Көздерінді талдырмаңдар

1) Жалпы қауіпсіздік талаптары

• 1 Мұғалімнің рұқсатынсыз құрал-жабдықтарды орнынан қозғауға, сымдарға, розеткаларға, штепсель айырына және штекерге қол тигізуге тыйым салынады.
• 2 Мұғалімнің рұқсатынсыз сыныпқа кіруге және сыныптан шығуға болмайды.
• 3 Мұғалімнің рұқсатынсыз сынып ішінде жүріп-тұруға болмайды.
• 4 Компьютерде су киіммен немесе су қолмен жұмыс істеуге болмайды.
• 5 Корпусы немесе сымдарының бүтіндігі бұзылған (ашық) компьютерде жұмыс істеуге тыйым салынады.
• 6 Үстелге және компьютердің жанына сөмке, портфель, кітап қоюға болмайды. Үстелде тек дәптер мен қалам болғаны дұрыс.
• 7 Пернетақтаның үстіне ештеңе қоюға болмайды.
• 8 Компьютер сыныбында жүгіруге, ойнауға, жолдастардың көңілін қажетсіз бөлуге және бөгде істермен айналысуға тыйым салынады.

2) Жұмысты бастау алдында

• 1 Компьютер электр желісіне қосылмаған кезде сымдардың, корпустың бүтіндігін және оқшаулаудың (изоляция) бұзылмағанын қарап шығып, дұрыс екеніне көз жеткізіңдер.
• 2 Жұмыс кезінде сымдарға тиіп кетпеу үшін олардың салбырап тұрмауын қадағалаңдар.
• 3 Жұмыс орнын пайдалануды есепке алу журналына белгі қойыңдар.

3) Жұмыс кезінде

• 1 Экраннан ең қолайлы қашықтықты сақтаңдар: 60–70 см. Ең аз мүмкін қашықтық — 50 см.
• 2 Сыныпқа келушілер кірген кезде орныңнан тұру міндетті емес.
• 3 Көз талғанда немесе шаршағанда орныңнан тұрмай-ақ көзді демалдыратын бірнеше жаттығу орындаңдар.
• 4 Электр тогымен зақымданғанда алғашқы медициналық көмек көрсету әдістерін, өрт сөндіргішті қолдану және өрт сөндіру тәсілдерін білу қажет.
• 5 Көзге арналған демалыс жаттығуларын жүйелі түрде орындаңдар.

4) Апат жағдайында

• 1 Ақау байқалса, түтін немесе әдеттен тыс дыбыс шықса, жұмысты тоқтатып, құрылғыны өшіріп, мұғалімге дереу хабарлаңдар.
• 2 Қажет болған жағдайда өртті сөндіруге көмектесіңдер.
• 3 Қажет болса, электр тогымен зақымданған адамға алғашқы көмек көрсете біліңдер.
• 4 Компьютер сыныбында өртті сумен өшіруге болмайды. Құмды немесе көбікті өрт сөндіргішті пайдалану керек.
• 5 Электр тогының әсеріндегі адамды жалаңаш қолмен ұстауға болмайды. Оны электр өткізбейтін материалдың көмегімен ғана босатыңдар.

Электр тогымен зақымданғанда

1. Токты ажырату (тарату тақтасындағы тумблерді өшіру).
2. Зақымданған адамды ток әсерінен электр өткізбейтін материалдарды пайдаланып босату.
3. Зақымданған адамды қарап шығып, зардаптың ауырлығына қарай көмек көрсету.
4. Дәрігер шақыру (мектептің медпункті, 103 немесе жақын жердегі емдеу мекемесі).

Күйік болғанда

1. Ауырсынуды азайтатын және тыныштандыратын дәрі беру (мысалы: анальгин, валерьянка).
2. Күйген жеріне тиісті жақпа май жағу (мысалы: винилин).
3. Микроб түспеуі үшін алдын ала целлофанмен орап, салқын судың астында ұстау.
4. Дәрігер шақыру (мектептің медпункті, 103 немесе жақын жердегі емдеу мекемесі).

Талып қалғанда

1. Зақымданған адамның басын бір қырына бұрып, жазық жерге шалқасынан жатқызу.
2. Дәрігер шақыру (мектептің медпункті, 103 немесе жақын жердегі емдеу мекемесі).

Демі тоқтағанда

1. Тілдің ауыз қуысындағы қалпын тексеру; артқа кетіп қалса, қолмен орнына келтіру.
2. Дәрігер шақыру (мектептің медпункті, 103 немесе жақын жердегі емдеу мекемесі).
3. Демі қалпына келгенше немесе дәрігерлер келгенше қолдан дем алдыру (ауыздан ауызға) жасау.

1-жаттығу: Жұму және ашу

• Көз бұлшық етін қатайтып, бірнеше секунд жұмып тұрыңдар.
• Көзді босаңсытып, ашыңдар. Дем алу бірқалыпты болсын.
• 4–5 рет қайталаңдар.

2-жаттығу: Кеңсірік пен алысты кезекпен қарау

• Кеңсірікке қарап тұрып, 3 рет терең дем алыңдар.
• Көзді талдырмаңдар.
• Содан кейін алыстағы нүктеге қадалып қараңдар.

3-жаттығу: Оңға қарау

• Басты бұрмай, оңға қарап, көз түскен нүктені белгілеңдер.
• Алысқа қадалып қараңдар.

4-жаттығу: Солға қарау

• Басты бұрмай, солға қарап, көз түскен нүктені белгілеңдер.
• Алысқа қадалып қараңдар.

5-жаттығу: Жоғары қарау

• Басты көтермей, жоғары қарап, көз түскен нүктені белгілеңдер.
• Алысқа қадалып қараңдар.

6-жаттығу: Төмен қарау

• Басты бұрмай, төмен қарап, көз түскен нүктені белгілеңдер.
• Алысқа қадалып қараңдар.