Компьютерлік техниканың даму үрдісімен таныстыру
Сабақ туралы мәлімет
- Сабақтың тақырыбы
- Компьютерлік техниканың даму үрдісі
- Сабақтың мақсаты
- Компьютерлік техниканың даму үрдісімен таныстыру.
- Сабақ міндеттері
-
Білімділік: компьютерлік техниканың даму үрдісі туралы жүйелі ақпарат беру.
Дамытушылық: оқушылардың ойлау қабілетін, логикалық және абстрактілі ойлауын дамыту.
Тәрбиелік: әр оқушыны іскерлікке, нақтылыққа және жауапкершілікке тәрбиелеу.
- Сабақтың түрі
- Аралас сабақ
- Оқыту әдістері
- Сөздік, көрнекі, практикалық
- Сабақтың құрал-жабдықтары
- Компьютерлер, SIN.kz бағдарламасы, тест сұрақтары және қосымша материалдар.
- Оқыту формалары
- Жеке, топтық және ұжымдық жұмыс.
Сабақтың барысы
I. Ұйымдастыру кезеңі
Оқушыларды сабақтың тақырыбы және мақсатымен таныстыру. Сыныптың назарын сабақтың негізгі идеясына аудару.
II. Өтілгенді пысықтау
Алдыңғы тақырыптарды еске түсіру үшін сұрақтар:
-
1642 жыл: француз математигі Блез Паскаль 19 жасында жасаған есептеу машинасы қалай аталды?
-
1694 жыл: неміс математигі Лейбниц Паскальдың механикалық есептеу машинасын жетілдірген құрылғы қалай аталды?
-
1833 жыл: алғашқы есептеуіш автоматтың авторы Чарлз Бэббидж жасаған машина қалай аталды?
-
1846 жыл: Бэббидж жасаған есептеу машинасы қалай аталады?
III. Жаңа ұғымдармен алғашқы таныстыру
Бұл бөлімде ЭЕМ буындары және олардың негізгі айырмашылықтары қарастырылады.
1940–1955
Бірінші буын
Алғашқы электрондық машиналар: ENIAC және EDSAC.
1955 жылдан бастап
Екінші буын
Жартылай өткізгіштер, әсіресе транзисторлар, кеңінен қолданыла бастады. Бағдарламалау тілдері: Фортран, Алгол, Кобол.
Келесі кезең
Үшінші буын
Интегралдық схемалар негізінде құрылған ЭЕМ-дер.
Қазіргі кезең
Төртінші буын
Қазіргі дербес компьютерлер осы буынға жатады.
Болашақ
Бесінші буын (әзірлену үстінде)
Бесінші буындағы компьютерлер әлі толыққанды түрде қолданысқа енген жоқ. Дегенмен көптеген елдерде бұл бағытта зерттеу және жасау жұмыстары жүргізілуде.
Негізгі тұжырым: болашақ ЭЕМ-дер адам тіліне жақын тілді түсінетін, яғни жасанды интеллект мүмкіндіктері бар жүйелер болуы тиіс.
Идея толық іске асқанда, мәселені кәдімгі сөзбен түсіндіріп айтсаңдар, компьютер өзі бағдарламаны құрып, тапсырманы орындай алады.
IV. Жаңа ұғымдарды бекіту
- 1 Оқулықтағы бақылау сұрақтарына жауап беру.
- 2 Оқулықта берілген тәжірибелік тапсырманы орындау.
V. Жаңа ұғымдарды қолдану
- 1 Оқулықтағы «Өзіңді тексер» сұрақтарына жауап беру.
- 2 SIN.kz бағдарламасындағы тәжірибелік тапсырмаларды орындау.
VI. Бақылау
Оқушылардың түсіну деңгейін тексеруге арналған сұрақтар:
ЭЕМ буындарын атаңдар.
Олардың бір-бірінен айырмашылығы неде?
Қазіргі дербес компьютерлер қай буынға жатады?