Дыбыс пен әріп
Тақырыбы: Дыбыс пен әріп. Сөз
Сабақ түрі: жаңа сабақ
Көрнекіліктер
- Кестелер
- Суреттер
- Қималы карточкалар
Әдіс-тәсілдер
- Жұптық жұмыс
- Топтық жұмыс
- Өзіндік жұмыс
Пәнаралық байланыс
Музыка, ана тілі.
Мақсаты мен міндеттері
Негізгі мақсат: 4-сыныпта өткенді қайталау және жүйелеу.
1) Білімділік
- Сауатты жазу дағдыларын қалыптастыру.
- Сөз және оның түрлері туралы түсініктерді пысықтау.
2) Дамытушылық
- Сөзді талдау қабілетін дамыту.
- Сөз мағынасын ұғыну және белсенділікті арттыру.
3) Тәрбиелік
- Ұқыптылыққа тәрбиелеу.
- Ұйымшылдыққа баулу.
Сабақ барысы
1) Ұйымдастыру кезеңі
Психологиялық дайындық (әуенмен):
Күй тартамыз күмбірлі, күмбірлі,
Ән айтамыз көңілді, көңілді.
Би билейміз ырғақты, ырғақты,
Біз бастаймыз сабақты, сабақты.
2) Топтастыру
Дыбыстар
- Дауысты дыбыстар: жуан, жіңішке.
- Дауыссыз дыбыстар: қатаң, ұяң, үнді.
Мақсат
Дыбыс пен әріптің айырмашылығын нақтылап, сөздің құрылымы мен мағынасына назар аудару.
Жаңа тапсырмаларды меңгерту
Дәптермен жұмыс
Көркем жазу минуты:
Әріптер
ВВФФ ццхх цуцу веух
Ааа Оооо Ууу
Сөздер
лава, конвейер, экватор
Сөздердің мағынасын түсіндіріп көрейік.
Жаттығулар (жұптық және өзіндік жұмыс)
12-жаттығу
Көп нүктенің орнына тиісті әріпті қой:
Күрект..р, Талдық...ған, қауынд..р, қобызш..,
балал..р, к..гершін, т...йе, қ..дық, өр..к, қ..с.
13-жаттығу
Жатқа жаз. Өзара тексеріп, бағала.
14-жаттығу
Берілген сөздермен сөйлем құрастыр:
- Шекара
- Теңізші
- Торы ат
Сызба бойынша жұмыс
Сөздің түрлері
- Қысқарған сөз
- Біріккен сөз
- Қос сөз
Мағынасына қарай
- Мағынасы жуық сөздер
- Қарама-қарсы мәндес сөздер
Қолдану және бекіту
20-жаттығу
Берілген сөздерді екі мағынада қолданып сөйлем құрастыр:
- Алма
- Қой
- Өкпе
- Аула
25-жаттығу
Сөздерді топтарға бөліп жаз:
Айнабұлақ, мая-мая, асық жілік
26-жаттығу
Шашылған буындардан адам аттарын теріп жаз.
Сергіту сәті және ойын
Сергіту сәті
Қысқа қимыл-қозғалыс жаттығулары арқылы назарды қайта шоғырландыру.
Ойын: «Сиқырлы тізбек»
Ауызша жұмыс: сөздерді тізбектей айтып, дыбыс пен әріп ерекшеліктерін дәлелдеу.