Тақтадағы жануарлардың төлдерін атау

Сабақтың технологиялық картасы

Білім беру ұйымы

Рудный қалалық әкімдігінің №18 орта мектебі (КММ)

Педагог

Досымбетова Гүлсім Тұрдыбекқызы

Бағыт

Қатынас
Таным
Шығармашылық

Сала

Тіл дамыту

Тақырып

«Төрт түлігім – ырысым»

Сабақтың мақсаттары

Білімділік

Үй жануарлары туралы түсініктерін тереңдету.
Үй жануарларының төлдерін ажыратып айтуға және дыбыстауын меңгерту.
Төрт түліктің пайдасын және олардан алынатын өнімдерді таныстыру.

Дамытушылық

Сөздік қорын байыту, ойлау қабілетін дамыту.
Өз бетінше жұмыс істеуге машықтандыру.
Ұлтжандылық сезімін ояту.

Тәрбиелік

Үй жануарларына күтім жасауға, қамқор болуға үйрету.
Ересектер еңбегін құрметтеуге баулу.

Әдіс-тәсілдер, технология, көрнекіліктер

Әдіс-тәсілдер

Әңгімелеу
Сұрақ-жауап
Түсіндіру
Көрсету
Салыстыру
Топтастыру

Технология

Ойын технологиясы
Дамыта оқыту
Сын тұрғысынан ойлау

Көрнекіліктер

Төрт түліктің суреттері
Құрт
Тұзды қамыр
Сүт өнімдері

Мотивациялық-шығармашылық кезең

«Шаттық шеңбері»

Біздің топта ұл-қыздар

Тату-тәтті жүреміз.

Тілек айтып өзара,

Шаттықпенен күлеміз.

Жүрегіміз сиқырлы,

Тілекке толы әр түрлі.

Сабаққа дайындық ережесі

Балалар мен мұғалім бірге:

Ұл сымбатты, қыз сұлу болу үшін әрдайым…

Мұғалім:

Денеміз…

Балалар:

Тік.

Аяғымыз орнында.
Қолдарымыз партада.
Ережені сақтаймыз.
Сабақты енді бастаймыз.

Ізденіс-ұйымдастырушылық кезең

Дидактикалық ойын: «Ненің дауысы?»

Балалар, мұқият тыңдаңдар: қандай жануардың дауысын естіп тұрсыңдар?

Сиыр

Жылқы

Қой

Түйе

Ешкі

Суретпен жұмыс және жетекші сұрақтар

Суреттердің ішінен сиырды көрсет.
Сиыр қайда болады?
Сиыр қалай дыбыстайды?
Сиыр не жейді?
Сиыр бізге не береді?
Сиырды қалай шақырады?

Дауыстарын тыңдау арқылы жылқы, қой, түйе және ешкіні ажыратып, суретпен жұмыс жасай отырып сұрақтарға жауап береді.

Бұл жануарлардың барлығы үй жануарлары, ал басқаша атауы — төрт түлік.

Салыстыру тапсырмасы: түйе мен сиыр

Ұқсастықтары

Үлкен үй жануарлары
Екі көзі, екі құлағы, аузы, мұрны бар
Төрт аяқты

Айырмашылықтары (мысал)

Түйеде өркеш болады.
Түйеден шұбат алынады, жүк тасуға көлік ретінде пайдаланылады.

Ескерту: Сиырдың ерекшеліктерін балалар өздері толықтырады.

Қорытынды: біз үй жануарларын жақсы біледі екенбіз. Бүгін сабақта 3 орталықпен жұмыс жасаймыз.

Орталықтармен жұмыс (6–7 минут)

1) Ғылым орталығы

Сүт өнімдерінің түрлерін зерттеп, танып білеміз.

Сүт, қымыз, шұбат — нені білдіреді?
Сүттен жасалатын тағам түрлерін көрсету.
Ет тағамдарын суреттер арасынан тауып, қоршап көрсету.

2) Өнер орталығы

Тұзды қамырдан құрт жасап үйренеміз және оны «Қазақстанда жасалған» таңбасымен безендіреміз.

Нәтиже:

Ұқыптылық, пішіндеу дағдысы, ұлттық тағамға қызығушылық.

3) Кітап орталығы

Білімімізді одан әрі тереңдетеміз.

Ойын: «Асық алу»
Жұмбақтар арқылы төрт түлікті тану

Жұмбақтар

Кішкене ғана бойы бар, айналдырып киген тоны бар.

Жауабы: Қой

Мінсең көлік болады, жақындасаң қасына, қорқытады баланы.

Жауабы: Түйе

Төрт бұлағы сүт, баққанға ол — құт.

Жауабы: Жылқы

Кезікті бір жануар, үстінде екі тауы бар. Мойны ұзын, көзі үлкен — бұл не?

Жауабы: Түйе

Екі айнасы бар, екі найзасы бар, төрт жаптырмағы бар, бір шыбыртқысы бар.

Жауабы: Сиыр

Төрт аяғы бар, басында екі таяғы бар, иегінде екі сақалы бар.

Жауабы: Ешкі

Сақалы бар, санасы жоқ.

Жауабы: Ешкі

Орталықтарға 6–7 минут уақыт беріледі. Уақыт аяқталғанда белгі бойынша ортаға жиналамыз.

Сергіту сәті

Сабау алып қолыма,

Қойдың жүнін сабадым.

Уызын ішіп сиырдың,

Уықтарды қададым.

Қимыл-қозғалыспен бірге орындалады.

Тіл дамыту және бекіту жұмыстары

«Төл» ұғымын бекіту

Балалар, малдың баласын қалай атайды?

Малдың баласын төл дейді.

Дыбыстық талдау: «төл»

Неше дыбыс, неше әріп бар?
Буынға бөлу.
Неше дауысты дыбыс, неше дауыссыз дыбыс бар?
Дыбыстарды текшемен белгілеу.
Текшемен сөзді құрастыру.

Сәйкестендіру тапсырмалары

Ауызша жұмыс

Суреттегі жануарларды төлдерімен қосып айту.
Тақтадағы жануарлардың төлдерін атау.

Дидактикалық ойын: «Төлін тап»

Алдарыңда ақ парақ бар. Келесі бетін аударсаңдар, тапсырма беріледі: үй жануарларын төлдерімен сызық арқылы қосыңдар.

Негізгі ой

«Төрт түлік» — халқымыздың тұрмыс-тіршілігімен біте қайнасқан құндылық. Бұл сабақта балалар үй жануарларын танып, олардың төлін ажыратып, пайдасы мен өнімдерін білу арқылы тілін дамытып, еңбекке құрмет пен қамқорлыққа тәрбиеленеді.