Демонстрациялық материалмен жұмыс

Ұйымдастырылған оқу іс-әрекеті

Қатынас

Тіл дамыту

Біздің ойыншығымыз

Балалардың ойыншықтар туралы түсінігін кеңейту; ойыншықтардың атауларын дұрыс атап, оларды сипаттап айтуға үйрету.

Жануарлардың төлдерінің атауын жекеше және көпше түрде айтуға жаттықтыру.

Ойыншықтарды ұқыпты ұстап, күтіп ұстауға тәрбиелеу.

Демонстрациялық материалдар: күшік, мысық, лақ, қозы суреттері.

Әңгімелесу арқылы тақырыпқа қызығушылық ояту.

«Қозылар», «күшіктер».

Амансың ба, алтын Күн!
Амансың ба, Жер-ана!
Амансың ба, достарым!
Сендерді көрсем қуанам.

Балалар, сендерді ата-әжелерің, ана-әкелерің «ботақаным», «қошақаным», «құлыным» деп еркелете ме?
Үлкендер сендерді жақсы көргендіктен, төрт түлік төлдерінің атауымен еркелетеді.
Қандай үй жануарларын білесіңдер?
Олардың төлдері қалай аталады?
Бірнеше қозыны қалай атаймыз?
Бірнеше күшікті қалай атаймыз?

Үй жануарларының суреттерін бояу.

Билингвальды компонент: қозы — ягненок, күшік — щенок.

Құлыншағым, құндызым,
Құлдырайды, шабады.
Жылтыңдаған жұлдызым
Құстай қанат қағады.

Үлестірмелі суреттерді пайдаланып, жануарлардың қалай дыбыстайтынын қайталау. Педагог жануарлардың суретін көрсетеді.

Қолдауды қажет ететін балалармен үй жануарларын және олардың төлдерін атап, әрқайсысының қалай дыбыстайтынын сұрау.