Қазақша рефераттар

Қызықты ұйқастар

Сабақтың тақырыбы

  • 1-сынып: «Менің Отаным – Қазақстан»
  • 3-сынып: «Біздің Отанымыз – Қазақстан»

Мақсаты

  • Еліміздің жері мен пайдалы қазбалары туралы ұғым қалыптастыру.
  • Отан туралы білімін кеңейту.
  • Отансүйгіштікке тәрбиелеу.
  • Жан-жақты дамыту.

Сабақтың сипаттамасы

Әдістері
Сұрақ-жауап, топтау, дәлелдеу, сипаттау, жинақтау.
Көрнекілігі
Сөзжұмбақ, кесте, суреттер, интерактивті тақта.
Түрі
Дамыта оқыту.

Сабақ барысы

I. Кіріктірілген бөлім

Бағдарлау – мотивациялық кезең

Қызықты ұйқастарды шешу арқылы бұрынғы білімді еске түсіріп, қорытынды жасаймыз.

Қызықты ұйқастар

  1. Өрмекші құрды тұзақ — менің ұлтым қазақ.
  2. Аман болсын қарттар — суықты болар қаңтар.
  3. Құт-береке жауғыз, келе жатқан наурыз.
  4. Ашытылған қамыр — мерекелі мамыр.
  5. Суда жүзер сазан — айдың бірі қазан.
  6. Биіктеуде жас қала — бас қаламыз Астана.
  7. Менің досым салмақты — бұрынғы астанамыз Алматы.
  8. Партаның бетін жырма — күзде басталады қырман.
  9. Тынықтырар түн — қуаныш сыйлар күн.

Шешілген сөздер: қазақ, қаңтар, наурыз, мамыр, қазан, Астана, Алматы, қырман, күн.

Әр сөз бойынша үй тапсырмасындағы білім бекітіледі. Мысалы: «Қаңтар айында қандай мереке бар? Наурыз айында ше?» және т.б.

Қорытынды сұрақ: Ұйқастарды шешу барысында қандай негізгі сөз шықты?

Жауап: Қазақстан.

Ендеше, «Біздің Отанымыз – Қазақстан» тақырыбындағы жаңа сабақты бастаймыз.

1) Өткен күнге шолу

Тарихи түсінік

Баяғыда, көп жылдар бұрын, 15 республика бірігіп Кеңес Одағының құрамында өмір сүрді. Олар тату, бірлік қарым-қатынаста болды.

Уақыт өте әр республика тәуелсіз ел болуды қалады. Сөйтіп, біздің Отанымыз – Қазақстан 1991 жылы 16 желтоқсанда өз тәуелсіздігін алды.

(Кеңес Одағы құрамындағы елдер картадан көрсетіледі.)

2) Елдер достығы

Картамен жұмыс

Бүгінгі таңда Қазақстан көптеген елдермен достық қарым-қатынаста. Осы елдерді картадан тауып көрейік.

Қазақстан — ұлан-байтақ жері бар, пайдалы қазбаларға бай мемлекет. Елде он төрт облыс бар.

II. Сараланған бөлім

Операциялық – орындаушылық кезең

1) Суретпен жұмыс

Қазақстанның табиғаты, қалалары және мемлекеттік рәміздері туралы суреттермен жұмыс жүргізіледі: сипаттау, салыстыру, ой қорыту.

2) Оқулықтан тыс жұмыс

Ақтөбе қаласы мен облысы бойынша өндіріс пен кен байлықтары туралы қосымша мәлімет беріледі.

Ақтөбе қаласының негізгі өнеркәсіп өнімдері

  • Мұнай
  • Ілеспе газ
  • Хром рудасы
  • Ферроқорытпа

Ақтөбе облысының кен байлықтары

  • Никель
  • Мыс
  • Мұнай
  • Конденсат
  • Хромит рудасы
  • Алтын
  • Асбест
  • Фосфорит

3) Оқулықпен жұмыс

Оқушылар «Менің Отаным – Қазақстан» мәтінін оқып, түсінгенін әңгімелейді. Мұғалім оқу барысында қосымша мәліметтермен толықтырып отырады.

4) Дәптермен жұмыс

Қазақстанмен шекаралас елдерді жазу және картадан көрсету:

  • Ресей
  • Түрікменстан
  • Өзбекстан
  • Қырғызстан
  • Қытай

III. Кіріктірілген бөлім

Рефлексиялық – бағалау кезеңі

Сын тұрғысынан сұрақтар (иә/жоқ)

  1. Қазақстан жері кең-байтақ.
  2. Қазақстан 5 мемлекетпен шектеседі.
  3. Астанасы — Алматы.
  4. Ұлты — қазақ.
  5. Пайдалы қазбаларға өте бай.
  6. Өсімдіктер әлемі алуан түрлі.
  7. Ертіс, Сырдария, Есіл, Жайық — өзендер.
  8. Ту, Елтаңба, Әнұран — еліміздің рәміздері.
  9. Мемлекеттік тіл — орыс тілі.
  10. Менің Отаным — Қазақстан.

Қорытынды

Отанға деген құрмет сезімімен еліміздің Әнұранын орындайық. (Әнұран орындалады.)

Бағалау

Оқушылардың сабаққа қатысуы, жауаптарының дәлдігі мен белсенділігі ескеріледі.

Үй тапсырмасы

«Менің Отаным – Қазақстан», «Біздің Отанымыз – Қазақстан» мәтіндерінің мазмұнын айту.