Мұғалімдердің коучинг барысындағы мүмкіндіктері
Коучинг сессия (90 минут)
Коучинг жоспары теориялық білімді практикамен ұштастыра отырып, оқушылардың қызығушылығын жаңа әдіс-тәсілдер арқылы арттыруға бағытталған.
Формат
Топтық жұмыс + рефлексия
Тақырып
Теориялық білімді практикада ұштастыру арқылы оқушылардың қызығушылығын жаңа әдіс-тәсілдер көмегімен дамыту.
Мақсат
«Теориялық білімді практикада ұштастыруда оқушылардың қызығушылығын жаңа әдіс-тәсілдер арқылы дамыту» тақырыбы аясындағы іс-әрекеттерді айқындау, ықтимал қиындықтарды анықтап, оларды шешу жолдарын қарастыру. Қатысушылар өз тәжірибесінде кездесетін проблеманы нақтылап, жүйелі шешім ұсынуға дағдыланады.
Коучинг барысындағы мұғалім мүмкіндіктері
-
1
Оқушының оқу процесінде теориялық білімді қалай қабылдайтынын анықтайды.
-
2
Оқушыларды бірлескен топтық жұмысты ұйымдастыруға дағдыландырады.
-
3
Қауіпсіздік ережелерін сақтай отырып, эксперимент жасау мәдениетін қалыптастырады.
-
4
Мұғалім өз тәжірибесіндегі кедергілерді нақтылап, оларды еңсеру қадамдарын айқындайды.
Күтілетін нәтиже
Практикаға көшу
Теориялық білімді практикалық әрекетпен байланыстырып, тапсырмаларды тәжірибе арқылы орындауға бейімделеді.
Эксперимент пен қауіпсіздік
Қауіпсіздік ережелерін сақтай отырып, тәжірибе жасап, нәтижені талдай алады.
Проблеманы шешу
Алдында тұрған проблеманы анықтап, шешім нұсқаларын ұсынады.
Жүйелілік
Сабақ құрылымына жүйелілік енгізіп, рефлексия арқылы жақсарту бағытын белгілейді.
Коучинг өткізу әдістері
- Тақырыпты, тапсырмаларды және эксперименттерді топтық жұмыс арқылы меңгерту әдістерін қолдану.
- Практикалық жаттығулар орындау және мұғалімдермен кері байланыс (рефлексия) жазу.
Ұсынылатын ресурстар
Коучинг барысы
Топ ережесін құру (10 минут)
Қатысушылар өз мүмкіндіктеріне қарай топ ережесін бірлесіп құрады және сол ережелерді сақтауға міндеттенеді. Коуч нұсқаулық береді.
Бейнематериал арқылы ой қозғау (15 минут)
Нұсқау
«Көбелектің қауызынан шығуы» және «Құмырсқа» тақырыбындағы бейнематериалдарды мұқият қарап, мағынасын түсінуге тырысыңыздар.
Бейнематериал бойынша талқылау сұрақтары:
- A) Бейнематериалда не көрсетілді?
- Ә) Бұл бейне сізге қандай ой тудырды?
- Б) Сіз сол жағдайда болсаңыз, қандай іс-әрекет етер едіңіз?
Жазбаша жұмыс
Бейнефильмдегі жағдайды қалай түсінгеніңізді және өз іс-әрекетіңізді қысқаша эссе түрінде жазыңыз.
Коучтің қорытындысы
Қатысушылар тақырып мазмұнын өздері ашады. Бүгінгі коучингтің негізгі өзегі — теорияны практикамен байланыстыру арқылы қызығушылықты арттыру.
Белсенді әдіс: топтық жұмыс
Нұсқау
Мұғалімдер қызыл және сары түсті стикерлер арқылы топқа бөлінеді. Стикерлерде төмендегі ұрандардың бірі жазылады:
- «Әлем өзгергенімен, мен де өзгеремін»
- «Мен жаңашыл мұғалім боламын»
A) Деңгейлік тапсырма құрастыру
Оқушылардың жас ерекшеліктерін және деңгейін ескере отырып, теория мен практиканы ұштастыратын деңгейлік тапсырмалар құрастырыңыздар (химия және биология пәндері бойынша).
Ә) Топаралық пікір алмасу
Топтардың жұмыстарын қарап, ойларыңызды ортаға салыңыздар. Кедергілер мен сәтті тұстарды атап, талқылаңыздар.
Б) Жұмысты қорғау
Әр топ өз жұмысын қорғайды және талқылау нәтижесін көрсетеді. Тапсырмалар оқушының сабақ барысында жауап бере алуын ескеріп, төмен және жоғары деңгейде қамтылуы тиіс.
Кері байланыс және рефлексия
Әр қатысушыға сауалнама беріледі. Қатысушылар алған әсері мен үйренген әдістері туралы пікірін қағазға түсіріп, нәтижесі талданады.
- A) Бұл коучингтен не үйрендіңіздер?
- Ә) Коучинг сабағы ұнады ма?
- Б) Бұл сабақтан қандай әсер алдыңыздар?
- В) Болашақта өз тәжірибеңізде қандай өзгерістер енгізесіз?
Қорытынды
Келесі коучинг белгілі бір уақытта және белгілі тақырып бойынша осы форматта жалғасады. Қатысушылар коучинг туралы кері байланыс жазып, әдістерді өз сабақтарында қалай қолданатынын жоспарлайды.
Қатысқандарыңызға рахмет! Шығармашылық жұмыстарыңызға сәттілік тілеймін.