Қазақша рефераттар

Еңбекқор бала

Сабақтың тақырыбы: «Алтын балта»

Сабақтың мақсаты

Ертегінің мазмұнын ашу, идеясын түсіну, мәтінді талдау және ойды жүйелі түрде жеткізе білу дағдыларын қалыптастыру.

Білімділік

Ертегілер туралы білімді толықтыру; оқылған ертегідегі негізгі ойды түсінуге және ертегіні көркем, шебер мазмұндауға жағдай жасау.

Дамытушылық

Оқушы қиялын дамыту, көркем әдеби тілде сөйлеу шеберлігін жетілдіру.

Тәрбиелік

Еңбексүйгіштікке, адалдыққа тәрбиелеу; дүниеқоңыздық, іштарлық, қызғаншақтық сияқты жағымсыз қасиеттерден аулақ болуға бағыттау.

Көрнекіліктер

  • Слайд
  • Проектор
  • Тест тапсырмалары

І. Кіріктірілген бөлім

Бағдарлау – мотивациялық кезең

Сабақтың басында психологиялық дайындық жасалады. «Ертегі терапиясы» арқылы оқушылар ертегі кейіпкерлерін таңдап, өз көңіл күйін сабаққа бағыттайды.

Кейіпкерлердің тілегі (мотивация)

  • Диірменші

    Бүгінгі сабақ сендер үшін табысты болады. Сабақ бойы жақсы нәтижеге жетесіңдер.

  • Кедей

    Бұл сабақтан кейін сендер дүниеқоңыз емес, ақ пейілді, адал, еңбекқор болып, арман-тілектеріңе жетесіңдер.

  • Бай

    Бүгіннен бастап білімдерің еселене түседі.

  • Балта

    Бұл сабақта сендер үшін шешімі жоқ сұрақ та, жауабы жоқ тапсырма да болмайды.

Үй тапсырмасын тексеру

«Ажалдан құтқарған асыл сөз» ертегісінің мазмұны сұралады. Талқылау бөліктері:

  1. Шөл қысқан хан
  2. Қырсық қойшы
  3. Сұңқар мен шөже торғай хикаясы
  4. Ханның сөзден жеңілуі

Қызығушылықты ояту

Мультфильмнен үзінділер көрсетіліп, әр көрініс бойынша салыстыру және сұрақ-жауап ұйымдастырылады.

Талқылау сұрақтары

  1. Суреттегі екі баланың айырмашылығы қандай? Неліктен?
  2. Еңбекқор бала бақшасын қалай күтеді? Жалқау баланың бақшасының жағдайы қандай?
  3. Табиғат құбылыстарына байланысты олардың іс-әрекеті мен көңіл күйі қандай?
  4. Орманға бару сәтінде еңбекқор бала қандай күйде? Жалқау балаға не болды?
  5. Соңғы көріністе жалқау баланы қалай таныдыңдар? Ол өзгерді ме? Өзгеруіне кім көмектесті?

Қорытынды бағыт

Нәтиже

Еңбекқорлық пен жауапкершілік — табысқа жетелейтін қасиет. Бүгінгі сабақта еңбек тақырыбындағы ертегіні оқимыз.

Негізгі ой

Адал еңбек — береке; дүниеқоңыздық — опық жегізеді.

ІІ. Сараланған бөлім

Операциялық – орындаушылық кезең

«Алтын балта» ертегісі үнтаспадан тыңдатылады, кейін оқылым түрлері арқылы мәтін меңгеріледі.

Еркін оқу

Оқулықтағы мәтінді үнсіз оқу. Оқушылар еріндерін жиып, саусақпен белгілеп отырады.

«Найзағай» оқуы

Жарты дауыспен оқу: баяу және жылдам қарқындарды кезектестіріп оқу.

Канон оқуы

Бір оқушы бастайды, екінші оқушы 1–2 сөйлемнен кейін қосылып, мәтінді жалғастырады.

№1 тапсырма: сұрақтарға жауап беру

  1. Кедей қайда барды?
  2. Балта қайда түсіп кетті?
  3. Диірменші не істеді? Қандай балталарды ұсынды?
  4. Диірменші қартқа не себепті алтын балта берді?
  5. Бай қандай әрекет жасады?
  6. Ертегі қалай аяқталды?

№2 тапсырма: «Балта» сөзіне 5 жолды өлең

Үлгі

  • Не? Балта
  • Қандай? Алтын, темір
  • Не істеді? алды, түсірді, берді
  • Сөйлем. Мен балтамен ағаш жардым.
  • Мағыналас сөз. Құрал

№3 тапсырма: пікір білдіру

Төмендегі сөйлемдерге қатысты өз ойыңды дәлелмен айт:

«Ақылды болсаң, бай боласың.»

«Бай болсаң, ақылдың қажеті жоқ.»

Оқулықпен жұмыс

  1. Мәтіндегі жасыл түспен ерекшеленген сөздердің кімге қатысты екенін анықта.
  2. Мәтіндегі қара түспен ерекшеленген сөздердің кімге қатысты екенін тап.

Негізгі сұрақ

Ертегідегі негізгі идея қандай?

Сергіту сәті

Қысқа қимыл-қозғалыс жаттығулары арқылы оқушылар назарын қайта шоғырландырады.

ІІІ. Кіріктірілген бөлім

Рефлексиялық – бағалау кезеңі

Ертегі мазмұны бойынша тест орындалып, нәтижелері тексеріледі. Соңында бағалау жүргізіледі.

Тест

  1. «Кер жалқау» сөзінің мағынасы қандай?

    • А) қырсық, қыңыр
    • Ә) малжанды

  2. Қарттың суға түсіріп алған балтасы қандай еді?

    • А) күміс балта
    • Ә) темір балта
    • Б) алтын балта

  3. Қарт қандай жан?

    • А) құлқыны тоймаған қу
    • Ә) дүниеқоңыз емес, ақ пейілді, адал жан
    • Б) күншіл, көре алмайтын жан

  4. Еңбегінен берекет тапқан кім?

    • А) диірменші
    • Ә) қарт
    • Б) бай

  5. Оқыған шығарма ертегінің қай түріне жатады?

    • А) қиял-ғажайып ертегілер
    • Ә) жануарлар туралы ертегілер
    • Б) шыншыл ертегілер

Дұрыс жауаптар

1 — А, 2 — Ә, 3 — Ә, 4 — Ә, 5 — Б

Тест жауаптары тексеріледі, қорытынды баға қойылады.

Үй тапсырмасы

  1. Ертегіні мазмұндау.
  2. Ертегіні әрі қарай өз ойыңмен жалғастырып көр.