Қазақша рефераттар

Оқушыларды сабақ мақсатымен таныстыру

Сабақ тақырыбы

Бөлшек және рационал өрнектерді тепе-тең түрлендіруге арналған есептер шығару.

Жалпы мақсаты

Білім беру мен білім алудағы жаңа тәсілдер модулін басшылыққа алып, тақырып бойынша оқушылардың білім деңгейін анықтау және алған білімдерін тиянақтау.

Сабақ мақсаты

  • Рационал бөлшектің негізгі қасиетін түсіндіру және амалдар қолдану арқылы рационал бөлшектерді түрлендіре білуге үйрету.
  • Оқушылардың ойлау қабілетін дамыту, практикалық дағдыларын қалыптастыру, пәнге қызығушылығын арттыру.
  • Ұжыммен және өз бетінше еңбек етуге, жауапкершілікке, мақсатқа жету үшін табандылыққа тәрбиелеу.

Сілтемелер

  1. Мұғалімдерге арналған нұсқаулық.
  2. 7-сыныпқа арналған алгебра оқулығы.
  3. Ғаламтор материалдары.

Ұйымдастыру кезеңі

Жағымды атмосфера қалыптастыру

Оқушылардың сабаққа қатысуын және оқу құралдарын тексеру. Жылы шыраймен сәлемдесіп, сабақ мақсатымен таныстыру.

Әрбір адам — туысым, досым, жұрағат.

Әрбір сабақ — үйрену, ұғу, ұлағат.

Әрбір ісің — тірлік, тірек, адамдық.

Әрбір сөзің — шындық, бірлік, адалдық.

Топқа бөлу

«Көбелек» тәсілі арқылы оқушыларды топқа бөлу.

Ынтымақтастық оқу

Ынтымақтастық оқу дағдыларын қалыптастыру мақсатында «Алтын ереже» құрастыру.

  • Уақытты тиімді пайдалану.
  • Топтық жұмысқа кедергі жасамау.
  • Барлық пікірді мұқият тыңдау.
  • Әр адам өз ойын айтуға құқылы.
  • Бір-бірімізді әділ бағалау.

Ой қозғау

Қандай адам білім алса тәуірлеп,
Сол ұшпаққа шығады екен дәуірлеп.

— Ж. Баласағұн

Шаршы тапсырмасы (6×6)

Әріптерден құралған 6×6 шаршы бойынша тапсырма орындалады.

У Т Й А Б Ө
О Р А З Р Л
У Т Е И А Ш
Л А Н О Ц К
Л Т Ү Р Н Қ
Б Ө Л У С О

«Алтын асық» ойыны

Төмендегі тұжырымдарды талқылап, дұрыс/бұрыс екенін анықтау арқылы негізгі ұғымдарды бекіту.

  1. Бөлімінде айнымалысы бар бөлшектер рационал бөлшектер деп аталады.
  2. Айнымалының кез келген мүмкін болатын мәнінде сан мәндері әр түрлі болатын екі өрнек тепе-тең өрнектер деп аталады.
  3. Берілген өрнектен оған тепе-тең өрнекке көшуді тепе-тең түрлендіру деп атайды.
  4. Рационал бөлшектің алымы мен бөлімін нөлге тең емес өрнекке көбейтсе, рационал бөлшектің шамасы өзгермейді.
  5. Бөлшекті қысқарту — бөлшектің алымы мен бөлімін ортақ (бірдей) көбейткіштерге бөлу.
  6. Рационал бөлшектерді қосу және азайту кезінде бөлшектер ортақ бөлімге келтіріледі, алымдары қосылады немесе азайтылады.
  7. Рационал бөлшектерді көбейткенде алымдары өзара, бөлімдері өзара көбейтіледі.
  8. Рационал бөлшектерді бөлгенде екінші бөлшекке кері сан қолданып, көбейту амалы орындалады.

Автор туралы

Білім беру ұйымы

С. Сейфуллин атындағы жалпы орта мектебі (коммуналдық мемлекеттік мекеме).

Мұғалім

Абдрахманова Эльмира Батырханқызы.