Алшақ жүріп жанаспай
Жақсыдан үйрен, жаманнан жирен
Бұл сабақтың негізгі идеясы — баланың жақсы мен жаманды ажырата білуіне және сол түсінікті күнделікті өмірде дұрыс қолдануына көмектесу.
Сабақтың мақсаты
Түсінік қалыптастыру
Жақсы және жаман ұғымдары туралы нақты, түсінікті көзқарас беру.
Салыстыру дағдысын дамыту
Жақсы мен жаманды салыстырып, айырмашылығын байқай алу іскерлігін дамыту.
Тәрбиелік бағыт
Жақсы істер мен ізгі әрекеттер жасауға тәрбиелеу, жаман қылықтан сақтандыру.
Шаттық шеңбері
Жақсылықтан үйреніп,
Боламыз біз жақсы адам.
Жамандықтан жиреніп,
Үлгі аламыз жақсыдан.
Ой қозғау: жақсы іс пен жаман іс
Төмендегі жолдарды оқып, әр сипаттаманың жақсы немесе жаман екенін анықтаңыз.
Жақсы қасиеттер
- ✓ Биязы мінез, тілалғыш болу — жақсы.
- ✓ Бауырмалдық таныту — жақсы.
- ✓ Үйдің ішін тазалап, киіміңе қарап, ұқыпты жүру — жақсы.
- ✓ Ашудан аулақ болып, сабыр сақтау — жақсы.
- ✓ Ақылды болу — жақсы.
Жаман қылықтар
- ! Бетің-қолың лас болып, ұқыпсыз жүру — жаман.
- ! Берекесіз күлу, орынсыз қылық көрсету — жаман.
- ! Бейбастық (тәртіпсіздік) жасау — жаман.
- ! Ұшқалақ, жеңілтек болу — жаман.
- ! Ата-ананың ақылын уақытында тыңдамау — жаман.
Дәптермен жұмыс
Оқушылар дәптерге «Жақсы іс» және «Жаман іс» деп екі баған жасап, өз өмірінен мысалдар жазып шығады. Әр мысалға қысқа қорытынды (неге жақсы/неге жаман) қосады.
Автор туралы
Ш. Башиков атындағы негізгі мектеп КММ
8-сынып жетекшісі, информатика пәнінің мұғалімі
Үсенова Айым Үсенқызы