Қазақша рефераттар

Сұрағына жауап беретін сөзді көрсет

Сабақтың мақсаттары

Білімділік

  • Зат есім туралы түсінік қалыптастыру.
  • Берілген сөздердің зат есім екенін дәлелдеуге үйрету.
  • Тіл дамыту арқылы шағын әңгіме құрастыру.
  • Оқушының өзіне ереже құрастырту.

Тәрбиелік

  • Мақал-мәтелдердің мағынасын талдау арқылы ой ұшқырлығын арттыру.
  • Отансүйгіштікке, шешендікке, батырлыққа, білімге құштарлыққа тәрбиелеу.

Дамытушылық

  • СТО тәсілдері арқылы терең ойлауға дағдыландыру.
  • Шығармашылықпен жұмыс істеуді қалыптастыру.

Сабақтың барысы

I. Ұйымдастыру кезеңі

  1. 1Сәлемдесу.
  2. 2Оқушылардың құрал-жабдығын тексеру.
  3. 3Назарын сабаққа аудару.

II. Үй тапсырмасын сұрау (371-жаттығу)

Жұмбақ

Торы тай,
Табанында төрт ай. (жауабы: таға)

Тапсырма: заттың атын, сынын, санын білдіретін сөздерді тап.

III. Үй тапсырмасын бекіту: «Сиқырлы таяқша» ойыны

  • Сөз дегеніміз не?
  • Түбір сөз дегеніміз не? Мысал келтір.
  • Сөздің түбірге жалғанған бөлігін қалай атаймыз?
  • Қосымша нешеге бөлінеді?
  • Жұрнақ деген не?
  • Сөз бен сөзді байланыстыратын қосымшаны ата.
  • Қосымшаның қай түрі бұрын жалғанады?
  • Сөз таптарын ата.

Сөз таптары

Зат есім Сын есім Сан есім Етістік

IV. Жаңа сабақ

Ребус шешу және суреттегі заттардың атына сұрақ қою арқылы оқушылардың өздеріне ереже шығарту.

Мысал
Нәзік — кім?
Мысал
Ат — не?
Мысал
Есік — не?
Мысал
Мысық — не?

V. Жаңа сабақты бекіту

375-жаттығу (танымдық)

Суреттегі заттардың атын пайдаланып, сөзжұмбақты шеш. Сол сөздерге сұрақ қой. Бұл сөздер тобын қалай атаймыз?

376-жаттығу

Мақалдарды көшіріп жаз. «Кім?», «Не?» сұрақтарына жауап беретін сөздердің астын сыз.

1-топ

Ақыл — тозбайтын тон, білім — таусылмайтын кен.

2-топ

Шешен сөз бастар, батыр қол бастар.

377-жаттығу (суретпен жұмыс)

Сызбадағы орнына «не?» сұрағына жауап болатын сөзді қойып, сөйлемдерді көшіріп жаз.

… үреді.
… ұлиды.
… қарқылдайды.
… шақырады.

378-жаттығу

Кім?

сатушы, дәрігер, ата, ұста

Не?

кітап, парта, дөңгелек, түлкі, ағаш, қарға

379-жаттығу (ауызша)

Сөздерді оқып, олардың зат есім екенін дәлелде: ақын, әнші, көбелек, қозы, дән, бөбек, әже, мұз.

Дәлелдеу үлгісі

Ақын — зат есім, өйткені заттың атын білдіреді. Оған «кім?» деген сұрақ қойылады.

380-жаттығу (танымдық)

Сөзжұмбақты қыс айларының аттарын пайдаланып шеш.

VI. Сабақты қорытындылау: «Қыста» тақырыбы

«Дөңгелек үстел» әдісі арқылы «Қыста» тақырыбына шағын әңгіме құра.

Шарты: топтағы бірінші оқушы түрлі пасталарды пайдаланып, тақырыпқа сай бір сөйлем жазады. Қалған оқушылар алдыңғы сөйлемді қайталамай, өз ойын жалғастырып жазады.

VII. Сабақты бекіту: тест тапсырмалары

  1. 1) Заттың атын білдіретін сөзді тап:

    • A) күн
    • Ә) биле
    • B) суық

  2. 2) «Кім?» сұрағына жауап беретін сөзді көрсет:

    • A) ән
    • Ә) күй
    • B) әнші

  3. 3) «Не?» сұрағына жауап беретін сөзді көрсет:

    • A) ақын
    • Ә) жер
    • B) адам

  4. 4) Жан-жануарға қойылатын сұрақты көрсет:

    • A) кім?
    • Ә) не?
    • B) кімдер?

  5. 5) Адамға қойылатын сұрақты көрсет:

    • A) не?
    • Ә) кім?
    • B) нелер?

Үй тапсырмасы және бағалау

VIII. Үйге тапсырма

Шығармашылық тапсырма.

IX. Бағалау

Оқушылардың сабаққа қатысуы мен тапсырмаларды орындауына қарай бағалау.