Ойын сабағының шарты, тапсырмаларды орындай отырып қақпаларды ашу

Сабақ туралы мәлімет

Өңірі: Шығыс Қазақстан облысы, Көкпекті ауданы, Қарамойыл ауылы
Мектебі: Ю. Гагарин атындағы бастауыш мектеп
Мұғалім: Зияданова С. Н.

Сабақтың тақырыбы: «Қандай? Қай?» сұрақтары. Сын есім
Сабақтың типі: Қайталау, жаңа сабақ
Сабақтың түрі: Ойын сабақ
Әдіс-тәсілдері: Түсіндіре жинақтау, проблемалық сұрақтар, шығармашылық жұмыстар, сын тұрғысынан ойлау.
Көрнекілігі: «Алтын қақпа» ойыны, кесте, топшама.

Сабақтың мақсаты

Білімділік

«Қандай? Қай?» сұрағына жауап беретін сөздерді меңгерту.
Сын есім туралы түсінікті қалыптастыру.

Дамытушылық

Жаңа тақырып пен тапсырмалар арқылы оқушылардың сын тұрғысынан ойлауын дамыту, дербес жұмыс жасау дағдысын қалыптастыру, сөздік қорын байыту және шығармашылық қабілетін ұштау; өздігінен жұмыс істеуге жағдай жасау.

Тәрбиелік

Ізденімпаздыққа, ұқыптылыққа, жауапкершілікті түсіне білуге, Отанды сүюге және ұлтжандылыққа тәрбиелеу.

Сабақтың барысы

1) Ұйымдастыру кезеңі

Мұғалім: «Сәлеметсіңдер ме, балалар?»

Бүгінгі сабағымыз ерекше өтеді: ойнай отырып ойланып, жауап беру арқылы білім деңгейімізді көрсетеміз.

Психологиялық дайындық (өлең)

Бізге болсын сәтті күн,

Сізге болсын сәтті күн.

Көңілдерді көтерсін,

Біздің жарқын тәтті үн.

2) Күн мен тақырыпқа кіріспе (сұрақ-жауап)

Сұрақ

Бүгін айдың нешесі?

Он екінші сәуір.
Сұрақ

Қандай күн?

Ғарыш күні.
Сұрақ

Мектебіміз қалай аталады?

Ю. Гагарин атындағы бастауыш мектеп.

Түсіндіру

Ю. Гагарин кім?

Ол — тұңғыш ғарышкер.
Дерек

Қай жылы ғарышқа ұшты?

1961 жылы 12 сәуірде Байқоңырдан ұшты.
Сұрақ

Қазақстанның қандай ғарышкерлерін білесіңдер?

Т. Әубәкіров, Т. Мұсабаев.

3) Үй тапсырмасын тексеру

Дәптерлерді жинап, тексеру.

Сұрақ: «Өзің не үшін білім алғың келеді?»

4) Көркем жазу

Жазылым үлгісі

Ғғ Ғғ

Ғарыш

Ғарышқа ұшты.

Тоқтар — ғарышкер.

Ой серпіні

«Ойлаумен ой толады, ойнаумен бой толады» қағидасын ұстана отырып, бүгінгі сабақта білімімізді ойын арқылы бекітеміз.

5) Қызығушылықты ояту: «Алтын қақпа» ойыны

Сабақ «Алтын қақпа» ойыны түрінде өтеді. Шарт: тапсырмаларды орындау арқылы қақпаларды біртіндеп ашу. Іске сәт!

Тас қақпа

Жұмбақ

Үлкен алтын табақтан

Әлемге нұр таратқан.

Келесі қадам: жаңа тақырыпқа өту, сипаттау сөздер арқылы сұраққа жауап беру.

Нәтиже: Тас қақпа ашылды.

Күміс қақпа

Жаттығу

Дәптермен жұмыс

132-жаттығу.

Кітаппен жұмыс

Суретке қарап әңгіме құрау:

Қызыл сиыр, күрең ат;
Ала бұзау, ақ лақ.

Нәтиже: Күміс қақпа ашылды.

Сергіту сәті

Қимыл-өлең

Түнгі аспанға қарайық,

Кәне, менің жұлдызым,

Жұлдыздарды санайық.

Қайда сенің нұрлы ізің?!

Биіктей түс, биікте!

Жарқырайық, түс жарқыра!

Алтын қақпа

Өздік жұмыс

Сын есім арқылы заттың сынын сипаттау (кесте бойынша):

Зат	Сипаты (сын есім)
Күн	ашық
Аспан	көгілдір
Жапырақ	сары

Нәтиже: Алтын қақпа ашылды.

Алтын сандық

Шығармашылық тапсырма

Сипаттау үлгілері

Алмұрт — сопақ.
Қоян — қорқақ.
Лимон — қышқыл.

Тапсырма

«Қияр» туралы жұмбақ құрастыр.

Нәтиже: Алтын сандық ашылды.

6) Қорытындылау

«Гүл құрау» әдісі арқылы сабақты бекіту: оқушылар жауаптары мен мысалдары арқылы негізгі ұғымдарды жинақтайды.

7) Үй тапсырмасы

Сөздермен жұмыс

«Сұлу», «қызыл» сөздеріне сөйлем құрау.

Оқу тапсырмасы

183-бет: өлеңді мәнерлеп оқу.

8) Бағалау

Оқушылардың сабақтағы белсенділігі мен тапсырмаларды орындау сапасына қарай бағалау.