Қазақ хрестоматиясы мазмұнымен таныстыру

Сабақтың тақырыбы: Ыбырай Алтынсарин Қазақ хрестоматиясы

Сабақтың мақсаты:
Білімділік: Ы. Алтынсариннің өмірі, шығармашылығы, ағартушылық қызметі туралы білімдерін тереңдету. Қазақ хрестоматиясы мазмұнымен таныстыру.
Дамытушылық: оқушылардың ауызша және жазбаша тіл мәдениетін қалыптастыруға, шығарма мазмұнын аша білу қабілетін дамытуға ықпал ету.
Тәрбиелік: оқушылардың әдебиетке, Ыбырай шығармашылығына деген сүйіспеншілігін ояту, еңбексүйгіштікке, ұқыптылыққа тәрбиелеу.
Көрнекілігі: интерактивті тақта, шығармалар жинағы.
Сабақтың түрі: іскерлік ойын сабағы
Сабақтың типі: жаңа сабақты меңгерту
Сабақтың әдіс - тәсілдері: мәнерлеп оқу, түсіндіру. талдау. сұрақ - жауап
Пәнаралық байланыс: тарих, география
Сабақтың барысы: I Ұйымдастыру кезеңі:
Оқушылардың назарын сабаққа аудару
II Сабақтың мақсат - міндеттерін түсіндіру
Ш Жаңа сабақ:
Оқысаңдар, балалар.
Шамнан шырақ жағылар.
Тілегенің алдыңнан
Іздемей - ақ табылар.
Кел, балалар, оқылық,
Оқығанды көңілге.
Ықыласпен тоқылық.- деп жырлаған Дала қоңырауы кім еді?

Оқушылардың есіне Ы. Алтынсарин туралы білетіндерін түсіру. топтастыру

2. Ы. Алтынсарин өмір жолына хронологиялық кесте негізінде шолу жасау
Жылдар Маңызды оқиғалар
1841 Қостанай облысы Зотобол ауданында дүниеге келген
1850 Орынбордағы жеті жылдық орыс - қазақ мектебіне оқуға түседі
1859 Орынбордағы шекаралық комиссияда тілмаш болады
1860 Торғай мектебінде мұғалім болады.
1864 Торғайда мектеп ашады
1876 - 1879 Қазақ хрестоматиясы Орынборда басылып шығады
1879 Торғай облысы мектептерінің мектептеріне инспектор болып тағайындалады.
1881 Орск қаласында тұңғыш мұғалімдер мектебі ашылады
1879 - 1883 Торғай қаласының төрт мектебінде мектептер ашылады Торғай, Ырғыз, Тройцк, Ақтөбе
1883 Торғайда қолөнер мектебі ашылады
1883 Мұсылмандық тұтқасы оқу құралын жазды
1887 Ырғызда тұңғыш қыздар мектебі ашылды
1887 Қостанай уезінде мектептер ашып, жанынан 25 орындық интернат салдырды
1889 Ауыр науқастан қайтыс болды

Сабақты бекіту:
Даналық ағашы оқыта үйрету ойыны арқылы жүзеге асырылады. Ол үшін оқушылар арасынан бір жүргізуші сайланады. Жүргізушінің қолында қорап немесе сандықша болуы керек. Оқушылар тақырып бойынша қиын сұрақтар құрастырып, жүргізушіге береді. Сұрақтар құрастырылып біткен соң, оқушылар кез келген сұрақты алып, дауыстап оқиды, толық жауап беруге тырысады. Қойылған сұрақ пен берілген жауап бағаланады.
Сабақты қорытындылау: Ы. Алтынсарин шығармашылығының ерекшелігі туралы оқып - білгендерін Эстафета ойын тапсырмаларын орындау арқылы тексеру. Ол үшін оқушылар үш топқа бөлінеді. Әр топқа тапсырма жазылған парақтар таратылады. Белгі бойынша белгілі бір уақыт аралығында бірін - бірі қайталамай, естерінде қалған мәлімет, түсінік, оқиғаны, мерзімді параққа жазып, бірін біріне жылжытып беріп отырады. Қай топ неғұрлым көп мәлімет берсе, толық, нақты жауап жазса, мерзімдерді дәл көрсетсе, сол топ жеңімпаз болады
Нені білемін? Нені білдім? Нені білгім келеді?
Оқушылар білімін бағалау
Үй тапсырмасы: Ы. Алтынсарин шығармашылығы туралы білу. Хрестоматиядан өлеңін жаттау
Рефлексия кезеңі: Ы.. Алтынсарин шығармаларындағы идеяларды қандай мақал - мәтелдер арқылы білдірер едіңдер.