Қазақша рефераттар

Жаппас Қаламбаев кім

Сабақ жоспары: «Әнін көкке қалықтатқан Ғарифулла Құрманғалиев»

Бұл сабақ жоспары оқушыларды қазақтың дәстүрлі ән өнеріндегі көрнекті тұлға — Ғарифулла Құрманғалиевтің шығармашылығымен таныстыруға, музыкаға қызығушылығын арттыруға және өнерге құрмет сезімін қалыптастыруға бағытталған.

Сабақтың түрі

Аралас сабақ

Сабақтың типі

Жаңа білімді меңгерту

Әдіс-тәсілдер

Сұрақ-жауап, топтық жұмыс, АКТ

Сабақтың мақсаты

Сабақ мақсаты үш бағытта жүйеленеді: білімділік, дамытушылық және тәрбиелік.

Білімділік
Әншінің шығармашылығына тоқталу, таныстыру, жан-жақты білімін жетілдіру.
Дамытушылық
Оқушылардың музыкаға деген сүйіспеншілігін дамыту.
Тәрбиелік
Әншінің өмірі мен шеберлігін насихаттау, өнерге құрмет қалыптастыру.

Көрнекіліктер мен байланыстар

Көрнекілігі

  • АКТ (интерактивті материалдар)
  • Слайд көрсетілімдері
  • Смайликтер, плакаттар

Пәнаралық байланыс

  • Әдебиет
  • Тарих
  • Бейнелеу өнері

Сабақ кезеңдері (уақыт мөлшері)

  1. I. Ұйымдастыру кезеңі

    2 минут

  2. II. Үй тапсырмасы

    7 минут

  3. III. Жаңа сабақ

    18 минут

  4. IV. Жаңа тақырыпты бекіту

    10 минут

  5. V. Рефлексия

    2 минут

  6. VI. Бағалау

    5 минут

  7. VII. Үй тапсырмасы

    1 минут

Сабақтың барысы

I. Ұйымдастыру кезеңі

  • Оқушылармен амандасу.
  • Сыныпты түгендеу, сабаққа дайындығын тексеру.

II. Үй тапсырмасын тексеру («Тілші» әдісі)

Оқушылар алдыңғы тақырып бойынша сұрақтарға жауап береді (Жаппас Қаламбаев туралы).

Сұрақ Жауап (күтілетін)
1) Жаппас Қаламбаев кім? Домбырашы, қобызшы.
2) Жаппас Қаламбаевтың ұстаздарын ата. Ықылас, Қорқыт, Сүгір.
3) Жаппас Қаламбаевтың әкесінің аты кім? Қасымбек.
4) Қай жылы, қай жерде дүниеге келді? 1909 жыл, Созақ ауданы.
5) Жаппасқа қобызды кім сыйлаған? Әкесі Қасымбек.
6) Жетімдер үйіне қай жылы келеді? 1919 жыл.
7) Қобыз аспабын қалай ойнайды? Ысып (ысқышпен).
8) Ерте заманда қобыз не үшін пайдаланылған? Ауру адамдарды емдеуге қолданылған.
9) Қандай аспаптарда ойнаған? Домбыра, қобыз.

Топқа бөлу

Мұғалім оқушыларды аспап суреттері арқылы үш топқа бөледі:

  • 1-топ: Домбыра
  • 2-топ: Қобыз
  • 3-топ: Дауылпаз

Мұғалімнің кіріспе сөзі

Бүгінгі жаңа сабағымызда Мұхит әндерінің сынын да, бояуын да бұзбай бізге жеткізген қайталанбас талант иесі — Ғарифолла Құрманғалиев туралы сөз қозғаймыз. Ол Шыңтас пен Шайқының соңынан еріп, Мұхиттың көптеген әндерін үйренген. Бұл әндердің бірқатары «Қыз Жібек» операсында кеңінен пайдаланылған. Күрделі әуезді терең меңгерген Ғарифолла Құрманғалиевтің орындауындағы «Қыз Жібек» операсындағы Шегенің ариясын және Мұхиттың «Үлкен айдай» әнін тыңдаймыз.

Музыка тыңдау

  • «Қыз Жібек» операсындағы Шегенің ариясы
  • Мұхиттың «Үлкен айдай» әні

III. Жаңа сабақ

Тақырып: «Әнін көкке қалықтатқан Ғарифулла Құрманғалиев». Топтарға тапсырма жазбаша беріледі: оқушылар мәтінді оқып, қосымша ақпаратты интернеттен ізденіп, постер арқылы қорғайды.

1-топ

Ғ. Құрманғалиевтің өмірбаяны

2-топ

Ғ. Құрманғалиевтің әндері

3-топ

«Ақ Жайық» әнінің шығу тарихы

Ән үйрену

«Дос болайық бәріміз» әні

  • Әнін жазған: И. Нүсіпбаев
  • Сөзін жазған: Х. Талғаров

Өлең

Әрқашан дос, біргеміз, Ажырамас іргеміз. Ілгері жүріңдер, Достық жырын біліңдер. Ту ғып ұстап бірлікті, Еңбекті сүйіңдер!

Қайырмасы

Дос болайық бәріміз, Жарасып тұр әніміз. Тыныштықты сақтаймыз, сақтаймыз, Атсын күліп таңымыз. Қайраттанып ғарышта, Озып шыққан жарыста, Батыл бас, жас ұлан, Самға биік алысқа — Жұлдыздарға, ғарышқа, Бойда күш тасыған.

IV. Жаңа тақырыпты бекіту

Оқушылар сөйлемдерді толықтырып, негізгі деректерді нақтылайды.

Ғ. Құрманғалиев — ол әнші, композитор, актер.

Өмір сүрген жылдары: 1909–1972.

Оның ұстаздары: Шыңтас пен Шайқы.

«Дос болайық бәріміз» әнінің музыкасын Ибраһим Нүсіпбаев жазды.

«Ақ Жайық» әнінің сөзін Ғ. Құрманғалиев жазған.

Ол операда күрделі партияларды орындаған.

V. Рефлексия

«Бүгінгі сабақтан қандай әсер алдыңдар? Нені білдіңдер?» деген сұрақтар арқылы оқушылар ойларын стикерге жазып, «Білім ағашына» іледі.

Мұғалімнің қорытындысы

Сабақта айтылмай қалған тұстарды нақтылап, негізгі ойларды жинақтайды.

VI. Оқушыларды бағалау

  • Мұғалім әр топтың жұмысына жеке тоқталып, топтық бағалау жүргізеді.
  • Сұрақтарға белсенді жауап берген оқушыларды қосымша бағалайды.

VII. Үй тапсырмасы

«Дос болайық бәріміз» әнін жаттап келу.