Шулы аспап
Сабақ туралы мәлімет
Пән
Өнер
Бөлім
6-бөлім: Дәстүр және фольклор
Тақырып
Музыкалық аспаптарды безендіру
Мектеп
Шаған жалпы орта білім беретін мектебі
Мұғалім
Таңатаров Н. Т.
Сынып
1 «г»
Қатысқан оқушылар
Көрсетілмеген
Қатыспаған оқушылар
Көрсетілмеген
Оқыту мақсаттары
Техникалық дағдылар
- Қарапайым тәсілдер арқылы материалдар мен компоненттерді өлшеу, қию, белгілеу.
- Пішінін келтіру, жинақтау, қосу және біріктіру.
Қауіпсіздік
- Материалдар мен құралдарды қолданудың қауіпсіз тәсілдерін анықтау және сақтау.
Сабақтың мақсаты
Барлық оқушылар
- Музыкалық аспаптарды безендіруді үйренеді.
- Қазақ музыкалық аспаптарын безендіру үшін қолдағы материалдар мен құралдарды қолданады.
Оқушылардың көпшілігі
- Қолдан жасалған аспаптарды безендіруде материалдарды тиімді пайдаланады.
- Қауіпсіздік техникасын сақтап, жұмысты ұқыпты орындайды.
Кейбір оқушылар
- Бөлшектерін дұрыс біріктіріп, дизайны ерекше аспап жасай алады.
Жетістік критерийлері
- Жеке музыкалық аспапты өздігінше безендіре алады.
- Қолда бар материалдарды тиімді әрі орынды қолданады.
Тілдік мақсаттар
Оқушылар меңгереді
Оқушылар не үшін белгілі бір музыкалық аспапты таңдағанын және сол аспапты безендіру үшін қолдағы құралдарды қалай қолданғанын түсіндіре алады. Олар өткен және жаңа негізгі сөздерді, сондай-ақ әзірлеу барысында қолданылатын терминдерді пайдаланады.
Негізгі сөздер
Диалогқа арналған сұрақтар
- Аспапты безендіру үшін қандай материалдар мен құралдарды қолдандың?
- «Безендіру» ұғымын қалай түсінесің?
Алдыңғы білім
- Альбомда музыкалық аспаптарды суретке салу.
- Музыкалық аспаптарды қолда бар материалдардан жасау.
Сабақ жоспары
Сабақтың басы
5 минут
Ұйымдастыру
- Оқушылармен амандасу, көңіл күйін сұрау.
- Өткен сабақтың тақырыбын еске түсіру.
Қайталау сұрақтары
- Қандай аспап жасадыңдар?
- Неліктен дәл осы аспапты таңдадың?
- Осы аспапты жасау үшін қандай материалдарды пайдаландың?
Бүгін біз өткен сабақта жасаған аспаптарымызды безендіреміз. Сабақтың мақсаты: музыкалық аспаптарды безендіруді үйрену және қолдағы материалдар мен құралдарды тиімді пайдалану.
Қызығушылықты ояту және бағалау критерийлері
5 минут
Сабақ барысында оқушылар келесі критерийлер бойынша бағаланады. Критерийлерге сай жұмыс жасағандарға смайликтер беріліп, сабақ соңында марапатталады.
- Аспапты әдемі безендірді.
- Сұрақтарға толық әрі нақты жауап берді.
- Өз сұрағын қоя алды.
- Жұмысты уақытында аяқтады.
- Өз жұмысын түсіндіріп берді.
- Бағалауға белсенді қатысты.
Негізгі бөлім: «Безендіру» ұғымы және үлгілер
5 минут
Мұғалім оқушылардан: «Безендіру дегеніміз не?» деп сұрайды. Оқушылар жауап береді. Кейін мұғалім өз қолымен жасап, безендірген аспап үлгісін көрсетеді және бірнеше тәсілді түсіндіреді.
Слайд 1
Ұрмалы аспап: Дауылпаз
Дауылпаздың сыртын түрлі түсті қағаздан қиылған жолақтармен, ұлттық оюлармен безендіруге болады. Дабыл таяқшаларының орнына қарындаштарды қолдануға болады.
Слайд 2
Ішекті аспап: Жетіген
Қораптан жасалған жетігенді гуашь бояуымен немесе түрлі түсті қағазбен қаптап, оюлармен әсемдеуге болады.
Слайд 3
Шулы аспап: Сылдырмақ
Пластикалық құтыдан жасалған сылдырмақты да түрлі түсті қағаздармен, оюлармен және гуашь бояуымен безендіруге болады.
Жұмысқа дайындық: қауіпсіздік ережелері
2 минут
Безендіру жұмысын бастамас бұрын қауіпсіздік техникасы ережелерін еске түсіреміз. Мұғалім оқушылардан: «Қандай қауіпсіздік ережелерін білесіңдер?» деп сұрайды.
Практикалық жұмыс: аспапты безендіру
Негізгі уақыт
Тапсырма
Қолда бар материалдарды пайдаланып, өзіңіз жасаған музыкалық аспапты безендіріңіз.
Дифференциация
- Дағдысы төмен оқушыларға — қарапайым, жеңіл безендіру тапсырмалары беріледі.
- Дағдысы жоғары оқушыларға — күрделірек ою-өрнек, композиция құрастыру секілді тапсырмалар ұсынылады.
Жұмыс аяқталғаннан кейін қойылатын сұрақтар
- Сенің аспабың қалай аталады?
- Безендіру үшін қандай материалдарды пайдаландың?
- Безендіру саған қиын болды ма? Неліктен?
Өз жұмысын таныстыру
8 минут
Оқушылар өздері безендірген аспаптарын таныстырып, таңдаған материалдары мен тәсілдерін түсіндіреді.
Қорытынды бағалау
3 минут
Оқушылардың критерийлер бойынша жинаған смайликтері есептеледі. Ең көп смайлик жинаған оқушыға «Сынып жұлдызы» атағы беріледі.
Рефлексия
2 минут
Жасыл
Бәрі түсінікті.
Сары
Әлі де білгім келеді.
Қызыл
Түсінбедім.
Сабақ соңында мұғалім барлық оқушыларға қызықты әрі әдемі жасаған музыкалық аспаптары үшін алғыс айтады.
Қосымша бөлімдер (мұғалімге арналған)
Бөліп оқыту
Қосымша қолдау қажет оқушыларға жеңіл орындалатын тапсырмалар (ұрмалы немесе шулы аспапты қарапайым түрде безендіру) ұсынылады. Қабілеті жоғары оқушыларға күрделірек ою-өрнекпен әсемдеу және композицияны нақтылау тапсырмасы беріледі.
Бағалау
- Оқушыларды бақылау.
- Тәжірибелік бөлімде орындалған тапсырманы критерийлер арқылы бағалау.
- Смайликтер арқылы ынталандыру және қорытындылау.
Пәнаралық байланыс
- Қауіпсіздік ережелері.
- АКТ (слайдтар, иллюстрациялар, компьютер).
- Құндылықтар: ұқыптылық, жауапкершілік, ынтымақтастық.
Сабақтан кейінгі рефлексияға арналған сұрақтар
- Сабақ мақсаттары мен оқыту мақсаттары шынайы болды ма?
- Бүгін оқушылар нені үйренді?
- Оқыту ортасы қандай болды?
- Дифференциация жоспарға сай жүзеге асты ма?
- Уақытты ұтымды пайдалана алдым ба?
- Жоспарға қандай өзгерістер енгіздім және неліктен?
- Ең жақсы өткен екі аспектіні атаңыз (оқыту және үйрену бойынша).
- Сабақты жақсартуға ықпал ететін екі өзгерісті ұсыныңыз.
- Келесі сабаққа қажет қандай маңызды ақпарат анықталды?