Картада неше жол көріп тұрсыңдар
Ұйымдастырылған оқу әрекетінің технологиялық картасы
Білім беру салалары: Таным, Қатынас, Шығармашылық
Тақырыбы: Артық, кем, тең
Мақсаты
- «Артық», «кем», «тең» ұғымдарымен таныстыру.
- Заттар мен суреттер жиындарын салыстыруға үйрету.
- Зейінін, салыстыру дағдыларын, математикалық түсініктерін және ойын дамыту.
- Бұрын алған білімдерін жетілдіру.
- Өзара достық қарым-қатынасқа тәрбиелеу.
Көрнекіліктер
- Даша және Алаяқ (түлкі) суреттері
- Карта
Билингвалды компонент
Сандар
- 1
- один / one (уан)
- 2
- два / two (ту)
- 3
- три / three (сри)
- 4
- four (фо)
- 5
- five (файф)
Сабақ барысы
Кезеңдер: мотивациялық-қызығушылық, ұйымдастыру-ізденушілік, рефлексивтік-түзету.
1) Мотивациялық-қызығушылық кезең
Шаттық шеңбері
Тәрбиеші балаларды шеңберге шақырады, шеңбердің неге ұқсайтынын сұрайды және «шеңберді үрлеуді» ұсынады.
Өлең-амандасу
Армысың, ару күнім! Армысың, арайлы аспаным! Бармысың, думанды достарым! Бармысың, қадірлі қонақтарым! Бас иіп, өздеріңе сәлем бердік.
Балалардың күтілетін әрекеті
- Шеңберге жиналып, қызығушылық танытады.
- Шеңбердің допқа және шарға ұқсайтынын айтады.
- Өлең сөздерін және қимылдарын ересекпен бірге қайталайды.
- Қонақтармен үш тілде амандасады.
2) Ұйымдастыру-ізденушілік кезең
Сюжеттік желі: Даша қонаққа келе жатып, сыйлығын жоғалтып алады. Оны Алаяқ (түлкі) алып кеткен. Сыйлықты қайтару үшін балалар тапсырмаларды орындайды.
Тапсырма 1
Картадағы жолдарды санау және түстерін атау
- Картадан үш жол табады.
- Ұзындығын салыстырады: қысқа және ұзын.
- Түстерін атайды: жасыл, қызыл, көк.
- 1-ден 5-ке дейін санайды (билингвалды нұсқаларымен).
Түс
Жасыл
green (гриин)
Түс
Қызыл
red (ред)
Түс
Көк
blue (блу)
Тапсырма 2
Ормандағы ағаштар мен гүлдерді салыстыру
Ағаштарды санау
Картаның жоғары және төменгі бөлігіндегі ағаштарды санайды: жоғарыда — 3, төменде — 3.
Қорытынды: тең (бірдей).
Гүлдерді санау
Бір жақта — 3 гүл, екінші жақта — 2 гүл.
Қорытынды: біреуі артық, біреуі кем.
Сергіту сәті
Орынымыздан тұрайық, Алақанды ұрайық. Бір — отырып, бір — тұрып, Сәл демалып алайық.
Тапсырма 3
Пішіндерден көпір құрастыру және түстеріне қарай жапсыру
- Балалар көпірдің пішіндерден құрастырылғанын анықтайды.
- Пішіндерді түстеріне сәйкес тауып, дұрыс орынға жапсырады.
- Жетпейтін пішінді атайды: үшбұрыш.
- Алаяқ әкелген үшбұрыштардан әр топ әртүрлі бейне құрастырады.
Тапсырма 4
«Кім жылдам?» ойыны
Ойын шарты: жол шетіндегі саңырауқұлақтарды жинау. Кім көп жинаса — сол жеңімпаз.
Нәтиже
Ойын барысында балалар картадағы бағытпен жүріп отырып, жасырылған сыйлыққа жетеді.
Қайталау сұрақтары
- Қандай ойын ойнадық?
- Неден өттік?
- Сыйлықты кім алып кеткен еді?
- Нешеге дейін санадық?
3) Рефлексивтік-түзету кезеңі
Сабақты талдау
- Тапсырмалардың орындалуын алгоритм бойынша талдау.
- Балалардың өзін-өзі бағалауына мүмкіндік беру.
- Ортақ жұмыс үшін мадақтау және алғыс білдіру.
Тосын сый
Тәрбиеші Дашаның балаларға әкелген сыйлығын табыстайды. Балалар алған әсерлерін айтып, сыйлықтарды қабылдайды.
Күтілетін нәтиже
- Ереже бойынша тапсырманы орындау дағдысы қалыптасады.
- Толық сөйлеммен немесе тапсырмаға сай нақты жауап береді.
- Өз тобының жетістігіне қуана біледі.
- Өзін бағалай алады.