялдамадан тұрады:
-
1-аялдама: «Сәлем — сөздің басы»
Уақыт: 5 минут
Әр топ өз тобын, топ басшысын және топ мүшелерін таныстырады. Тобын әсерлі таныстырған топқа 2 жұлдызша беріледі.
-
2-аялдама: «Кім жылдам?»
Берілген әріптерден мүмкіндігінше тез сөз құрау керек. Жылдам әрі дұрыс құрастырған топқа жұлдызша беріледі.
МӨСЛЙЕ
Сөйлем
УҒАЛЖА
Жалғау
ЗСӨ
Сөз
ҚАБАС
Сабақ
-
3-аялдама: «Тапқыр болсаң — тауып көр»
Бұл кезеңде топ басшылары сыналады. Әр топ басшысына 10 сұрақ қойылады. Әр дұрыс жауап 1 жұлдызшамен бағаланады.
1-топ сұрақтары
- Мектеп қай көшеде орналасқан?
- Күз айларын ата.
- Неше рәміз бар?
- Туда не бейнеленген?
- Қазақстан қандай мемлекет?
- Көктемде не болады?
- Қандай азық-түліктерді білесің?
- Қазақ тілінде қанша төл дыбыс бар?
- Қазақстан Республикасының мемлекеттік тілі қандай?
- Аптаның төртінші күні қалай аталады?
2-топ сұрақтары
- Апта күндерін ата.
- Жазда не болады?
- Әнұранның авторларын ата.
- Сен қай қалада, қай көшеде тұрасың?
- Біздің мектеп қандай?
- Қандай мерекелер бар?
- Қазақ тілінде неше жалғау бар? Ата.
- Қазақстан Республикасының президенті кім?
- Қыс айларын ата.
- Елтаңбада не бейнеленген?
-
4-аялдама: «Сиқырлы сөз»
Екі топқа бір-бір сөз беріледі. Әр топ сол сөзді сөйлемге дейін күрделендіріп, мазмұнды түрде өрбітуі керек. Сөзді ең жақсы дамытқан топқа 2 жұлдызша беріледі.
I топ
Күз
II топ
Жапырақ
Қорытынды
Балалар, бүгінгі «Қазақ тілін білесің бе?» викторинамыз мәресіне жетті. Сайыс өте қызықты өтті. Қазақ тілін жақсы білетіндеріңді көрсеттіңдер.