Бүгінгінің қартымыз, Кешегінің артымыз
Сексенде сегіз байлық,
Сегіз жарлылық.
Шөп те басынан қурайды.
Асырын асаған,
Жасырын жасаған.
Кәрі жатса – қунайды,
Жас жүрсе – қунайды.
Елу шылбырдан алды,
Алпыс тізгіннен алды,
Жетпіс өре салды,
Сексен – тұсау салды,
Тоқсан – толқып қалды.
Сақалға ақ түсті –
Көңілге дақ түсті.
Көп жасаған
Құрдасынан айрылады.
Жұғымы жоқ –
Жолдасынан айрылады.
Сексен – жермен жексен.
Су ағады, тас қалады,
Кәрі кетеді, жас қалады.
Қатарынан қалған кәрі жетім.
Қарты бардың жұрты бар,
Кемпірі бардың құрты бар.
Қарттың айтқанын істе,
Жастың тапқанын же.
Кәрі – қалтаң,
Жас – жалтаң,
Жас келсе – іске,
Кәрі келсе – асқа.
Жасыңда жалықпасаң –
Қартайғанда тарықпайсың.
Бүгінгінің қартымыз,
Кешегінің артымыз.
Көп жасаған құрдасынан
Көп сөйлеген жолдасынан айрылады.
Алпысқа келгенде,
Алты ағаң болсын.
Жетпіске келгенде
Жеті інің болсын.
Үлкен пышақ —
Ұялғаннан өтеді.
Алпыс — дер шағы,
Жетпіс — мәр шағы,
Сексен — жер шағы
Тоқсан — шер шағы,
Жүз — қор шағы...
Шалды шақыр, асыңа келсін,
Шалдығына күл, басыңа келсін.
Алтыға дейін бала ерке,
Алпыстан кейін шал ерке.
Қартайдым деп, қайырма,
Жас бала бар артында,
Жалғызбын деп, қайырма
Жақсылар бар артында.
Жастық көкке,
Кәрілік жерге қаратады.
Кәрі келсе асқа, жас келсе іске.
Жасыңда қылжың болсаң,
Қартайғанда мылжың боларсың.
Кәрілік — дауасыз дерт.
Жастыққа да кәрілік бар,
Байлыққа да жарлылық бар.
Кәрілік сені қайтейін,
Сөйлер сөзге мерт ерттің.
Тәліміне қарай кәрілігі.
Жастық - жалын,
Кәрілік - құл.
Жас кезіңде тандыр нан да тәтті.
Қартайғанда құймақ та қатты.
Кәріге жаны – дәрі.
Ауру – аздырады,
Кәрілік – тоздырады.
Қартайғанда өкпешіл болады.
Жасында жігіт оқталады,
Қартайғанда тоқталады.
Менің атым Қожа повесіндегі Қожа бейнесі
Домбырамен сүйемелдеудегі дәстүрлі ән айту арқылы жас ұрпақтың дүниетанымын қалыптастыру
Қазіргі прозадағы жерлеу ғұрпының бейнеленуі
Білгеніңнен білмейтінің көп әлі
МҰҚАҒАЛИ МАҚАТАЕВ (1931-1976)
Мұқағали Мақатаев
Музыкалық қызметтің түрлері
Бауыржан Момышұлы
Философия - Дүниеге деген дамыған көзқарас түрі
Қазакстан ¥лы Отан соғысы және соғыстан кейінгі жылдарда
Елбасына Ауыр күнді артымызға тастауы - Қиын сәтте қиындықтан қашпауы