Топтың орындауында Аяз ата әні
Тақырыбы
Кең далама ырыс сыйла, Жаңа жыл
Мақсаты
Оқушыларды ұлтжандылыққа, имандылыққа, адамгершілікке баулу; Отанды сүюге, туған еліне деген сүйіспеншілігін арттыру.
Мерекелік кештің басталуы
Жангелді
Уа, халайық, той бүгін, бақыт, шаттық бүгін мол!
Қарсы алайық Қой жылын, ұзатып сап Жылқы жылын.
Өткізейік жақсы оқып Жаңа жылдың ай-күнін.
Желеп-жебеп піріміз, таза болсын дініміз.
Жауқазындай жалындап, өркендесін тіліміз.
Шаттығымыз, жырымыз — келген Жаңа жылымыз.
Ақ тілеумен осындай, ар боп үйге кіріңіз.
Райхан
Уа, халайық, жараңдар, айналаға қараңдар!
Жаңа жылдың бұл тойын салтанатқа санаңдар!
Жаңа жылда жаңа бақыт, тыныштық!
Жаса! Жаса! Достық! Бірлік! Туыстық!
Құттықтайық Жаңа жылды өнермен — қуаныштың әр минуты тым ыстық.
Барлық жандар бір тілекке қосқан үн — бақытты боп бастады жыл дастанын.
Қуанышпен келді той боп Жаңа жыл. Құтты болсын Жаңа бақыт, достарым!
Топтың орындауында: «Аяз ата» әні.
Қой жылы туралы ізгі тілектер
Байр А
Егеменді ел деген сөз мәнді,
Қой жылы — біз аңсаған, жасай мәңгі.
Сан сыры ата-баба дәстүрімнің,
Құтты жылым, жасай мәңгі, жасай мәңгі!
Мәден
Қой жылы, бізге жаңа бақыт әкел,
Ізгілік пен бірлік дәнін ортаға сеп.
Құт болсын, береке бер халқымызға,
Мерейін, мәртебесін биікке асыр.
Салтанат
Қуана қарсы алайық құтты жылды,
Абырой-атағымыз артсын ылғи.
Басты арман — бірлік болсын арамызда.
Жаңара берсін Жеті жарғымыз да.
Жылқы жылының қоштасуы
Жылқы жылы (Айтмұхаммед)
Мен бармын, халқым барда — біледі нарқымды Алла.
Былтыр дәл осы жерде қарсы алған балалар да.
Сыр айтам ұл-қыздарға: қауқам жоқ қарқындарға.
Кетермін мен бұл жерден — барлығын Қой жылына тапсырып.
Жангелді: «Қане, балалар, Жылқы жылын әсем бимен шығарып салайық!»
Балалар: «Қош бол, Жылқы жылы! Қош бол!»
Жылқы жылы: «12 жылдан соң оралып келемін. Сау болыңдар, балалар!»
Ақ тілек
Балаларым, балаларым, алғысым көп айтар менің.
Дәл осындай әнмен, бимен қарсы алдыңдар Қой жылын.
Өлшеусіз алда көп міндет — өссең де мұңсыз күнде сен.
Өмірге не болғың келеді — өсиет айтам енді мен:
Жасампаз заман — бұл заман. Бүгіннен ертеңі болыңдар.
Келер жыл саған аманат! Қош-сау болыңдар!
Кейіпкерлер келетін көңілді көрініс
Райханның сұрағы
Балалар, сендер бос уақыттарыңды қалай өткізесіңдер? Көпшілігің телеарнадан мультфильм көретін шығарсыңдар. Ендеше бүгінгі Қой жылын қарсы алу кешімізге сол мультфильмдердегі сүйікті кейіпкерлерің келсін — кәне, қарсы алайық, достар!
Гена (Самархан)
Армысыңдар, балалар, балапандар!
Чебурашка (Ильяс)
Балалар, бізді танитын шығарсыңдар. Біз Гена екеуміз сендермен бірге Қой жылын қарсы алуға келдік.
Қасқыр (Айгерім) және Қоян
Қасқыр: Балалар, сендер қоянды көрдіңдер ме? Осылай қарай жүгіріп кеткен еді. Қап, бәлем қоян, тұра тұр — қазір сені тауып аламын!
Қоян: Алақай, алақай! Қашып кеттім. Қасеке, одан да Жаңа жыл кешінде достасып, би билеп, көңіл көтерейік.
Қасқыр: Жарайды, билесек — билейік.
Карлсон (Мәден)
Мен қайда ұшып келдім? Мұнда не болып жатыр?
Моторым неге тоқтап қалды? Моторымды жүргізу үшін маған тәтті кәмпиттер керек.
Кәне, балалар, кәмпит, тәттілер болса — маған беріңдер!
Топтың орындауында: «Ақшақар» әні.
Жангелді: «Рахмет, балалар! Кешіміз әсем әнмен жалғассын.»
Қой жылы төрге келді
Жангелді
Келді, міне, Жаңа жылым осылай. Қонысың құтты болсын, Жаңа жылым! Мектебіме ырыс болып қонарсың!
Қой жылы (Әділет)
У-ай! Қандай тамаша! Залдарың қандай жаңаша.
Сәлем беріп қояйын — үлкен-кіші қаласа.
Жылдың бір иесі мен — Қой жылы. Істі шаруанды тап та, біл.
Қош келдіңдер, халайық, Жаңа жылда сауық-сайран салайық.
Қуаныш, той, бақ әкелсін — құтты жылдар тағы келсін!
Ән-күй
Райхан: Жаңа жылдың құрметіне әнге кезек берейік.
Жангелдінің орындауында: «Домбыраның күмбірі», «Жаңа жыл».
Жанібек
Рахмет, балаларым. Көріп тұрмын — өнерлі, ақылды екенсіңдер.
Мен сендермен 365 күн бірге боламын. Биылғы жылы мені де қуантасыңдар деп ойлаймын.
Өзіммен бірге тарихымды арқалай келдім.
Оқушылардың ортақ тілегі
Аяз ата мен Қарша қызды шақыру
Шақыру
Аяз ата, Қарша қыз, келіңіздер!
Тамашаны көріңіздер!
Балаларға арналған сыйлықтарды көріңіздер!
(Аяз ата мен Қарша қыз келеді.)
Тезекбаева Айгерімнің құттықтауы
Қош келдің, Жаңа жылым, көп болар жаңалығым.
Төрлет, Жаңа жыл, жұлдызым жоғары!
Шырқырасын туған жердің жыр-әні.
Көкте күліп Алтын Күн нұрын шашқан,
Құтты болсын қадамдар — алға басқан.
Сыйласын тек қуаныш, қызықтарын,
Жаңа жыл есігін айқара ашсын!
Баир Айгерімнің орындауында: «Сырғанақ» әні.
Өлеңдер легі
Әділет
Жаңа жылды қарсы алып, жасаймыз той — жылда бір.
Жарқын-жарқын ән салып, жалғасады жырға жыр.
Жылмен бірге аяқты жылдамырақ басамыз.
Жақсы оқып сабақты, жаңа кітап ашамыз.
Жас ұланға десеңіз, жылдар тартқан кітапты — білген сайын өсеміз.
Ильяс
Лебі мұздай ызғарлы, алып келді қыс — қарды.
Қысқа түндер ұзарды, ұзақ күндер қысқарды.
Аяз сүйіп қарсы алған жердің аппақ сұлбасы —
міне, осы қаңтардан басталды жыл басы.
Райханның орындауында: «Бақытты балалық».
Ойын-сауық және оқушылар өнері
Жангелді
Ал, қанеки, балалар, ортамызды ашайық!
Ән мен биді төгілтіп, інжу-маржан шашайық!
Шағын орталықтың «Балбөбек» бүлдіршіндерінің өнерлерін тамашалаңыздар.
Райхан
Ал, балалар, сағынтып жеткен Жаңа жылымыздың құрметіне дайындаған ойын-сауықтарыңды бастаңдар.
Ортаға даярлық сынып оқушыларын шақырамыз.
Жангелді
Жаңа жылда өнер сыйлар қайсың бар?
Алға шығып, өлең, тақпақ, әндеріңді айтыңдар!
Тақпақ айтсын мерекеміз жайында — сөз берейік 2-сынып оқушыларына.
Өлең: уақыт пен үміт
Ертіп алып біз білмейтін күндерді, ертіп алып біз көрмеген түндерді,
Есік салып өтіп жатқан уақытты — есік қағып тағы да бір жыл келді.
Бұрын сені іздесем де таппас ем, Жаңа жылым — сенде жанған от та әсем.
Шаттық болып шаңыраққа нұр төгіп, бақыт болып босағамнан атта сен.
Өлең: елге тілек
Қазақ жерін күллі әлемге сүйікті ет, қазақ елі мәртебесін биіктет.
Кең далама ырыс сыйла, Жаңа жыл — бар ғаламның ырыздығын жиып кеп.
Бармақтай бақ бұйыр, менің халқыма; мол ғылым бер, зор білім бер халқыма.
Алға жүзсін Тәуелсіздік кемесі, қазағымның даңқы қосылсын даңқына.
Келесі өнер кезегі
Әркімнің де әні бар, әннің де көп мәні бар.
Жаңа жылды жаңаша — болсын қызық, тамаша!
4-сынып оқушылары өз өнерлерін көрсетеді.
Қоштасу және ізгі ниет
Аяз ата мен Қарша қызға ақ жол
Балалар, Аяз ата мен Қарша қыздың бармаған әлі талай асулары бар екен. Біз сияқты балалар күтіп отырған көрінеді. Ендеше, оларды шығарып салайық.
Балалар: «Қош болыңыз, Аяз ата! Қош болыңыз, Қарша қыз! Келесі жылы сіздерді сағына күтеміз!»