Алаш партиясы бағдарламасының бөлімдерін жаз
Факультатив сабақ
Бұл жоспар дәстүрлі емес форматтағы, топтық жұмысқа негізделген факультатив сабаққа арналған. Негізгі мазмұны — Алаш автономиясы мен Алашорда үкіметінің құрылуы, сондай-ақ ІІ Жалпықазақ съезінің қаулыларын талдау.
Сабақтың тақырыбы
Алаш автономиясы және Алашорда үкіметінің құрылуы
Сабақтың түрі
Дәстүрлі емес
Әдіс-тәсіл
Топтық жұмыс
Көрнекіліктер
- Алаш қозғалысы, Алаш автономиясы және Алашорда үкіметі туралы еңбектер көрмесі
- Слайд материалдары
Сабақтың мақсаты
1) Білімділік
Алаш автономиясы мен Алашорда үкіметінің құрылуына қатысты ІІ Жалпықазақ съезінің қаулысын талдау, құрылудың алғышарттарымен танысу.
2) Дамытушылық
Алаш автономиясы мен қазіргі тәуелсіз Қазақстанның даму бағытындағы ұқсастықтары мен айырмашылықтарын салыстыру арқылы сыни ойлауды дамыту.
3) Тәрбиелік
Патриот азаматты қалыптастыру, тарихи сананы нығайту.
Сабақтың барысы
- 1 Ұйымдастыру кезеңі
- 2 Үй жұмысын сұрау
- 3 Жаңа сабақ
- 4 Сабақты бекіту
- 5 Үй жұмысын беру
Үй жұмысын тексеру: тест
Тақырып: Қазақ қоғамы және Алаш партиясы
1. Қазақ зиялылары партия құру әрекетін қай кезде қолға алды?
- A) Бірінші орыс революциясы жылдарында
- B) Ақпан буржуазиялық-демократиялық революция кезінде
- C) Қазан төңкерісі кезінде
- D) Азамат соғысы жылдарында
2. 1905 жылы Орал қаласында өткен қазақ облыстары өкілдерінің съезі қандай партия құру туралы шешім қабылдады?
- A) Қазақ конституциялық-демократиялық партиясын
- B) Халық еркіндігі (кадеттер) партиясын
- C) Үш жүз партиясын
- D) Эсерлер партиясын
3. Қазақтың тұңғыш ұлттық-демократиялық партиясы:
- A) Үш жүз
- B) Кадеттер
- C) Алаш
- D) Эсерлер
4. Қай съезде қазақ саяси партиясын құру туралы мәселе қаралды?
- A) Сырдария қазақ-қырғыз съезінде
- B) 5–13 желтоқсандағы ІІ Жалпықазақ съезінде
- C) 21–26 шілдедегі І Жалпықазақ съезінде
- D) Жетісу қырғыз-қазақ съезінде
5. Алаш партиясының бағдарламалық жобасы неше бөлімнен тұрды?
- A) 5
- B) 8
- C) 12
- D) 10
6. Алаш партиясының бағдарламасы қай басылымда жарияланды?
- A) «Айқап» журналында
- B) «Қазақ» газетінде
- C) «Сарыарқа» газетінде
- D) «Жұлдыз» журналында
7. Алаш партиясы бағдарламасының бөлімдерін жазыңыз.
(Жауап төмендегі кілтте беріледі.)
8. 1917 жылғы қарашада өткен Бүкілресейлік Құрылтайға қазақ қайраткерлері қай партия атынан тіркелді?
- A) Үш жүз
- B) Кадеттер
- C) Эсерлер
- D) Алаш
9. Алаш партиясы саяси партия ретінде толыққанды қашан ұйымдасты?
- A) 1917 ж. қараша
- B) 1917 ж. шілде
- C) 1917 ж. желтоқсан
- D) 1917 ж. тамыз
10. Алаш партиясының жетекшілері қандай бағдар ұстанатынын жариялады?
- A) Шығысқа бағдар ұстанатынын
- B) Большевиктер партиясының бағдарын ұстанатынын
- C) Батысқа бағдар ұстанатынын
- D) Кадеттер партиясының бағдарын ұстанатынын
Тексеру тәртібі
- Тест аяқталған соң, оқушылар дәптерлерін алмастырып, өзара тексереді.
- Қателер мұғаліммен бірлесе талданып, қорытынды жасалады.
Тест кілті
Дұрыс жауаптар
- 1
- A
- 2
- A
- 3
- C
- 4
- C
- 5
- D
- 6
- B
- 8
- D
- 9
- B
- 10
- C
7-сұрақтың жауабы: бағдарлама бөлімдері
- Мемлекет қалпы
- Жергілікті бостандық
- Негізгі құқық
- Дін ісі
- Сот билігі
- Ел қорғау
- Салық
- Жұмысшылар
- Ғылым-білім үйрету
- Жер мәселесі
Жаңа сабақ
Эпиграф
«Ендігі жерде қазақты — ел тұрмысын, тілін, мінез-құлқын, әдет-ғұрпын білетіндер ғана басқарады».
Жаһанша Досмұхамедов
Топқа бөлу
Сынып үш топқа бөлінеді: «Алаш айнасы», «Алаштанушылар», «Алаш ұрпағы».
Алдын ала дайындық
Оқушыларға «Алаш Орда» энциклопедиясынан ІІ Жалпықазақ съезі қаулысының толық нұсқасын алып келу тапсырылады.
1-топ: «Алаш айнасы»
ІІ Жалпықазақ (жалпықырғыз-қазақ) съезінде Алаш автономиясын құрудан өзге қандай мәселелер қарастырылды?
2-топ: «Алаштанушылар»
ІІ Жалпықазақ съезінде Алаш автономиясын құру мәселесінің талқылануын талдаңыз.
3-топ: «Алаш ұрпағы»
ІІ Жалпықазақ съезінде Алаш милициясы мәселесінің талқылануын қарастырыңыз.
Нәтиже және қорытынды
- Әр топ талдау жасап, өз жұмысын қорғап шығады.
- Жақсы жұмыс жасаған топ анықталады.
- ІІ Жалпықазақ съезінің қаулылары талданғаннан кейін қорытынды ретінде «Алаш Орда» деректі фильмінен үзінді көрсетіледі (Жаһанша және Халел Досмұхамбетовтердің қабылданған қаулылар мазмұнын Ленин мен Сталинге жеткізу үшін Мәскеуге барғаны туралы).
Үй тапсырмасы
1) Қосымша материал
Тақырып бойынша қосымша дерек әкелу («Алаш Орда» энциклопедиясынан).
2) Эссе
«Алаш Орда» деректі фильмін толық көріп, «Алаш игілігі» тақырыбында эссе жазу.