Оқушыларды қазақ халқының ұлттық киім түрлерінің суреттері арқылы топқа бөлу

Қазақ халқының ұлттық киім түрлері
Технология 7 сынып
Сабақтың мақсаты:
Білімділік: Қазақ халқының салт - дәстүрін, мәдениетін және ұлттық киімдерінің мәні мен мағынасын үйлесімділігі туралы айта отырып, оқушылардың ұлттық сана - сезімін ояту. Оқушыларға қазақ халқының ұлттық киімдерінің ерекшеліктері, түрлері, пайдалану және тұтыну ерекшеліктері туралы түсінік беру.
Дамытушылық: Оқушылардың эстетикалық талғамын арттырып, ұлттық киім тарихын зерттеуге қызығушылығын арттыру, ойын, қиялын, тілін дамыту.
Тәрбиелік: Өз халқының салт – дәстүрін сыйлауға, құрметтеуге, мақтан етуге тәрбиелеу.
Оқу нәтижелері:
Оқушылар қазақ халқының ұлттық киім түрлерін оқып меңгереді, бас киім түрлерін жасап үйренеді.
Кіріспе:
І Психологиялық дайындық: Шаттық шеңбері Оқушылармен амандасу, қал - жағдайын сұрау, көңіл - күйін көтеру.

Оқушыларды қазақ халқының ұлттық киім түрлерінің суреттері арқылы топқа бөлу.
Таңдалған суреттерінің артқы жағына үй тапсырмасының сұрақтары жазылған.

ІІ. Таныстырылым:
Қазақ халқының ұлттық киімдері жайлы видео қойылады.
Топтық тапсырма. Оқушылар топ ережесін еске түсіреді.
1 - топ: Ер адамның ұлттық киімдері (постер қорғау)
2 - топ: Әйел адамның ұлттық киімдері (постер қорғау)

ІІІ. Негізгі бөлім:
Қазақы киім – көненің көзі. Қазақ халқының ұлттық киімдерін тіккенде климаттық жағдайларды ескеріп, ежелгі дәстүрлер бойынша сәндеп тіккен. Қазақтарда ішкі, сыртқы, бір киер, салтанат киімдері болады. Біркиер киім қымбат матадан тігіледі. Той думандарға барғанда, жат елге іс сапарға шыққанда киетін сәнді киім болған. Салтанатты киімді барқыттан, жібектен тігіп, құндыз, кәмшат терілерін қолданған. Ішкі киімдер: көйлек, желет, кәзекей; сыртқы киімдер: шапан, кеудеше, тон жатады. Қазақ әйелінің ұлттық киімі: көйлек, камзол, кимешек, тақия, сәукеле, кебіс, мәсі. Әйел киімдері әшекей, ажар жағынан ел салты бойынша төрт топқа арналып тігілген.
Бас киімдері: үкілі тақия, сәукеле, бөрік, тымақ. Әжелер бастарына кимешек киген. Зергерлік бұйымдардан білезік, алқа, сырға, шолпы таққан. Ерлер киімдерінің ең қымбаттысы — аң терісінен істелген ішіктер. Шапан көбінесе жүн тартылып бидайланып тысталған. Мұндай шапанды сырмалы шапан деп атаған. Тон көбінесе иленген күздік қой терілерінен тігіледі.