Интерактивті тақта, слайд

4-сыныпқа арналған ток-шоу ойыны: «Ғажайыптар алаңы»

Бұл ойын-сабақ «Ғажайыптар алаңы» форматына құрылады. Жыл басында (I тоқсанда) оқушыларға қойылатын сұрақтар алдын ала таныстырылған, сондықтан балалар берілетін есімдер мен тарихи тұлғалар туралы бастапқы түсінікке ие.

Тақырып

Аяулы жандар

Демеушілер

Ата-аналар

Өтетін орын

Шарлар, гүлдер, тақырып жазуы бар безендірілген алаң

Мақсаты

Оқушылардың ойлауын және есте сақтау қабілетін дамыту.
Өткен тарихымызда өмір сүрген аяулы апаларымыздың есімдерін танып-білу және есте сақтау.
Нәзік жандарды, аналарды құрметтеуге тәрбиелеу.
Сөйлеу мәдениетін қалыптастыру.

Ойынның барысы

I. Кіріспе

Музыка ойнайды. Алаңға алдын ала 3 топқа бөлінген оқушылар шақырылады.

Ескерту: әр топтағы оқушылар өздерін төрт жол өлеңмен таныстырады.

II–III. 1-топ: таныстыру және тапсырма (Слайд №1)

Айтжанова Аида

Альтаир Нурали

Токбаева Алия

Тапсырма: жырдағы Алпамыс батырдың қарындасының атын табыңыз.

Жауап: Қарлығаш Әр әріп қағаздың астына жасырылған.

Оқушылар шеңберді айналдыра отырып, жасырылған әріптерді ашып, сөзді шешеді. Бір жеңімпаз 4-турға өтеді.

Сыйлық: барлық ойыншыларға естелік ретінде Абайдың «Қара сөздері» кітабы табысталады.

IV–V. 2-топ: таныстыру және тапсырма (Слайд №2)

Бердібекова Айша

Қалиева Дамиля

Жумабек Жадыра

Тапсырма: Шоқан Уәлихановтың әжесінің атын табыңыз.

Жауап: Айғаным Әріптер жасырылған, шеңбер бойынша ашылады.

Бір жеңімпаз 4-турға өтеді. Қалған қатысушыларға да естелік сыйлықтар беріледі.

VI–VII. 3-топ: таныстыру және тапсырма (Слайд №3)

Өтебай Нұрдан

Махметов Әлемхан

Ахметова Назерке

Тапсырма: «Адам ата топырақтан жаралған дейді. Ал Хауа ана неден жаралған?»

Жауап: Қабырға Әріптер шеңбер бойымен ашылады.

Бір жеңімпаз 4-турға өтеді. Барлық қатысушыға естелік сыйлықтар табысталады.

VIII. 4-тур: финал (Слайд №4)

Әр топтан өткен жеңімпаздар алаңға шақырылады. Тапсырма: ұлы ақын Абайдың анасының атын табыңыз.

Жауап: Ұлжан Айналдыру реті — жеңімпаздық тәртібімен.

Кезегі келген ойыншы жасырылған сөзді толық айтуға да, әріп сұрауға да ерікті. Жеңімпаз анықталған соң сыйлық беріледі және ақтық ойынға қатысу ұсынылады.

Ойыншы жеңсе де, жеңілсе де, бұрынғы ұтыстары өзінде қалады. Ақтық ойын нәтижесіне қарамастан сыйлық беріледі (бұл ойыншыға алдын ала айтылмайды).

IX. Ақтық ойын (Слайд №5)

Тапсырма: егіз қыздарға қойылатын қазақтың көнеден келе жатқан аттарын табыңыз.

Жауап: Айман – Шолпан

X–XI. Қорытынды және марапаттау

Ойын жеңімпазының құрметіне ән шырқалады. Соңында қорытынды сөз айтылып, қатысушылар марапатталады.