Қазақша рефераттар

Негізгі тұрыс - Бастапқы қалыпта қолды кеудеге ұстап, оңға және солға қолды созып жаттығуды қайталау

Дайындық бөлімі 10 минут

Саптық және жалпы дамыту жұмыстары

Оқушыларды бойына қарай бір қатарға тұрғызу. Кезекшінің рапорты қабылданады. Бұрылу бұйрықтары қайталанады: бір орында оңға, солға, артқа бұрылу. Одан кейін алаңды айнала 1–2 минут жүру және жүгіру жаттығулары орындалады. Алдыңғы сабақтардағы қол және иық бұлшықеттеріне арналған жалпы дамыту жаттығулары да қайталанады.

Жалпы дамыту жаттығулары (15 қадам)

Оқушыларды санау арқылы 3 топқа бөлу

  1. 1) Негізгі тұрыс

    Екі қолды алға, кейін жоғары-жаңға созып, төмен түсіру. Бастапқы қалыпқа келу.

  2. 2) Негізгі тұрыс

    Қолды алға созып, жоғары көтеру, екі жанына түсіру және бастапқы қалыпқа келу.

  3. 3) Негізгі тұрыс

    Қолды алға созып, кезектесіп жоғары және төмен айқастыру.

  4. 4) Негізгі тұрыс

    Аяқты алшақ қою, қол белде. Басты солға қисайту — бастапқы қалып; оңға қисайту — бастапқы қалып.

  5. 5) Негізгі тұрыс

    Басты алға еңкейтіп және артқа шалқайтып, кезекпен орындау.

  6. 6) Негізгі тұрыс

    Иықты қол деңгейінде оңға және солға айналдыру қимылдары.

  7. 7) Негізгі тұрыс

    Қолды кеудеге қойып, оңға және солға созу арқылы қайталау.

  8. 8) Негізгі тұрыс

    Аяқты алшақ қою, қол белде. Санақ бойынша оңға және солға еңкею.

  9. 9) Негізгі тұрыс

    Қол белде. Оңға және солға бұрылу қимылдары (аяқ орнынан қозғалмайды).

  10. 10) Негізгі тұрыс

    Екі қолды тізеге қойып, оңға және солға айналдыру.

  11. 11) Негізгі тұрыс

    Қолды алға созып ұстау: 1 — отыру, 2 — тұру, 3 — отыру, 4 — бастапқы қалыпқа келу.

  12. 12) Бір орында жүгіру

    Орташа қарқында, тыныс ырғағын сақтай отырып.

  13. 13) Қос аяқпен жоғары секіру

    Бір орында, қауіпсіз қонуға мән беру.

  14. 14) Бір орында жүру

    Қол-қимылды үйлестіре отырып орындау.

  15. 15) Тыныс алу жаттығуы

    Бір орында тұрып: 1–2 — аяқты жоғары көтеру, тынысты ұстап тұру; аяқпен төмен қарай жиі қимыл жасау; 3–4 — сыртқа дем шығару.

Негізгі бөлім 30 минут

Ұлттық ойындар арқылы дағды қалыптастыру

Сыныпты санау арқылы екі топқа бөлеміз. Әр ойынның қарапайым ережесі түсіндіріледі. Ойындар оқушылардың күшін, шапшаңдығын, ептілігін және ұжымдық әрекетін дамытуға бағытталады.

Арқан тартыс

8–10 м арқан

Ойынға ұзындығы 8–10 метр, екі ұшы түйілген арқан қолданылады. Қатысушылар бойына қарай қатарға тұрады. Арқанның ортасына қызыл мата байланады. Оқушылар арқанның екі жағынан бірінің артынан бірі тұрып, арқанды екі қолдап ұстайды.

Мақсаты

Қарсыластың бір немесе бірнеше ойыншысын белгіленген сызықтан өз жағына тартып өткізу.

Теңге шашу

10 минут

Оқушылар тең екі командаға бөлінеді. Командалар 30–40 метр қашықтықта тұрады. Ортаға қызыл мата қойылады. Белгі берілгенде оқушылар матаға ұмтылып, «теңгені» мәреден сөреге жылдам жинап, қайта орнына қоюға тырысады.

Дамытатын қасиеттер

Жылдамдық, шапшаңдық, ептілік, қабілет.

Жеңіс шарты

Тапсырманы дұрыс әрі жылдам орындаған команда жеңеді.

Әтештер қақтығысы

Шеңбер: 4–5 м

Диаметрі 4–5 метрлік шеңбер сызылады. Ойыншылар екі тең топқа бөлінеді. Белгі берілгеннен кейін ойынға шыққан оқушылар оң қолымен бір аяғын ұстап, сол қолын артқа қояды да, бір аяқпен секіре жүріп иықпен қағысады.

Мақсаты

Қарсыласын шеңберден ығыстырып шығару. Қарсыласын шығарған ойыншы өз командасына ұпай әкеледі.

Ережелер

  • Ұстап тұрған аяқты жіберіп қойса — жеңілген болып есептеледі.
  • Екі ойыншы бір уақытта шеңберден шықса — жеңіс ешқайсысына берілмейді.
  • Қақтығыс кезінде қолмен итеруге болмайды; сол қол міндетті түрде артта тұрады.

Қорытынды бөлім

Үй тапсырмасы

Үйде осы үйренген жаттығуларды қайталап, орындау сапасын жақсартуға тапсырма беріледі.

Қорытындылау және бағалау

Сабақ қорытындыланады. Оқушылардың орындау барысындағы кемшіліктері мен жетістіктері ескеріліп, тиісті бағалары қойылады.

Сабақ соңында қысқа кері байланыс алынып, келесі сабақта қауіпсіздік талаптары мен орындау техникасын нақтылау ұсынылады.