Қазақша рефераттар

Power Point терезесінің құрылымы

Сабақтың тақырыбы

PowerPoint терезесінің құрылымы. Көрме (презентация) жасау тәсілдері.

Сабақтың мақсаты

Білімділік

PowerPoint графикалық бағдарламасымен жұмыс істеу барысын жан-жақты түсіндіру.

Дамытушылық

Компьютерлік сауаттылықты арттыру, ойлау қабілетін дамыту.

Тәрбиелік

  • ЭЕМ-мен жұмыс барысында тәртіп сақтауға тәрбиелеу.
  • Қоғамдық мүлікке жауапкершілікпен қарауға баулу.
  • Ақпараттық мәдениетті қалыптастыру және уақытты тиімді пайдалануға дағдыландыру.
  • Эстетикалық талғамды дамыту.

Техникалық-материалдық құралдар мен көрнекіліктер

  • Компьютерлік жабдықтар
  • Сабақ презентациясы
  • Плакаттар

Сабақтың барысы

I. Ұйымдастыру кезеңі

  • Оқушылармен сәлемдесу.
  • Журнал бойынша түгендеу.

II. Кіріспе нұсқау

1) Қайталау

Өткен тақырыптар бойынша негізгі ұғымдарды қайталау.

2) Қауіпсіздік және жауапкершілік

Техникалық құралдар электр қуатымен жұмыс істейтіндіктен, қоғамдық мүлікті бүлдірмей пайдалану үшін арнайы ережелерді қатаң сақтау қажеттілігі ескертіледі.

Презентация ұғымы

«Презентация» ұғымының екі түрлі мағынасы бар. Жалпы алғанда, презентация — баяндама жасау, мінбеге шығып сөйлеу, ғылыми ұсыныс ұсыну, диплом немесе курстық жұмысты қорғау, бизнес-жоспарды не техникалық ұсыныстарды талқылау, сондай-ақ белгілі бір қызмет түрін таныстыру.

Кез келген жаңа немесе өндірілген өнімді ұсынуда презентацияның рөлі ерекше.

III. Жаңа сабақ

Көрнекілік құралдары

Презентация өткізуде графиктер, диаграммалар және фотоматериалдар кеңінен қолданылады. Дербес компьютерлердің мүмкіндіктері артқан сайын, оларды презентация дайындаудың тиімді құралы ретінде пайдалану қажеттілігі күшейді.

1995 жылдан бастап есептеу техникасы презентацияны дайындау мен өткізуде кеңінен қолданыла бастады.

Презентация — электрондық құжат

Презентация — мультимедиалық мазмұны және құжатты экранға шығарудың ерекше мүмкіндіктері бар электрондық құжат түрі. Экранға шығару үдерісі автоматтандырылған, интерактивті және қашықтан (дистанциялық) түрде жүзеге аса алады.

Мұндай құжаттар арнайы бағдарламалық құралдардың көмегімен дайындалады.

PowerPoint мүмкіндіктері

PowerPoint — презентация дайындауға және безендіруге арналған әмбебап графикалық бағдарлама. PowerPoint құралдарының көмегімен дайындалған жұмысты оның кез келген кезеңінен көрсетіп ұсынуға болады.

Слайд ұғымы

PowerPoint-тағы кез келген құжат слайд деп аталатын жеке кадрлар жиынтығынан тұрады. Презентациядағы слайдтар саны көп болуы мүмкін.

Әрбір слайдтың жеке нөмірі болады: слайд құрылған сәттен бастап автоматты түрде нөмірленеді. Слайдтар сызықтық тізбек ретінде орналасады; жою, кірістіру, орын ауыстыру немесе көрсету бұл құрылымды бұзбайды.

Слайдтағы объектілер

Слайд әртүрлі объектілерден тұрады. Әрбір слайдта кем дегенде бір объект болады — ол кадр фоны.

  • Фон
  • Мәтін
  • Гиперсілтемелер
  • Кестелер
  • Графикалық бейнелер
  • Диаграммалар
  • Бейнеклиптер

PowerPoint интерфейсінің режимдері

PowerPoint интерфейсінің негізгі ерекшелігі — құжатты жұмыс өрісінде әртүрлі режимдерде бейнелеуі.

1) Қалыпты (Обычный) режим

Жұмыс терезесі 3 панельден тұрады: сол жақта презентация құрылымы (нөмірлері және мәтінімен бірге) тізбектеле көрсетіледі, оң жақта слайд орналастырылады.

2) Құрылым (Структура) режимі

Презентация құрылымы үлкейтілген түрде беріледі, мәтін енгізуге және пішімдеуге ыңғайлы.

3) Слайдтар режимі

Слайд жұмыс терезесінің негізгі бөлігін толық алады. Слайдтағы объектілермен жұмыс істеуге қолайлы.

4) Слайдтарды сұрыптау (Сортировщик) режимі

Презентациядағы барлық кадрлар эскиз түрінде көрсетіледі; реттілігін жылдам өзгертуге ыңғайлы.

IV. Кіріспе нұсқауды бекіту

Оқушыларға сұрақтар қою арқылы жаңа тақырыпты қаншалықты дұрыс меңгергені талданады.

V. Практикалық көрсетілім

Компьютерлік жабдықтарды қолдана отырып, PowerPoint бағдарламасының құрылымы және терезе объектілерімен таныстыру жұмыстары жүргізіледі.

VI. Ағымдық нұсқау

Студенттердің PowerPoint бағдарламасы бойынша алған білімін жетілдіру үшін зертханалық жұмыстар орындау тапсырылады.

VII. Бақылау және тексеру

Тексеру бағыттары

  • Бірінші тексеру: жұмыс орнын тексеру (оқушыға назар аудару).
  • Екінші тексеру: жұмыс амалдарын тексеру (оқушыға назар аудару).
  • Үшінші тексеру: өзін ұстауын тексеру (оқушыға назар аудару).
  • Төртінші тексеру: техниканы дұрыс қолдануын тексеру (оқуға назар аудару).

Мақсаты

Оқушылардың тапсырманы орындау барысындағы дағдыларын бақылау, қауіпсіздік талаптарының сақталуын қадағалау және қажет болған жағдайда жедел түзету енгізу.

VIII. Қорытынды нұсқау

1) Сабақ бойынша қорытынды

Өтілген материал қысқаша жинақталып, негізгі ұғымдар қайта нақтыланады.

2) Бағалау

Әрбір оқушының сабаққа қатысу белсенділігі мен тапсырмаларды орындау сапасына қарай бағалау жүргізіледі.

Назарға алынатын маңызды тұстар

  • Құрылым

    Презентация слайдтардан тұрады, әр слайд нөмірленеді және тізбектеле ұйымдастырылады.

  • Мазмұн

    Мәтін, кесте, диаграмма, гиперсілтеме және бейне — көрнекілікті арттыратын негізгі объектілер.

  • Режимдер

    Қалыпты, Құрылым, Слайдтар және Сұрыптау режимдері әртүрлі жұмыс мақсатына ыңғайланған.