Өлең ненің төлі туралы

Білім беру саласы: Таным.
Ұйымдастырылған оқу іс - әрекетінің түрі: Жаратылыстану.
Тақырыбы: Үй жануарлары .
Мақсаты: Балалардың үй жануарлар туралы түсініктерін кеңейту, Олардың сыртқы келбетінің сипаттық ерекшеліктерімен, мінез - құлықтарымен, тіршілік әрекетімен таныстыру.
Қолданылатын көрнекі құралдар: суреттер, үй жануарлардың пайдасы бейнелейтін суреттер, үлестірмелі материалдар.

Мотивациялық - қозғаушылық
Ұйымдастыру кезеңі.
Балалар шеңбер бойына тұрып, педагогпен бірге төмендегі өлең жолдарын қайталайды.
Арым таза, ақ көңіл,
Адамдыққа сенемін.
Абыройлы, ақ ниет,
Адалдыққа сенемін.

- Шеңбер бойына тұрып орындайды.

Ұйымдастырушылық - ізденістік
1. Білімді өзектендіру.
- Ферма дегеніміз не?
- Фермада қандай жануарлар ұстайды?

2. Үй жануарлары және олардың пайдасы туралы әңгіме.
- Ферма - барлық үй жануарларын өсіріп ұстайтын шаруашылық орын. Үй жануарларын адам күтіп - баптайды.
Жануарлардың еті, сүті,
Жұмыртқасы - азық, ал жүні, терісі және мамығынан қаншама тұрмысқа қажетті заттар жасалады.
- Педагогтің айтқандарын мұқият тыңдайды

3. Билингвальды компонент:
Үй жануары - домашнее животное, сиыр - корова, ешкі
- коза, тауық - курица. Үй жануарлары деп үйде ұстайтын жануарларды айтамыз. Олар мыналар: қой,
ешкі, сиыр, түйе, жылқы.
- Қайталайды.
- Тауық -(курица).
- Сиыр(корова).
- Ешкі(коза).

Түйенің төлі - ботақан.
Қойдың төлі - қозы.
Ешкінің төлі - лақ.
Жылқының төлі - құлын.
Сиырдың төлі - бұзау.
- Төлдердің аттарын қайталап айтады.

4. Үй жануарлары туралы өлеңді оқу.
Шөре, шөре, лағым,
Секеңдеме, деміңді ал.
Тентек болма шырағым,
Селтеңдемей құлағың.
- Өлең ненің төлі туралы?
- Ешкінің қандай пайдасы бар?
Әукім - әукім әукешім,
Сипайыншы әукесін.
Енең, әне, келеді,
Ақ мамасын береді.

- Сиырдын қандай пайдасы бар? Тағы қандай үй жануарларын білесіңдер?
- Дұрыс, үй құстары және ти, мысық та үй жануарларына жатады.
Қалай ойласыңдар тауық қандай пайда әкеледі? (Еті мен жұмыртқасы - тамақ. Мамығынан жастық жасайды).
- Әукім - әукім деп сиырдың төлі – бұзауды шақырамыз.

- Сиырдың сүті, еті - тағам. Сүтінен ірімшік, құрт, айран, май алады. Терісінен тұрмысқа қажетті заттар жасайды.

5. Динамикалық үзіліс.
Шип - шип шөжелерім әнің үнтаспадан тыңдады.
- Балапандар биін билейді.

6. Үлестірмелі материалдармен жұмыс.
Тапсырманы қалай орындау
Керектігін түсіндіреді
7. Жеке жұмыс өткізеді.

Рефлексиялық - түзетушілік

Сұрақ - жауап әдісі арқылы оқу іс - әрекетін қорытындылайды.
- Үй жануарларын атаңдар?
- Неге адамдар жануарларға күтім жасайды?
Олардың қандай пайдасы бар?
Педагогпен бірге сабақты қорытындылайды.

Күтілетін нәтиже:
Орындайды: төрт түлікке байланысты берілген (мысалы: ешкінің төлі - лақ. Бұзауды әукім - әукім деп шақырамыз) тапсырмаларды.
Түсінеді: үй жануарларының адам өміріндегі маңызы.
Қолданады: жалпы үй жануарлары туралы мәліметтерді оқу іс - әреттерінде