Қазақстанның мемлекеттік тілі қай тіл
Сабақ туралы мәлімет
Тақырып
Қазақстан — біздің Отанымыз
Пән
Қазақ тілі
Сабақ түрі
Пысықтау сабағы
Әдіс-тәсілдер
Сұрақ-жауап, әңгімелеу, өлең оқу, сөзжұмбақ шешу
Сабақтың мақсаты
Білімділік
Оқушылардың Отан туралы түсінігін кеңейту, егемен ел жетістіктерімен таныстыру.
Дамытушылық
Туған ел, Отан туралы сөйлеу дағдыларын қалыптастыру, сөздік қорын молайту, есте сақтау қабілетін дамыту.
Тәрбиелік
Еліне деген сүйіспеншілік пен мақтаныш сезімін тәрбиелеу.
Пәнаралық байланыс және көрнекілік
Пәнаралық байланыс
- География
- Әдебиет
- Тарих
Көрнекіліктер
- Қазақстан Республикасының мемлекеттік рәміздері
- Сөзжұмбақ
- Интерактивті тақта
- Оқулық, кеспе қағаздар, кесте
Қанатты сөздер
Туған жер — алтын бесік.
Отан! Отан! Бәрінен биік екен.
Мен сені мәңгілікке сүйіп өтем.
М. Мақатаев
Сабақтың барысы
Кіріспе
- Қазақстан Республикасының Әнұраны орындалады.
- Ұйымдастыру кезеңі: сәлемдесу, кезекшімен тілдесу және сабаққа даярлықты тексеру.
Сыныппен әңгіме (жылыту сұрақтары)
Бүгін нешесі?
Аптаның қай күні?
Жылдың қай мезгілі?
Қыс айларын кім атайды?
Ауа райы қандай? Жерде не жатыр?
Тақырып пен мақсатты хабарлау
Тәуелсіздік мерекесі қарсаңында өтетін сабағымыздың тақырыбы — «Қазақстан — біздің Отанымыз». Бұл сабақта «Қазақстан — біздің Отанымыз» лексикалық тақырыбы және жіктік жалғау грамматикалық тақырыбы бойынша білімімізді тиянақтап, қорытындылаймыз.
Әр азамат өзінің туған жерін, елінің тарихын және мәдениетін біліп өсуі тиіс.
Негізгі сұрақтар
- «Отан» сөзін қалай түсінесіңдер?
- «Отан» сөзіне қандай мағыналас сөздерді білесіңдер?
- Біздің Отанымыз қай мемлекет? Ол қандай ел?
- Мемлекеттік рәміздерге нелер жатады?
- Қазақстанның мемлекеттік тілі қай тіл?
Оқушылардың жауаптары тыңдалады.
Тыңдалым: Отан туралы мақал-мәтелдер (үш тілде)
Оқушылар компьютерден құлаққап арқылы мақал-мәтелдерді тыңдап, түсінгендерін ауызша айтады.
1) Отан — оттан да ыстық.
Орысша: Родина жарче огня.
Ағылшынша: The birthplace is hotter than fire.
2) Отанды сүю — отбасынан басталады.
Орысша: Родина начинается с семьи.
Ағылшынша: The Motherland starts from the family.
3) Отансыз адам — ормансыз бұлбұл.
Орысша: Человек без родины — как соловей без леса.
Ағылшынша: A man without a country is like a nightingale without a forest.
Ойын: «Сандар сөйлейді»
Өткен тақырып бойынша білімді тексеру мақсатында оқушылар сандарға жасырылған маңызды жылдардағы оқиғаларды анықтап, айтып береді.
| Жыл | Оқиға |
|---|---|
| 1991 | Қазақстан Республикасы тәуелсіздік алды. |
| 1992 | Мемлекеттік рәміздер белгіленді. |
| 1995 | Ата Заң қабылданды. |
| 1997 | Жаңа Әнұран қабылданды. |
| 1989 | Қазақ тілі мемлекеттік мәртебеге ие болды. |
Оқулықпен жұмыс: 3-тапсырма
Көп нүктенің орнына тиісті жалғауларды қойып, көшіріп жазыңдар.
Менің туған жерім, Отаным — Қазақстан. Қазақстан — көпұлтты республика. Қазақстанның астанасы — жаңа қала Астана. Қазақстанның тұңғыш Президенті — Нұрсұлтан Әбішұлы Назарбаев.
Жазба және аударма жұмысы орындалады.
Сергіту сәті
«Қаражорға» биі
Сайыс форматы
Енді Отанымыз туралы білімімізді тексеру үшін сабақты сайыс түрінде жалғастырамыз.
Топтарға бөлу
Оқушылар кәмпиттер арқылы 2 топқа бөлінеді, топ басшылары сайланады.
1-топ
Атажұрт
2-топ
Атамекен
Бағалау жүйесі
Әр дұрыс жауапқа түсті парақшалар беріледі. Сабақ соңында ең көп парақша жинаған топ жеңімпаз атанады.
1-сайыс: «Фонетика елінде»
Әр топ интерактивті тақтада жасырылған ұяшықтардың бірінен Қазақстан қаласының атауын таңдап, фонетикалық талдау жасайды.
2-сайыс: «Жіктемек»
Оқушылар интерактивті тақтадағы 3 ұяшықтың бірін таңдайды. Берілген сөзді екі топтан бір-бір оқушы шығып, жылдамдыққа жарысып жіктеп айтады.
3-сайыс: «Мақал — сөздің мәйегі»
Топ мүшелері Отан туралы мақал-мәтелдерді кезекпен айтады. Қай топ көп мақал айтса, сол топ жеңеді.
4-сайыс: «Менің қалам»
Екі топқа екі үлкен парақша беріледі. Оқушылар өздерінің болашақ қаласының суретін салып, идеясын қорғайды.
Бекіту және қорытынды
Қазақстан Республикасының Президенті Н. Ә. Назарбаев: «Қазақстанның болашағы — жастардікі» деген. Елді, жерді сүюді және қадірлеуді өмірлік мақсат етейік. Еліміздің келешегі, Қазақстанның ертеңі — өз қолдарыңда. Туған елдеріңді өркениетті мемлекеттермен терезесі тең, керегесі кең ететін — сендер. Ол үшін терең әрі жан-жақты білім алу — міндет.
Тест жұмысы
-
1) Отан дегеніміз не?
а) Адамның туып-өскен жері
ә) Ұнайтын мемлекет
-
2) ҚР жер көлемі қандай?
а) Ұлан-байтақ
ә) Кішкентай
-
3) ҚР тәуелсіздігін қашан жариялады?
а) 1990 ж.
ә) 1991 ж.
-
4) ҚР рәміздерінің қатарын көрсет.
а) Қазақ тілі, барыс, Президенттің жолдауы
ә) Ту, Елтаңба, Әнұран
-
5) Мақалды аяқта: «Отансыз адам — ...»
а) Ормансыз бұлбұл
ә) Сусыз гүл
Мерекелік тапсырма
Алда үлкен мереке — Қазақстан Республикасының Тәуелсіздік күні. Сынып қонақтарын келе жатқан мерекемен құттықтап, өз тілектеріңді жазыңдар.
Оқушылардың жазған тілектері тыңдалады.
Үй тапсырмасы
Үш деңгейлік тапсырма орындалады. Әр топқа екі мәтін беріледі.
III деңгей (жасыл кеспе)
Мәтінді оқу, аудару, әңгімелеу.
II деңгей (қызыл кеспе)
Мәтін бойынша диалог құрастыру.
I деңгей (сары кеспе)
«Менің Отаным — Қазақстан» тақырыбында шағын шығарма жазу.