Қазақша рефераттар

Неше буын, неше дауысты дыбыс

Сабақ туралы қысқаша мәлімет

Тақырып

Ж ж дыбысы мен әрпі

Сабақ түрі

Ойын сабақ

Әдіс-тәсілдер

Түсіндіру, сұрақ-жауап, әңгімелеу, көрнекілік

Көрнекіліктер

Ж ж дыбысы мен әрпіне арналған кестелер, суреттер

Пәнаралық байланыс

Дүниетану

Сабақтың мақсаты

  1. Оқушыларды Ж ж дыбысы мен әрпімен таныстыру, дыбыстың сөздегі орны туралы түсінік беру, берілген сөздерді дұрыс оқуға және жазуға үйрету.

  2. Ж дыбысына қатысты жаңа сөздер ойлату, сөйлем құрату; танымдық іс-әрекеттер арқылы ой-өрісін және тілін дамыту.

  3. Оқушыларды сауаттылыққа және ұйымшылдыққа тәрбиелеу.

Сабақтың барысы

I. Ұйымдастыру

Оқушылардың сабаққа даярлығын тексеру.

II. Психологиялық дайындық

Бақытты балғын баламыз,
Өседі ой-санамыз.
Білімнің нәрін сусындап,
Биікке самғап барамыз.

Сұрақ-жауап

  • Мұғалім: Қазір қай сабақ?
  • Оқушылар: Әліппе сабағы.
  • Мұғалім: Әліппе сабағында не үйрендіңдер?
  • Оқушылар: Әріптерді, дыбыстарды жазып және айтып үйрендік.

III. Миға шабуыл

Негізгі ұғымдар

1) Дыбыс деген не?
Дыбысты естиміз және айтамыз.
2) Әріп дегеніміз не?
Әріпті көреміз, жазамыз және айтамыз.
3) Дыбыс нешеге бөлінеді?
Дауысты және дауыссыз.
4) Дауысты дыбыстар қалай айтылады?
Созылып айтылады.
5) Дауыссыз дыбыстар қалай айтылады?
Қысқа айтылады.

Бұрын өткен әріптер

А, Р, О, Л, Ш, С, У, Ы, Д, Т, М, Н

Ойын: «Жанды әріптер»

Оқушылар әріптерді танып, дыбыстап, сөз құрауға жаттығады.

IV. Жаңа сабақ

1) Жұмбақ шешу: «Жолбарыс»

Кілемнің түрлеріндей жүндері бар,
Айбаты жан шыдамас үндері бар.

Жауабы: Жолбарыс

Жолбарыс қандай аң?

Жолбарыс туралы не білеміз?

Тағы қандай аңдарды білесіңдер?

Бүгінгі сабаққа жолбарыс қонаққа келді. Ол өзіне дос іздеп жүр екен. Біз оған көмектесеміз бе?

Дыбыстық бақылау

  • «Жолбарыс» сөзі қандай дыбыстан басталады?
  • Ж дыбысын хормен: ж-ж-ж деп дыбыстату.
  • Бұл қандай дыбыс? (дауыссыз)
  • Сөздің қай жерінде тұрады? (басында)
  • Буынға бөлу, дауысты дыбыстарды анықтау.

Бүгінгі тақырып: Ж ж дыбысы мен әрпі. Баспа және жазба түрімен танысамыз.

Ж дыбысынан басталатын қандай сөздерді білесіңдер? Жаңа сөздермен танысу үшін экранға назар аударамыз.

(Ж дыбысынан басталатын сөздерді қайталату.)

2) Жұмбақ: «Аю» — жолбарысқа дос табу тапсырмасы

Үстінен тоны түспеген,
Сонда да аяз қыс боп тұр.

Жауабы: Аю

Оқулықпен жұмыс

  • «Жіп» сөзіне дыбыстық талдау жасау.
  • 48-беттегі буындарды оқу.
жа жо жы жу
жал жол жыл жуан

Диалогты оқыту (мәнерлеп оқу, рөлге бөліп оқу).

Сергіту сәті

Қорбаңдаған аюдың
Құлпынайы көп екен.
Теріп-теріп алайық,
Қалтамызға салайық.

3) Жұмбақ: «Тиін» — суретпен жұмыс

Бұтақтарға секіріп,
Әр жерден қылт етеді.
Кейде жаңғақ кеміріп,
Жоғары өрлеп кетеді.

Жауабы: Тиін

Тапсырма

  • Суретке ат қою.
  • Сурет бойынша сөйлем құрастыру.

4) Жұмбақ: «Қоян» — дәптермен жұмыс

Сылдырдан қорқады,
Шошынып жортады.

Жауабы: Қоян

Тапсырма

  • Ж дыбысын ауада жазып көрсету.
  • Әріп элементтерімен танысу: жарты ай, имек жоғары, таяқша, имек жоғары, тағы да жарты ай.

5) Жұмбақ: «Түйе» — ойынды жалғастыру

Кезікті бір жануар,
Үстінде екі тауы бар.
Мойны ұзын, көзі үлкен,
Бұл не, өзің тауып ал?

Жауабы: Түйе

Ойын: «Орнын тап»

Қарсы мәндес сөздерді орнына қойып, сөз тіркестерін оқу.

Сөздер

жуан, тау, тар, ағаш, жаңа, жол, аласа, орамал

Мақсат

Мағынасы қарама-қарсы жұптарды тауып, дұрыс тіркес жасау.

Қорытындылау

Ойын: «Заттарды жина»

Өткенді бекітуге арналған қысқа тапсырмалар арқылы оқушылардың назарын шоғырландыру.

Нені үйрендік?

  • Ж дыбысы қандай дыбыс? (дауыссыз)
  • Ж дыбысына мысал келтіру.
  • Ж әрпінің баспа және жазба түрлерін ажырату.

Рефлексия

  • Жолбарыс пен оның достары қайда мекендейді?
  • Оларды не қорғайды?
  • Мына ағаш оларды қорғай ала ма? Не жетіспейді?

Қорытынды әрекет: ағашқа жапырақтармен безендіру арқылы «қорғау» идеясын бекіту.

Үй тапсырмасы және бағалау

Үй тапсырмасы

  • Дәптермен жұмыс (тапсырмаларды аяқтау).
  • Сурет бойынша шағын әңгіме құрастыру.

Мадақтау

Белсенді қатысқан оқушыларды мадақтау, ынталандыру және қорытынды баға беру.