Арифметикалық амалдарды қайталай отырып, есептер шығара білу
Математика (4-сынып)
Сабақтың тақырыбы
Арифметикалық амалдардың қасиеттері
Мақсаты
Арифметикалық амалдарды қайталау арқылы есептерді шығара білу, қасиеттерді тиімді қолдану дағдысын дамыту.
Күтілетін нәтиже
- Арифметикалық амалдардың қасиеттерін еске түсіреді.
- Қасиеттерді ескере отырып тапсырмаларды орындайды.
- Амалдардың қасиеттерін тапсырмалар негізінде дәлелдеп, салыстыра алады.
Сабақтың барысы
1) Ұйымдастыру кезеңі
- Амандасу
- Тренинг
- Үй тапсырмасын тексеру
2) Тұсаукесер
Оқушылар 3 топқа бөлінеді. Әр топ тапсырманы топ ішінде талқылап, шешімін ұсынады және қандай ережеге (қасиетке) сүйенгенін түсіндіреді.
Топтық тапсырмалар (тұсаукесер)
Есеп 1
Бірінші алқаптан 54 ц, ал екінші алқаптан 72 ц картоп жиналды. Барлық картоп 50 кг-нан қаптарға салынады. Неше қап картоп шықты?
Есеп 2
Тігін фабрикасына әрқайсысында 125 шарғыдан 12 қорап жіп және әрқайсысында 420 шарғыдан 12 қорап жіп сатып алынды. Барлығы неше шарғы жіп сатып алынды?
Есеп 3
Кондитер фабрикасындағы бірінші конвейерден 954 кг, ал екінші конвейерден 456 кг кәмпит шықты. Оларды 500 г-нан қораптарға бөлу керек. Ол үшін неше қорап қажет?
Жаңа сабақ
Мақсат және күтілетін нәтиже
- Балалар сабақтың мақсатын және күтілетін нәтижені өздері құрастырады.
- Мақсатпен танысу.
- Күтілетін нәтижені нақтылау.
Оқытудағы тәсілдер
Жаңа әдістер
Топтық талқылау, дәлелдеу, салыстыру, «Қарлы кесек» әдісі.
Көрнекілік
Тақта, оқулық тапсырмалары, логикалық пікірлер, сәйкестендіру кестесі.
Оқулықпен жұмыс (мысалдар)
Амалдардың қасиеттерін пайдаланып есептеңіз.
14 225 : (3 × 5)
9 120 : (5 × 3)
210 : (3 × 7)
900 : (5 × 9)
18 006 : (3 × 2)
80 000 : (5 × 8)
Сергіту сәті
Қимылды ойындар арқылы қысқа сергіту жаттығулары орындалады.
Нығайту тапсырмалары
Топтық жұмыс
А) Құс фабрикасы
Құс фабрикасында 17 612 тауық бар. Бұл — үйректер санынан 28 есе көп. Ал қаздар саны үйректер санынан 16 есе көп. Құс фабрикасында неше қаз бар?
Ә) Жем мөлшері
Бір тауыққа күніне 100 г жем қажет. 300 тауығы бар фермер бір жылға (365 күн) қанша жем дайындауы керек?
Б) Жүк машинасы
Жүк машинасы диірменнен 16 т 500 кг бидай ұнын және 7 т 500 кг қарабидай ұнын қоймаға жеткізді. Егер жүк машинасы бір рейсте 1 500 кг ұн таситын болса, ол неше рет қатынайды?
Тақтамен жұмыс: дұрыс пікірді таңдаңыз
Берілген шартты пікірлердің ішінен дұрыс тұжырымды анықтаңыз.
-
Егер фигура үшбұрыш болмаса, онда ол ақ түсті.
-
Егер фигура шеңбер де, үшбұрыш та болмаса, онда ол ақ түсті.
-
Егер фигура көгілдір түсті болмаса және ол үшбұрышқа жатпаса, онда ол шаршы.
-
Егер фигура қызғылт сары түсті болмаса, онда ол шеңбер емес.
Жеке жұмыс: сәйкестендіру
Өрнектерді сәйкес қасиеттермен сәйкестендіріңіз.
Өрнек
210 × 3 + 870 × 3
40 × (512 × 6)
2579 × 1579
Қасиеттер
Ауыстырымдылық қасиеті
Терімділік қасиеті
Үлестірімділік қасиеті
Нұсқаулық
Әр өрнектің құрылымына назар аударыңыз: жақша, қосылғыштардың ортақ көбейткіші, орын алмастыру мүмкіндігі.
Қорытынды
Рефлексия
«Қарлы кесек» әдісі: әр оқушы бір маңызды ойды айтады, келесі оқушы алдыңғы пікірге қосып жалғастырады.
Бағалау және үй тапсырмасы
- Үй тапсырмасы: оқулық бойынша берілген тапсырмаларды орындау.
- Бағалау: «Бағдаршам», «Сэндвич» әдісі және өзін-өзі бағалау.