Түймедақ гүлінің күлтесі
Мақсат
«Гүлдер әлемі» тақырыбындағы бұл ұйымдастырылған іс-әрекеттің мақсаты — балалардың заттарды түсіне, пішініне, қасиетіне қарай топтап, салыстырып, даралау дағдыларын дамыту. Ойындар арқылы сөздік қорын молайтып, ойлау қабілетін жетілдіру. Түрлі әдіс-тәсілдермен бейнелеу арқылы балаларды әсемдікті сезініп, қабылдай білуге тәрбиелеу.
Әдіс-тәсілдер
- Түсіндіру
- Сұрақ-жауап
- Әңгімелесу
- Психожаттығу
- Ойын
Бейнелеу тәсілдері
- Алақанмен бейнелеу
- Мақталы таяқшамен бейнелеу
- Қылқаламмен бейнелеу
Көрнекіліктер
- Гүлдердің суреттері
- Үнтаспа (әуен)
- Түрлі-түсті бояулар
- Қылқалам, мақта таяқшалар
Барысы
Ұйымдастыру сәті
Әсем әуен ойналады. Балалар жарты шеңбер болып тұрады (қолдарында әсем шарлар).
Тәрбиеші
Балалар, бір-бірімізге, Отанымызға, туыстарымызға арнап жылы тілектер айтып, тілекшарларымызды ұшырайық:
- Аспанымыз ашық болсын!
- Жеріміз гүлге толсын!
- Ата-аналарымыз аман болсын!
- Сәбилердің күлкісі шексіз болсын!
- Жеріміз дәнге толсын!
- Заманымыз тыныш болсын!
- Бәріңізге сәттілік тілейміз!
Өте жақсы тілектер екен! Сендер де ауырмай, үлкен азамат болып өсіңдер!
Сұрақ
Балалар, қараңдаршы, бүгін топ бөлмеміз ерекше әсем түстерге боялғандай. Неліктен олай болды деп ойлайсыңдар?
Балалардың жауабы
Өйткені бүгін топта түрлі-түсті шарлар бар. Шарлардың түстері әртүрлі болғандықтан, бөлме де әдемі көрінеді.
Ендеше, бүгін біз сендермен «Гүлдер әлеміне» саяхат жасаймыз. Орындарыңа жайғасайық.
«Иә, жоқ» ойыны арқылы жұмбақ шешу
Ойын шарты
Тәрбиеші жұмбақ жасырады. Интерактивті тақтадан жұмбақтың шешуіне ұқсас заттардың (түсі, пішіні, қасиеті бойынша) және нақты шешімін білдіретін суреттер көрсетіледі. Балалар «Иә, жоқ» ойыны арқылы дұрыс жауапты табады.
Жұмбақ
Көзі сары, кірпігі жоқ,
Шалғын мен гүлзарда өседі.
(Жауабы: түймедақ)
Тәрбиеші:
Балалар, күн біздің жұмбағымыздың шешуі бола ала ма?
Бала:
Жоқ. Өйткені күн аспанда болады, ол шалғында да, гүлзарда да өспейді.
Тәрбиеші:
Ал қырау ше?
Бала:
Жоқ. Себебі қырау тек қыста болады және түсі ақ.
Тәрбиеші:
Ал бұлт ше?
Мерей:
Жоқ. Бұлт аспанда болады. Түсі ақ немесе көк болуы мүмкін.
Тәрбиеші:
Күнбағыс осы жұмбақтың шешуі бола ала ма?
Азиза:
Жоқ. Күнбағыс гүлзарда өспейді, ол егістікте өседі.
Қорытынды:
Бізде бір ғана сурет қалды. Көзі сары, «кірпігі» ақ, шалғында да, гүлзарда да өсетін гүл — түймедақ.
Түймедақтың өсу кезеңдері
Енді түймедақ гүлінің қалай өсетінін көгілдір экран арқылы бақылаймыз:
-
1-кезең
Тұқым
-
2-кезең
Сабақ
-
3-кезең
Жапырақ
-
4-кезең
Күлте (гүл ашуы)
Түймедақтың тұқымы көктемде топыраққа себіледі. Көктемнің ортасында сабақ өсіп шығады, ал жаздың басында жапырақ жайып, гүлін ашады.
Басқа қандай гүлдерді білеміз?
Балалар түймедақтан басқа қандай гүлдерді біледі? Олар қайда өседі?
- Бәйшешек — ерте көктемде, қар еріп жатқан кезде гүлдейді. Түсі ақ.
- Қызғалдақ — қырда өседі. Түсі қызыл.
- Бақбақ — егістікте өседі. Түсі сары.
Бөлме гүлдері
- Қырықжапырақ
- Қоянқұлақ
- Бөлме жүзімі
Сергіту сәті
Ойын: «Гүл құрастыру»
Осы гүлдерді елестетіп, оларды қолымызда ұстап тұрғандай болып тыныс алу жаттығуын жасаймыз.
Сұрақ
Балалар, гүлдер жайқалып өсуі үшін не қажет деп ойлайсыңдар?
Ойын: «Күн мен жаңбыр»
«Күн» дегенде балалар жүгіріп ойнайды, ал «жаңбыр» дегенде қолшатырдың астына тығылады.
Шығармашылық жұмыс
Енді өзіміз білетін әртүрлі әдіс-тәсілдерді пайдаланып, түймедақ гүлін бейнелейміз.
Алақанмен
Ірі пішінді бөліктерді батыл түсіріп, гүлдің жалпы көрінісін шығару.
Мақталы таяқшамен
Нүктелеу арқылы күлтелердің нәзік құрылымын беру.
Қылқаламмен
Сабақ, жапырақ және ұсақ бөлшектерді анық көрсету.
Қорытынды
Балалардың салған суреттерін қарап, әрқайсысынан қай әдіс-тәсілді қолданғанын жеке-жеке сұрау.
Балалар, бүгін сендер өте жақсы жұмыс жасадыңдар. Жарайсыңдар! Өнерлерің өрлей берсін.