Әке - әркімнің сүйенер тіреуі
Кіріспе сөз
Мұғалім: «Құрметті әкелер! Сіздерге арналған “Әке — шаңырақтың негізгі тірегі” атты ашық тәрбие сағатымызды ашық деп жариялаймыз».
Әр шаңырақта әкенің орны бөлек. Әке — отбасының асыраушысы, жанұя мүшелерінің тірегі мен қамқоршысы. Әкенің мінез-құлқы, өзгелермен қарым-қатынасы, өнері мен білімі — баланың көз алдындағы үлгі, жүрегіне сіңетін өнеге.
«Әке — бәйтерек» дейміз. Сол себепті бүгінгі кездесуде әкелер бәйтерек макетіндегі өздеріне ұнаған түсті қаршаны таңдап, жасырылған ән атауына қарай екі топқа бөлінеді.
1-топ
Ақ түсті қарша
Ән: «Атамекен»
2-топ
Көк түсті қарша
Ән: «Арыс жағасында»
Балалардың арнауы
«Әке — әркімнің сүйенер тіреуі. Әкені ардақтай білу керек. “Әкеге қарап ұл өсер” дегендей, әкенің балаға үйретері көп. Ендеше, құрметті әкелер, балаларыңыздың өнерін тамашалаңыздар».
1-оқушы
Нағыз әке — ақылгөй де асқар жан, Барлық ұрпақ әкелерден басталған. Ал, әкелер, өздеріңізге арналған Бүгінгі той — қуаныш пен мереке.
2-оқушы
Жүздеріңнен көрем шаттық арайын, Болсын солай әрбір күнің, әр айың. Тойларыңыз құтты болсын, әкелер, Балаларың төге берсін мерейін.
3-оқушы
Сізсіз, әке, ең ақылды, ең шыншыл, Сізсіз, әке, ең жақыным, ең сыршыл. Шуақ шашқан қашанда асыл жүрегің — Жанымдасың, қамқорымсың, білемін. Қабыл алғын бала жүрек тілегін.
4-оқушы
Қамқорсың, әке, өмірде, Қуатым сенсің көңілге. Әлпештеп мені өсірдің, Ұшармын ертең көгіңде.
5-оқушы
Өмірдің көрген талай жол торабын, Әкеден кім аяйды қолда барын? Әкенің ақ тілегін өтеу — парыз, Мен бүгін әкемді айтып толғанамын.
Ән
«Анашым — әкем»
Би
Өзбек биі «Шайхана»
Әке туралы ой және іс-әрекет бөлімі
Мұғалім: «Әке көрген оқ жонар» — әкеге қатысты айтылған қадірлі сөз. Мен әкенің бойынан күш-жігерді, батырлықты, қайсарлықты, білімділікті және адамгершілік қасиеттердің тұтас көрінісін көремін деп ойлаймын.
Әкелер әртүрлі болады: бірі — ақылды, білімді; бірі — жігерлі, қайратты; енді бірі — батыр, батыл. Ал кейбірінің бойынан осының бәрі де табылады.
Әкелерге сөз
- 1) Таныстыру: «Кімнің әкесісіз?»
- 2) Сұрақ-жауап: балаңыздың туған күні, айы, жылы.
- 3) Үй тапсырмасы: қолөнер немесе сәндік бұйым. Үйден жасап келген бұйымды таныстырып ұсыну.
- 4) Ойын: «Әскердегі қызықты сәттер…»
- 5) Тілек пен тағылым: балаңызға қандай мақал-мәтел айтар едіңіз? Оны парақшаға жазып, гүлге бекітіп, балаға ұсынасыз. Бала гүлді бәйтерекке іледі.
Топтық орындау
- 1-топ: «Атамекен» әнін орындайды.
- 2-топ: «Арыс жағасында» әнін орындайды.
Көрермендер қолдауы
Әр тапсырмадан кейін көрермендердің қошеметі мен жылы лебізі сабақтың мәнін тереңдете түседі.
Шаттық шеңбері
Бір құрмет — Әке қатал болса да, Сыйлау оны — бір құрмет. Әке қандай болса да, Қорқу одан — бір құрмет. Әкенің бір сөзіне Ешқандай тыйым жетпейді. Әке қатты сөз айтса, Есіңнен еш кетпейді. Әкесін сыйлай білгендер Көгереді, көктейді.
Қорытынды
Мұғалім: «Құрметті ата-аналар, оқушылар! Біздің сыныбымыздың символы — осы бәйтерек болсын. Ағаш басындағы қаршаларды әкелеріміздің мейірімі мен ықыласы “жібітті”. Бәйтерегіміз гүлдеп, көктеді».
«Әке — асқар тау, ана — бауырындағы бұлақ, бала — жағасындағы құрақ». Баршаңызға амандық тілейміз.
Әкелеріміз жазып берген мақал-мәтелдерді ойымызға түйіп, өнегелі, тәртіпті, әдепті, білімді ұрпақ болып өсейік.
Есте қалатын түйін
Әкені құрметтеу — отбасының берекесін арттырып, баланың болашағына бағыт береді.