Қазақша рефераттар

Жаңа дыбысты қатыстырып сөз, сөйлем ойлату арқылы баланың логикалық ойлауын дамыту

Ашық ұйымдастырылған оқу іс-әрекетінің технологиялық картасы

Білім беру саласы: Қатынас · Бөлімі: Сауат ашу және жазу

Тақырып

«М» дыбысы және әрпі

Мақсаты

  • Балаларды «М» дыбысы мен әрпімен таныстыру.
  • «М» дыбысы бар сөздерге дыбыстық талдау жасай білуге үйрету.
  • Дыбыстың айтылуына мән беріп, «М» әрпінің баспа түрін жазуды меңгерту.
  • Буын туралы түсінігін кеңейту.
  • Жаңа дыбысты қатыстырып сөз бен сөйлем құрастыру арқылы логикалық ойлауын дамыту.
  • Сөздік қорын жетілдіру, зейінін тұрақтандыру.
  • Адамгершілікке, ептілікке, шапшаңдыққа тәрбиелеу.

Көрнекіліктер

Слайд, оқулық, суреттер, кеспе әріптер, «Тілек ағашы» (бағалау), «Ертегі әлемі».

Билингвизм

  • Мысықкошка
  • Маймасло
  • Масакомар
  • Маймылобезьяна

Әдіс-тәсілдер

Таныстыру, көрсету, түсіндіру, әңгімелесу, сұрақ-жауап, «Ертегі әлемі» тәсілдері.

Сабақ барысы

1) Мотивациялық-қозғаушы кезең

Ұйымдастыру

Мұғалімнің сәлемдесуі және жағымды көңіл-күй қалыптастыру:

Сәлеметсіңдер ме, балалар!

Қуанамын мен де,

Қуанасың сен де,

Қуанамыз, достарым,

Арайлап атқан күнге!

2) Өткенді қайталау

Сұрақ-жауап

Негізгі ұғымдар

  • 1 Дыбыс — естиміз.
  • 2 Әріп — көреміз, жазамыз.
  • 3 Дыбыстар екіге бөлінеді: дауысты және дауыссыз.

Өткен сабақ

Өткен оқу іс-әрекетінде «Д» дыбысы мен әрпімен таныстық.

Танысқан сөздер:

доп велосипед домбыра дала доға дода дара дана

3) Жаңа сабаққа дайындық

Жұмбақ

Мұғалім балаларға жұмбақ жасырады:

Мұртын сипап тілімен,

Бетін сусыз жуады.

Тышқанды аңдып түнімен,

Көзі оттай жанады.

Жауабы: мысық

«Мысық» сөзі «М» дыбысынан басталады. Бүгінгі қонағымыз — жаңа дыбыс: «М».

4) Жаңа сабақ

Таныстыру · Түсіндіру

Дыбысты айту

Слайдтан «М» дыбысын көреміз. Барлығымыз бірге айтамыз: М — М — М.

«М» — дауыссыз дыбыс: созылмайды, кедергіге ұшырап барып айтылады.

Әріппен танысу

Мұғалім тақтада Мм әрпінің баспа және жазба түрін көрсетеді.

М м Мм

«Ертегілер еліне саяхат»: тапсырмалар тізбегі

«Мақта қыз бен мысық» ертегісі бойынша тапсырмалар орындалады. Әр кейіпкер жаңа әрекетке жетелейді.

Сиырдың тапсырмасы (дәптермен жұмыс)

  • Суреттегі сөздерді шапалақ арқылы буынға бөлу: қам-шы, ма-ши-на, қа-лам.
  • «М» дыбысының сөздің басында, ортасында, соңында кездесетінін анықтау.

Ағаштың тапсырмасы

Үзік сызықтарды қосып, буындап оқыту:

ма ма мата мой мойнақ шам мал май маймыл мол

Қыздардың тапсырмасы

Жазу жұмысы: «м» әрпінің баспа түрін жазу.

Дүкеншінің тапсырмасы

Сергіту сәті (қимыл-қозғалыс жаттығулары).

Тауықтың тапсырмасы

«Сөз ойлап тап» ойыны: май, мата, шам сөздерін ойлап, дәптерге жазу. Сөздерге дыбыстық және буындық талдау жасау.

Кел, тышқанмен ойнайық

«Сөйлем құра» ойыны: сөйлем құрастыру және оның сызбасын (схемасын) көрсету.

Талда: Алма өседі.

Талда: Алмас алма жеді.

Дидактикалық ойын: «Сөз айт, тез айт»

Ойын шарты: кубик арқылы орындалады. Балалар бір-біріне кубикті лақтырып, «М» дыбысынан басталатын сөздерді атайды.

5) Оқу іс-әрекетін қорытындылау

Қайталау
  • ? Бүгін қандай дыбыспен таныстық?
  • ? «М» дыбысы қандай дыбыс?
  • ? Қандай сөздермен таныстық?

6) Рефлексия және бағалау

«Тілек ағашы»

Бағалау

Сабақ барысында белсенді қатысқан балалар «Тілек ағашының» қуанышты хабарламалары арқылы мадақталады.

Күтілетін нәтиже

  • Нені біледі: дауысты және дауыссыз дыбыстардың айырмашылығын; «Мм» әрпінің баспа үлгісін таниды.
  • Нені игерді: есте сақтау мен ойлау қабілетін дамытуға бағытталған тапсырмаларды орындайды.
  • Дағдысы: «М» дыбысы бар сөздер мен сөйлемдер құрастырады.