Қазақша рефераттар

Есептер шығаруға машықтандыру

Сабақ туралы қысқаша мәлімет

Пәні
Математика
Сыныбы
6-сынып
Тақырыбы
Сызықтық функция және оның графигі
Сабақтың түрі
Аралас сабақ
Сабақтың типі
Жаңа білімді меңгерту
Әдіс-тәсілдері
Түсіндіру, есеп шығару, сұрақ-жауап

Көрнекіліктер

  • Плакат
  • Интерактивті тақта
  • Электронды оқулық
  • Үлестірме қағаз

Сабақтың мақсаттары

Білімділік

Оқушыларға сызықтық функцияның анықтамасын түсіндіру, графигін салуды үйрету және білім-біліктерін тексеру. Есептер шығаруға машықтандыру.

Дамытушылық

Функция графигі бойынша формула құрастыру және формула бойынша график салу дағдыларын қалыптастыру, пәнге қызығушылықты арттыру.

Тәрбиелік

Сабақ барысында ойын элементтері арқылы оқушылардың белсенділігін, ынтасы мен жігерін көтеру, өз көзқарасын қорғауға тәрбиелеу.

Сабақтың өту барысы

1) Ұйымдастыру кезеңі

  • Сәлемдесу, сыныптағы жұмысқа дайындықты ұйымдастыру.
  • Сабаққа қатысуды кезекші оқушы арқылы түгендеу.

2) Өткен материалды еске түсіру

Үй тапсырмасын тексеру, есептердің орындалуын бақылау және негізгі ұғымдарды сұрақ-жауап арқылы нақтылау.

Үй тапсырмасын бекітуге арналған сұрақтар

1) Функция дегеніміз не?

Тәуелсіз айнымалының әрбір мәніне тәуелді айнымалының бір ғана мәні сәйкес келетін тәуелділік функционалдық тәуелділік, яғни функция деп аталады.

2) «Функция» терминін математикаға енгізген ғалым кім, қазақша мағынасы қандай?

«Функция» терминін математикаға 1694 жылы неміс ғалымы Готфрид Вильгельм Лейбниц енгізген. Термин латынның functio сөзінен шыққан, қазақша мағынасы — «орындау», «атқару».

3) Аргумент дегеніміз не?

Тәуелсіз айнымалы аргумент деп аталады.

4) Кестенің қадамы деген не?

Кестенің қадамы — аргументтің қатар тұрған екі мәнінің айырмасы.

3) Жаңа сабақ: сызықтық функция

Сызықтық функция деп y = kx + l (мұндағы x — тәуелсіз айнымалы, k және l — нақты сандар) түрінде берілетін функцияны айтады.

Анықталу аймағы

Барлық нақты сандар жиыны

Дербес жағдайлар

  • Егер l = 0 болса, онда y = kx.

    Бұл функция тура пропорционалдық деп аталады.

  • Егер k = 0 болса, онда y = 0x + l, яғни y = l.

    y = l — тұрақты функция, ол сызықтық функцияның дербес жағдайы.

Сызықтық функцияның графигі

Мысал ретінде y = 1,5x − 2 сызықтық функциясының графигін салайық. Ол үшін алдымен x пен y мәндерінің сәйкестік кестесін құрамыз.

Келесі қадам:

Кестеден кемінде екі нүкте таңдап, координаталық жазықтықта белгілеп, түзу сызықпен қосамыз.