Аққуға сен жаға көрме күйені, Аққу деген біздер үшін киелі

Маңғыстау облысы, Жаңаозен қаласы,
Қашаған Күржіманұлы атындағы
№8 орта мектептің бастауыш сынып мұғалімі
Бекмағанбетова Нұрсұлу Қосайқызы

Дүниетану пәні
Сабақтың тақырыбы: Каспийдің тірі маржандары
Сабақтың мақсаты:
Білімділік: Оқушыларға Каспийдің маржандары , яғни балықтары мн құстары туралы түсінік беру.
Дамытушылық: Оқушылардың қызығушылығын арттыру мақсатында өздігінен шығармашылықпен жұмыс жасауларына бағыт беру.
Тәрбиелік: Туған жеріміздің табиғатын аялап, құрметтеуге, қорғауға тәрбиелеу.
Сабақ түрі: Ашық тәрбие сағаты
Сабақ әдісі: Интерактивті әдіс
Көрнекілігі: Интерактивті тақта, Каспийдің тірі маржандары стенді, Қазақстанның картасы, бүктеме қағаздар, қабырға газеттері.
Сабақтың жүрісі:
Жүргізуші:
Өр Маңғыстау, ару Ақтау тұғырым,
Таусылмайтын,
Сарқылмайтын сыры мұң.
Аққу болып, кейде шалқып ұшатын,
Жағалауы қарт Каспийім қазығым.
1 - оқушы
Аққу деген біздер үшін киелі,
Аққуды атсаң, сол оқ маған тиеді.
Аққуға сен жаға көрме күйені,
Аққу деген біздер үшін киелі.
2 - оқушы
Шағала судағы құс төресі де,
Шомылады теңіздің денесіне.
Каспийдің тең келмейді құстары көп,
Шағаладай сұлу құстың теңдесіне.

Хор: Шағала әні.
Жүргізуші:
Теңіздің тұғырындағы - балықтар,
Теңдікті сүйетін ол халық тағы.
Толқындары секіріп биіктікке,
Жабысып бір ойнайды шабыттары.
Жүргізуші:
Каспий маржандары тек құстар емес, Каспийдің балықтары да бар. Каспий теңізінде 130+- ға жуық балық түрлері кездеседі. Солардың кейбіріне қысқаша тоқталайық.
3 - оқушы
Бекіре - ірі балық. Денесі 2 - 3 метр, салмағы 1 тоннаға дейін жетеді. 50 жыл өмір сүреді.
4 - оқушы
Ақбалықтың денесі 100 см, салмағы 10 - 30 кг. 7 - 8 жыл өмір сүреді.
5 - оқушы
Сазан тығыз жалпақ денелі, тез өсетін 30жыл өмір сүретін балық. Ұзындығы 80 см, салмағы 16кг.
6 - оқушы
Табан балық денесі 30 - 50см, салмағы 2 - 3 кг. Каспий мен Арал теңізі су қоймаларында көп кездеседі.
7 - оқушы
Майқап – қазақстандағы албырттардың бір өкілі, салмағы 2, 5 кг.
8 - оқушы
Торта балық – өте кең тараған балық, Каспийде Каспий тортасы мекен етеді. Көзінің қызыл сары түсті сыртқы мөлдір қабығы жоғары жағында қызылдығымен ерекшеленеді.
9 - оқушы
Шортан – жыртқыш балық. Ұзындығы 5 см - ге жеткеннен кейін олар түгелдей жыртқыштық жолмен қоректенеді.
10 - оқушы
Каспий тюлені ірі ұзындығы 1, 5 м, салмағы 50 - 60кг, қалақ аяқты сүтқоректі.
11 - оқушы
Каспий тілтістісі – дөңгелек ауыздылар класының қатарына кіреді. Ұзындығы 55 см.
12 - оқушы
Каспийдегі тюлендер жағада қырылып жатыр. бұған себепші болған мұнай алынуына байланысты теңіздегі тіршілік иелерінің басым көпшілігі уланған.
Көрініс: Аналар мұңы
Хор: Заман - ай
Танымдық сұрақтар:
Қорытынды:
Хор: Атамекен