Қазақша рефераттар

Жаңа өлеңнің сөзін жаттау, қайталау

Сабақ туралы

Сабақтың тақырыбы

Жаңа жыл келді

Сабақтың мақсаты

  • Білімділік

    Жаңа жыл мерекесі туралы түсініктерін сұрақ-жауап арқылы тексеру, мерекеге арналған жаңа ән үйрену.

  • Дамытушылық

    Әнді бір-бірін тыңдай отырып, дұрыс орындауға үйрету.

  • Тәрбиелік

    Ұжыммен жұмыс істеуге, жауапкершілікке, әнді сүюге тәрбиелеу.

Сабақтың көрнекілігі

Ноталық стан Ноталар Жаңа жылға байланысты суреттер

Сабақтың барысы

  1. 1-кезең

    Ұйымдастыру

  2. 2-кезең

    Өткенді қайталау

  3. 3-кезең

    Жарыстыру

  4. 4-кезең

    Жаңа өлеңді/әнді үйрету

  5. 5-кезең

    Сабақты бекіту

  6. 6–7-кезең

    Үй жұмысы және бағалау

1) Ұйымдастыру кезеңі

Балалар, бүгінгі сабағымыз ерекше. Себебі алдымызда көңілді мереке — Жаңа жыл келе жатыр. Жаңа жыл — шаттық пен үмітке толы мереке: әр адам оны жақсы ниетпен, ізгі тілектермен қарсы алады.

Әр халықтың дәстүрі

Дегенмен, әр халықтың бұл мерекені қарсы алудың өз дәстүрі бар. Соған байланысты әр елдің рәсімдерінен қысқаша мәлімет қарастырамыз.

Қазақ дәстүріндегі Жаңа жыл

Қазақ халқында Жаңа жыл мерекесі дәстүрлі түрде 22 наурызда басталған. Бұл күні күн мен түн теңеліп, көктемнің гүлденген шағында табиғат та, адам да жаңарады. Жұртшылық ән айтып, жыр айтып, ұлттық ойындар ойнап, Наурыз көже пісіріп, үй-үйді аралап, ақ дастарқан жаяды. Ауыл-аймақ бір-бірімен көрісіп, табысып, бірнеше күнге созылатын той-думан өткізген.

Шырша дәстүрінің шығу төркіні

Жаңа жылды әшекейлі шыршамен қарсы алу дәстүрін Ресейде 1700 жылы 1 қаңтар күні І Петр енгізген. Сол жылдан бастап Ресейде жаңа жыл санау тәртібі өзгеріп, шырша маңында мейрамдау кең тараған салтқа айналды.

Бұл дәстүр тамыры терең ұғымдармен байланысты: ертедегі еуропалық тайпалар шыршада орман перісі өмір сүреді деп сенген. Сондықтан мейрам күндері тайпа көсемі шыршаға сыйлықтар әкеліп, аң аулауға рұқсат сұраған деген деректер айтылады.

Бүгін осы мерекеге қатысты жаңа ән үйренеміз. Сондықтан сабақта дұрыс отырып, белсенді қатысып, бір-бірімізді тыңдайық.

2) Өткенді қайталау

Командалар

  • 1 1-команда: Скрипка кілті
  • 2 2-команда: Бас кілті

Сұрақтар

  1. Канон дегеніміз не?
  2. Бөбектерге ұйықтар алдында қандай өлең айтамыз?
  3. Ноталық станға неше нота жазылады?
  4. Қандай дауыстарды білесіңдер? Балалар дауысы қалай аталады?
  5. Халық әнін орындау деген нені білдіреді?
  6. Туған жер туралы қандай әндер білесіңдер? Орындап беріңдер.
  7. Квинтетте неше адам болады?
  8. Квартетте неше адам болады?

Тапсырма

Әр команданың қанша нота жинағанын санайық.

3) Жарыстыру

Жылдам сұрақтар

  • Қазір қай жыл мезгілі?
  • Қандай мереке жақындап келеді?
  • Мерекеге қандай дайындық керек?
  • Қандай тақпақтар білесіңдер?
  • Қандай жұмбақтар білесіңдер?

4) Жаңа өлеңді (әнді) үйрету

Бүгінгі тақырыбымыз — «Жаңа жыл келді». Алдымен өткен сабақтағы «Келді, келді жаңа жыл» әнін қайталайық.

«Жаңа жыл»

Ескі жылмен қоштасып, Шығарып сап келеміз. Жаңа жолмен достасып, (2 рет) Алға баса береміз.

Келді, келді жаңа жыл, Қуана қарсы аламыз. Қол соғады дала, қар, (2 рет) Билейміз, ән саламыз.

Ойыншықтары түрленіп, Ортамызда елка. Аяз ата келіп тұр, (2 рет) Тағып алған гүл алқа.

Аяз ата күлімдеп, Есіктен кірді жайланып. Сыйлық берді біртіндеп, (2 рет) Билеп жүрміз айналып.

Орындау ескертпесі

Қайырма мен белгіленген жолдар екі рет орындалады. Ән айтқанда тыныс алуды, дикцияны және біркелкі ырғақты сақтаймыз.

5) Сабақты бекіту

Қорытынды

  • Ноталарды санап, қай команданың алға шыққанын анықтаймыз.
  • Бүгін қандай ән үйрендік?
  • Ән сендерге ұнады ма? Несімен ұнады?

6) Үй жұмысы

Жаңа өлеңнің (әннің) сөзін жаттау және қайталау.

7) Бағалау

Оқушылардың сабаққа қатысуы, сұрақтарға жауап беруі және әнді орындауы бойынша бағаланады.