Қазақша рефераттар

Балаларға ойыншықтар туралы түсіндіру

Мақсаты

  • Балаларға ойыншықтар туралы түсінік қалыптастыру.
  • Ойыншықтардың атауын атап, оларды түсіне, көлеміне қарай ажырата білуге үйрету.
  • Ойыншықтарды күтіп ұстауға, ұқыптылыққа тәрбиелеу.

Мотивациялық-қозғаушылық

Шаттық шеңбері

Балдырған баламыз,
Қашан да, қайда да,
Сенімді біз боламыз.
Себебі біз достармыз!

Ұйымдастырушылық-ізденушілік

Слайд көрсету және әңгіме жүргізу

Балалар, қараңдаршы, қандай әдемі әрі әсем ойыншықтар! Бүгін біз осы ойыншықтар туралы әңгімелесеміз.

Қатты ойыншықтар

Машина, ұшақ, пойыз.

Жұмсақ ойыншықтар

Аю, қоян, түлкі.

Резеңке ойыншықтар

Жұмсағы да, қаттысы да болады.

Негізгі ой: ойыншықтарды түрі, түсі, пішіні және көлемі бойынша салыстырып үйренеміз.

«Ғажайып сәт»

Ертегі желісі

Есік қағылады. Топқа бауырсақ кіреді. Балалар, бізге қонақ келіпті. Бұл кім екен?

Бауырсақтың сөзі

«Сәлеметсіңдер ме, балалар! Мен атам мен апамнан ойнап жүріп адасып қалдым. Маған көмектесесіңдер ме?»

Сұрақтар

  • Бауырсақ қай ертегіде кездеседі?
  • Бауырсаққа жолда кімдер кездеседі?

Тапсырмалардың шарты

Бауырсақ атасы мен апасын табуы үшін жолдағы кейіпкерлердің тапсырмаларын орындаймыз. Әр тапсырма ойыншықтарды тануға көмектеседі.

Кейіпкерлер тапсырмалары

  1. 1) Қоян

    Ойыншықтарды сипаттап бер: түсін, пішінін және ерекшелігін ата.

    Сипаттау

  2. 2) Қасқыр

    Ойын: «Кім жылдам?»
    Шарты: ойыншық көрсетілген сәтте оның атын тез айту.

    Жылдамдық

  3. 3) Аю

    Қуанышты қорытынды: балалардың көмегімен бауырсақ атасы мен апасына жетеді.

    Қорытынды

Шығармашылық жұмыс: Дьенеш блоктарымен ойыншық құрастыру

Енді ата мен апаға көмектесу үшін, бәріміз Дьенеш блоктарын пайдаланып ойыншықтар құрастырайық. Балалар бірнеше топқа бөлінеді. Әр топтың құрастырған ойыншығы әртүрлі болуы керек.

Дидактикалық ереже

  • Топ ішінде келісіп жұмыс істеу.
  • Пішін, түс, көлем бойынша бөлшектерді дұрыс таңдау.
  • Ойыншықты ұқыпты құрастыру және сақтау.

Сергіту сәті

Біздерде бар қуыршақ,
Бұзау, қозы, құлыншақ.
Ойыншықтар ұйықтайды,
Әмір беріп бұйырсақ.

Ойыншық — игрушка

Рефлексия және күтілетін нәтиже

Нені білуі керек

Ойыншықтардың атауын, түрін, түсін және көлемін ажырата біледі.

Нені игереді

Ойыншық түрлері туралы білімін толықтырып, ойыншықтарды дұрыс қолдану дағдыларын меңгереді.

Нені меңгереді

Ойыншықтар және олардың неден жасалатыны туралы қарапайым мәліметтерді түсінеді.