Қазақша рефераттар

Мақта қыз. Қосу амалының компоненттерін ата

Тақырыбы: 9 санын қайталау

Мақсаты

  • 1-ден 9-ға дейінгі сандардың құрамы бойынша алған білімдерін қайталау.
  • Логикалық ойлауын және есте сақтау қабілетін дамыту, пәнге қызығушылығын арттыру.
  • Ұқыптылыққа, шыдамдылыққа, ұйымшылдыққа тәрбиелеу.

Сабақ әдістері

Сұрақ–жауап Ізденіс Ойын Әңгімелеу

Көрнекіліктер

  • «Мақта қыз бен мысық» ертегісінің кейіпкерлері (суреттер).
  • Сандар құрамына арналған тапсырмалар.
  • Тақырыпқа сай үлестірмелі материалдар.

Сабақ барысы

I. Ұйымдастыру кезеңі

Оқушылардың сабаққа қызығушылығын ояту:

Шырылдады қоңырау — біз сабақты бастаймыз.
Партамызға отырып, өзара көз тастаймыз.
Табыс тілеп көзбенен, жаңа білім алуға
Алға қадам бастаймыз.

II. Сабақтың кіріспесі: ертегімен жұмыс

Бүгінгі сабағымыз ерекше өтеді. Ол үшін «Мақта қыз бен мысық» ертегісін еске түсіреміз (бір оқушы қысқаша мазмұндайды). Сабақта біз 7 өткелден өтеміз: әр өткелде кейіпкерлердің тапсырмаларын орындаймыз. Мақсат — мысыққа қатықты табуға көмектесу.

7 өткел: кейіпкерлердің тапсырмалары

  1. 1Сиыр
  2. 2Ағаш
  3. 3Қыздар
  4. 4Дүкенші
  5. 5Тауық
  6. 6Тышқан
  7. 7Мақта қыз

Өткел тапсырмалары

1) Сиырдың тапсырмасы — «Миға шабуыл»

Топпен жұмыс: бір-біріңді тыңдап, тыныштық сақтап, еркін жауап беріңдер. 9 сұрақ:

  1. Бір аптада неше күн бар?
  2. Санды немен белгілейміз?
  3. Кесіндіні немен өлшейміз?
  4. Қандай геометриялық фигураларды білесіңдер?
  5. Қосу амалының компоненттерін ата.
  6. Азайту амалының компоненттерін ата.
  7. Қосудың ауыстырымдылық қасиеті туралы не білесің?
  8. Тура және кері сана.
  9. 9 санының құрамын атап бер.

2) Ағаштың тапсырмасы — жапырақтар мен жұмбақтар

Сиыр тағы не сұрайды? Жапырақ. Ендеше жұмбақтарды шешейік:

Жұмбақ 1

Тал басында тізіліп, тоғыз жапырақ тұр еді.
Жел соқты да үзіліп, ұшып кетті біреуі.
Өзінше оның жұлынып, түсіпті тағы бесеуі.
Тұр әлі ілініп, жапырақтың нешеуі?

9 − 1 − 5 = 3

Жұмбақ 2

Сегіз асықтың үшеуін досың сұрап алады.
Айтшы, сонда нешеуі өз қолыңда болады?

8 − 3 = 5

Жұмбақ 3

Бір-бірімен жарысқан төрт аю, екі арыстан,
екі қоян, бір түлкі — бәрі нешеу, кім білді?

4 + 2 + 2 + 1 = 9

Мысық шаршады — сергіту сәтін өткіземіз. Сергіп алған соң мысық су іздеп жолға шығады. Алдынан қыздар кездеседі.

3) Қыздардың тапсырмасы — оқулықпен жұмыс

№1 тапсырма

7, 8, 9 сандарының құрамын табу (көрнекілікті қолдану).

№2 тапсырма

Салыстыру. Оқушылар кітапқа белгі қояды. Дұрыстығын тексереміз: оқыған оқушыға қалғандары дұрыс болса қол соғады немесе сигналдық карточканы көтереді.

4) Дүкеншінің тапсырмасы — сурет бойынша мысал құрастыру

Оқулық, №3 тапсырма

Сурет бойынша мысал құрастыр:

2 + 3 = 5 3 − 2 = 1

№4 тапсырма

Дәптерге 2 см кесінді сызу.

5) Тауықтың тапсырмасы — сандар қатары және сәйкестендіру

1) Қалып қойған сандарды ата

… 5 … 7 … 9 …
1 … 2 … … … 6 … 9 …

2) Мысалдарды жауабымен қос

6 − 1
→ 5
3 + 4
→ 7
5 + 4
→ 9
8 − 5
→ 3
9 − 1
→ 8
0
→ 0

6) Тышқанның тапсырмасы — жазулардың мәні және сан құрамы

1) Оқулықпен жұмыс, №6

Мына жазулар нені білдіреді?

2) Әр қатарға сәйкес сан құрамын сал

5: 3 + 2 4 + 1 5 + 0
7: 7 − 2 2 + 5 7 − 0
6: 6 + 1 1 + 5 0 + 6
8: 8 − 3 3 + 4 8 − 1
9: 9 − 4 9 − 2 9 − 3
Қосымша: 8 − 2 2 + 4 5 + 1

7) Бекіту — кері санау және 9 санының құрамы

Балалар, мысық барлық тапсырманы орындады. Енді дәнді ала отырып, кері санап жүреді:

9 8 7 6 5 4 3 2 1 0

Осы кезде Мақта қыз да келеді. Оның тапсырмасы — 9 санының құрамын тағы бір рет қайталау.

Қорытындылау

Негізгі нәтиже

Оқушылар 1–9 сандарының құрамын қайталап, салыстыру, қосу және азайту дағдыларын бекітеді.

Марапаттау

Белсенді қатысқан оқушыларды мадақтау және марапаттау.