Қазақша рефераттар

Көбейтудің мәні мен екінші көбейткіштің бөліндісін жаз

Қараой мектеп-балабақшасы

Бастауыш сынып математика сабағы

Мұғалім

Мұхтарова Гүлмира Таңжарбайқызы

Сынып

3-сынып

Тақырып

4-ке көбейту және бөлу

Сабақ түрі

Қайталау сабағы

Сабақтың мақсаты

  • 4-ке көбейту және бөлу білігін қалыптастыру.

  • Жазбаша және ауызша көбейту мен бөлуді меңгерте отырып, өз бетімен жүйелі қорытынды жасауға үйрету; логикалық ойлау белсенділігін дамыту.

  • Ұқыптылыққа және еңбекқорлыққа тәрбиелеу.

Сабақ барысы

I. Ұйымдастыру

Болам десең — ғарышкер,

Болам десең — дәрігер,

Болам десең — инженер,

Ең керекті — математика,

Математика өмірде —

Бар білімнің патшасы.

II. Өткен материалды пысықтау

Көркем жазу минуты

Ондығы 4 болатын сандарды жазыңдар:

4 40 41 42 43 44 45 46 47 48 49

Біз не үйрендік?

4-тің көбейту кестесін қалай құрамыз? Үлгі:

4×3 + 4 = 16

4×4 = 16

4×4 + 4 = 20

4×5 = 20

4×5 + 4 = 24

4×6 = 24

Оқушылар кестені осы үлгі бойынша өздері жалғастырып құрастырады.

III. Миға шабуыл

  1. 1

    Көбейтудің компоненттерін ата.

  2. 2

    Бөлудің компоненттерін ата.

  3. 3

    Салмақ өлшем бірліктерін ата.

  4. 4

    Ұзындық өлшем бірліктерін ата.

  5. 5

    Заттарды біріктіргенде қандай амал қолданамыз?

  6. 6

    Заттарды бөліп алуда қандай амал қолданамыз?

  7. 7

    Қосудың ауыстырымдылық қасиеті туралы не білесің?

  8. 8

    Қандай геометриялық фигураларды білесіңдер?

IV. Математикалық диктант

  1. 8×4 көбейтіндісінің мәнін тап.
  2. Көбейтіндінің мәнін бірінші көбейткішпен салыстыр.
  3. Көбейтіндінің мәнін бірінші көбейткішке бөліп, бөліндіні жаз.
  4. Көбейтіндінің мәнін екінші көбейткішпен салыстыр.
  5. Көбейтіндінің мәнін екінші көбейткішке бөліп, бөліндіні жаз.
  6. Екінші көбейткіш пен бірінші көбейткіштің көбейтіндісін жаз.

V. Ой сергіту жаттығулары

Логикалық сұрақтар

  • 4 жұмыртқа 4 минутта піседі. Ал 1 жұмыртқа неше минутта піседі?
  • 1 кг темір мен 1 кг мақтаның қайсысы ауыр?
  • Үстел үстінде 8 майшам жанып тұр. Оның үшеуін өшірсе, неше майшам қалады?
  • Әжесі немересіне 6 қолғап тоқыды. Немересі нешеу?

Назар аударатын дағды

Бұл бөлімде оқушылар жылдам ой қорыту, дәлелдеу және күнделікті өмірмен байланысты логикалық тұжырым жасау дағдыларын бекітеді.

Кеңес: жауаптан бұрын қысқаша дәлел келтіруді сұраңыз.

VI. Оқулықпен жұмыс

A) Есеп (бос орындармен)

Қарлығашта _____ бар. Апасы _____ берді. Біреуі _____ тұрса, Қарлығаш неше дәптер сатып алған?

Ә) Есеп (бос орындармен)

Шыңғыстың _____ бар. Әрқайсысы _____ сатып алды. Оның қанша ақшасы қалды?

Ескерту: мәтіндегі бос орындар оқулықтағы нақты сандармен толтырылады.

VII. «Кім жылдам?» есептері

  1. 40 кг сәбіз және 20 кг қызылша болды. Оның 15 килограмы тамаққа пайдаланылды. Қанша кг көкөніс қалды?

  2. Бір себетте 27 кг алмұрт, ал екінші себетте одан 13 кг артық алмұрт бар. Екінші себетте қанша кг алмұрт бар?

  3. Салтанат кітаптың 18 бетін, ал Азамат 9 бетін оқыды. Салтанат Азаматқа қарағанда неше есе көп оқыды?

VIII. Шығармашылық тапсырма және жұмбақ

Егер қалтаңда 4 000 000 теңге болса, не істер едің?

Оқушылар қысқаша жоспар құрып, таңдауын дәлелдейді: жинақтау, оқу құралдары, көмек, пайдалы мақсат, т.б.

ойлан дәлелде жоспарла

Математикалық жұмбақ

Жоқ өзінде бас та, қас та, мойын да,

Ұзындығы жазулы тұр бойында.

Жауабы: сызғыш

Айқасқан екі таяқ,

Тұрады жоқты сұрап.

Жауабы: x

IX. Үй тапсырмасы және бағалау

Үй тапсырмасы

№4

Бағалау

Оқушылардың белсенділігі, дәлдігі, есеп шығару тәсілін түсіндіруі және өздігінен қорытынды жасауы ескеріледі.