Қазақша рефераттар

Топқа бөлу. Абай кім

Сабақ тақырыбы

Абай Құнанбаев. «Ғылым таппай мақтанба».

Мақсаты

  • Оқушыларды Абайдың өлеңімен таныстыру, негізгі ойды ашу.
  • Сөздік қорын, сыни ойлау қабілетін дамыту.
  • Диалог арқылы байланыстыра сөйлеу дағдыларын қалыптастыру.
  • Оқуға қызығушылығын оятып, өз бетімен білім алуға тәрбиелеу.

Күтілетін нәтижелер

  1. 1Өлеңді ауызша талдап, өз ойымен түсіндіре алады.
  2. 2Өз пікірін дәлелдеп, берілген тапсырмаларды орындай алады.
  3. 3Сыни тұрғыдан ойланып, ойын еркін жеткізіп, талдай алады.

Қамтылатын модульдер

1-модуль

Оқыту мен оқудағы жаңа тәсілдер (топтық жұмыс).

2-модуль

Сыни тұрғыдан ойлауға үйрету.

3-модуль

Бағалау.

4-модуль

АКТ қолдану (видеоролик).

7-модуль

Көшбасшылық (топты басқару, сабақ бойы белсенді қатысу).

Сабақ қадамдары

1

Үй тапсырмасын тексеру

Сұрақ-жауап арқылы өткенді бекіту.

2

Топтық жұмыс

Өлеңмен жұмыс, талдау, тапсырмалар.

3

Рефлексия

Оқушының бүгінгі түйгенін жинақтау.

4

Бағалау

Өзін-өзі және өзара бағалау элементтері.

Сабақ барысы

Мұғалімнің іс-әрекеті

  • Ұйымдастыру, жайлы атмосфера қалыптастыру.
  • Оқушының зейінін сабаққа аудару.
  • Топқа бөлу.
  • Тапсырмаларды ұйымдастыру, бағыт беру.
  • Үй тапсырмасын тексеру.

«Ортадағы қалам» ойыны

Сұрақтар қойылып, жылдам жауап беру арқылы өткен материал еске түсіріледі.

Оқушының іс-әрекеті

Үлкен шеңбер құрып, психологиялық жағымды ахуал қалыптастырады:

Мен бүгін өзіме жақсылық тілеймін.

Мен бүгін саған жақсылық тілеймін.

Мен бүгін бәріне жақсылық тілеймін.

1) Дайындық кезеңі: ой қозғау

«Оқу», «білім» тақырыбында бұрын оқылған шығармаларды еске түсіру.

1-топ

І. Жансүгіров — «Күн шыққанда» (жатқа айту).

2-топ

Ы. Алтынсарин — «Кел, балалар, оқылық» (жатқа айту).

3-топ

Жақсы іс пен жаман істі ажыратып, мысал келтіру.

2) Автормен танысу: «Абай» есімі арқылы

Сыныппен бірге қысқа сұрақтарға жауап бере отырып, кілт сөзді табу:

  • Өлең жазатын адам кім?
  • «Батыл», «ер» сөздеріне мағынасы жуық сөздер қандай?
  • Республикамыздың бас қаласы қай қала?
  • Түнде аспанда не шығады?

Мұғалім Абай Құнанбаев туралы қысқаша мәліметті толықтырып, сабақтың өзегін айқындайды.

3) Өлеңмен жұмыс: оқу, жариялау, мағынаны ашу

Топтық оқу

Өлең 3 бөлікке бөлініп, әр топ өз бөлігін оқиды және жариялайды.

Жұпта талқылау

«Абай кім?» тақырыбында қағазға ой түсіру, көршісімен бөлісу, жаңа ақпаратты бұрынғы біліммен ұштастыру.

Оқулықпен жұмыс

Міндетті деңгей тапсырмалары арқылы мазмұнды бекіту.

INSEPT стратегиясы

Өлеңді іштей оқығанда төмендегі белгілерді қойып отыру ұсынылады:

V

Білемін

-

Білмеймін

+

Мені қызықтырды / жұмбақтандырды

?

Мені таң қалдырды

Сөздік жұмысы

  • Бекер мал шашу орынсыз ысырап
  • Өсек өсек айту, ғайбат
  • Талап мақсатқа ұмтылыс
  • Қанағат шүкіршілік, тоқмейілдік
  • Рақым мейірім, ізгілік

Өлеңді талдау сұрақтары

Біз нені білеміз?

Негізгі ойды қысқаша түйіндеу.

Қандай жаңалық аштым?

Өлеңнен алынған жаңа түсініктер.

Не түсініксіз болды?

Сұрақтар мен талқылауға ашық тұстар.

4) Топтық тапсырмалар және сергіту

Абай ата сөздері

Өлең мазмұнын өмірмен байланыстырып, ой қорыту.

Бес асыл іс

Ізгі қасиеттерді анықтап, мысал келтіру.

Бес дұшпан

Жағымсыз әрекеттерді ажыратып, алдын алу жолдарын ұсыну.

Сергіту сәті

«Қара жорға» биі арқылы сергіп алу.

5) Деңгейлік тапсырмалар

II деңгей (алгоритмдік)

Мақал-мәтел жарысы: білім, еңбек, талап туралы нақыл сөздер айту және мағынасын түсіндіру.

III деңгей (эвристикалық)

«Синквейн» әдісі арқылы бес жолды өлең құрастыру.

Үлгі

Не?
Ғылым
Қандай?
Қызықты, қиын
Не істеді?
Үйренді, ашты, оқыды
Не үшін?
Сырын білу үшін
Синоним
Білім

6) Рефлексия және бағалау

Рефлексия

«Абай ата ағашына» оқушылар бүгінгі түсінгені мен түйгенін қысқаша жазып іледі.

Бағалау

Топтық жұмыс нәтижесі, белсенділік және жауап сапасы негізінде қалыптастырушы бағалау жүргізіледі.

Үй тапсырмасы

  • «Ғылым таппай мақтанба» өлеңін жатқа айту.
  • Абай туралы қосымша деректер жинау.