Желілі жануарларға тән белгілерді ата
Сабақтың тақырыбы
Балықтар жоғары класы. Шеміршекті балықтар.
Сабақтың мақсаты
Білімділік
Оқушыларды балықтардың сыртқы және ішкі құрылыстарымен, сондай-ақ олардың сулы ортада тіршілік етуіне байланысты биологиялық ерекшеліктерімен таныстыру.
Тәрбиелік
Балықтар туралы түсінік қалыптастыра отырып, оларды қорғауға баулу.
Дамытушылық
Сыртқы құрылыс белгілеріне сүйене отырып, шеміршекті және сүйекті балықтарды бір-бірінен ажырата білуге үйрету.
Сабақтың форматы
Әдістері
- Өзін-өзі тексеру
- Сұрақ-жауап
- Суретпен жұмыс және басқа тәсілдер
Түрі және көрнекілігі
Сабақ түрі: Жаңа тарауды меңгерту.
Көрнекілігі: Мультимедиялық слайдтар, ылғалды препараттар, суреттер.
Сабақтың жүрісі
1) Ұйымдастыру кезеңі
Оқушылардың назарын сабаққа аудару және үй тапсырмасын пысықтауға көшу.
2) Үй тапсырмасын тексеру сұрақтары
- Желі қандай қызмет атқарады?
- Неліктен тип «желілілер» деп аталған?
- Желілілер қандай тип тармақтарға бөлінеді?
- Қай желілілерде желі мен жүйке түтігі өмір бойы сақталады?
- Желілі жануарларға тән белгілерді атаңыз.
3) Жаңа сабақты түсіндіру
Балықтар — сулы ортада тіршілік етуге бейімделген төменгі сатыдағы жануарлар.
Балықтарды зерттейтін зоология ғылымының саласы ихтиология деп аталады.
Бұл атау грек тіліндегі «ихтис» — «балық» сөзінен шыққан.