Қазақша рефераттар

Үшбұрыш пен төртбұрыштың периметрін табу

Сабақтың тақырыбы

Үшбұрыш пен төртбұрыштың (тік төртбұрыш, шаршы) периметрін табу.

Білімділік

  • Сызбаларды пайдаланып, үшбұрыш пен тік төртбұрыштың (шаршының) қабырғаларын өлшеу.
  • Периметрді табу дағдысын қалыптастыру.
  • Екі амалмен шығарылатын есептерді (сонша, қосындыны не қалдықты табу) пысықтау.
  • Екі таңбалы сандарды оқу және жазуды бекіту.

Дамытушылық

  • Ойлау және есте сақтау қабілеттерін дамыту.
  • Өз бетінше жұмыс істеу дағдысын жетілдіру.

Тәрбиелік

  • Мейірімділікке, ұқыптылыққа, зейінділікке, әдептілікке тәрбиелеу.

Сабақтың түрі

Аралас сабақ.

Әдіс-тәсілдер

Түсіндіру, сұрақ-жауап, қима қағаздармен жұмыс.

Көрнекіліктер

Қима қағаздар, геометриялық фигуралар.

Сабақтың өту барысы

I. Ұйымдастыру кезеңі

  • Оқушылардың назарын сабаққа аудару.
  • Сабақтың мақсаты мен күтілетін нәтижелерін таныстыру.

II. Үй тапсырмасын тексеру

Өткен сабақтарды еске түсіріп, «күн көзіндегі» сөзді табу арқылы білімді жан-жақты сұрау.

Өткен сабақтардан не үйрендік?

Көпбұрыштың периметрін табуды үйрендік.

Периметр дегеніміз не?

Периметр — фигураның барлық қабырғалары ұзындықтарының қосындысы.

III. Жаңа материалды меңгеруге дайындық

Бүгінгі сабақта үшбұрыштың, төртбұрыштың және шаршының периметрін табу жолдарын нақты мысалдар арқылы қарастырамыз.

№1. Кесіндінің ұзындығын есептеп шығар

Берілгені (мысал):

Үшбұрыш қабырғалары: 3 см, 2 см, 4 см.

Шешуі:

P(△) = 3 см + 2 см + 4 см = 9 см

№2. Периметрді тап

Тік төртбұрыш

P = 2 см + 2 см + 3 см + 3 см = 10 см

Шаршы

P(□) = 1 см + 1 см + 1 см + 1 см = 4 см

Төртбұрыш

P = 2 см + 3 см + 4 см + 1 см = 10 см

IV. Сергіту сәті

Күлші қане, достым,
Күлші қане, достым.
Бүгінгі күн міне,
Жақсылыққа толсын!
Біздің алар бағамыз,
Кілең «5» боп тік болсын.