Сандарды тура және кері санау

Сабақтың мазмұны

Тақырып: 7 саны мен цифры. Тура және кері санау.

Математика негіздері Тіл дамыту Орыс тілі

Мақсаты

7 саны және цифрымен таныстыру.
Сан қатарындағы орнын және құрамын түсіндіру.
Тура және кері санауға үйрету.
Ой-өрісін, танымдық қабілетін дамыту.

Әдіс-тәсілдері және көрнекіліктер

Әдіс-тәсілдері:

түсіндіру, көрсету, сұрақ-жауап, ойын.

Көрнекілігі:

суреттер, сандар.

Пәнаралық байланыс:

тіл дамыту, орыс тілі.

Сабақ кезеңдері

1) Мотивациялық- қозғаушы кезең

Шаттық шеңбері

Тәрбиешінің әрекеті

Күннің көзі ашылып,

Көкке шуақ шашылып,

Құтты қонақ келіпті,

Төрімізге еніпті.

Амандасу үлкенге — тәрбиенің басы ғой.

Ал, кәнекей, бәріміз үлкенге сәлем дейік:

«Сәлеметсіздер ме? / Здравствуйте.»

Балалардың әрекеті

Өлең жолдарын бірге қайталап айтады.
Үлкендермен амандасады (қазақша және орысша).

2) Ұйымдастырушылық-ізденімпаздық кезең

Өткенді қайталау

Тәрбиешінің әрекеті

Тура және кері санау

Балалармен бірге сандарды тура және кері санату.

Ойын: «Кім жылдам?»

Аспанда неше күн бар?
Екі қоянның неше құлағы бар?
Бағдаршамда неше көз бар?
Ешкіде неше аяқ бар?
Бір қолда неше саусақ бар?
Бір жылда неше мезгіл бар?

Балалардың әрекеті

Сандарды тура және кері санайды.
Ойын шарты бойынша жылдам жауап береді.

3) Жаңа тақырыппен таныстыру

7 саны

Негізгі түсіндірме

Бүгін біз 7 санымен танысамыз.

Қазақ халқында 7 саны киелі сан болып есептеледі. Мысалдар:

7 ата 7 қазына 7 күн 7 күлше

Жұмбақ

Жеті саны киелі,

Алтыдан кейін келеді.

Аптада бар жеті күн,

Кім оны жатқа айтады?

Көрнекілікпен жұмыс

Тақтадағы суреттер арқылы заттарды санату.
Заттарды салыстыру (көп–аз, тең).
Кемпірқосақ түстерін санату.

Қорытынды: 7 саны жеті бірліктен тұрады.

Ойын және есептер

Ойын: «Кім тапқыр?»

Санын білмей сәбіздің,

Қоян әбден тосылды.

Көмектесіп жіберші,

Құтқарып сен досыңды.

Тапсырмалар

Оң қолында 4 сәбіз, сол қолында 3 сәбіз. Барлығы неше сәбіз?
Айболда 5 өрік, Нұрболда 2 өрік. Барлығын қосқанда неше өрік болады?
Маратта 6 алма, Саматта 1 алма. Барлығы неше алма?
Алма ағашта 7 алма. Егер жетеуін жеп қойсаң, ағашта неше алма қалады?

Тосын сәт

Дымбілмес келеді де, тапсырма әкеледі. Балалардан көмек сұрайды: суреттегі заттарды санап, дұрыс санын табу.

Ойын: «Көршісін тап»

Берілген санның көршілерін (алдыңғы және кейінгі санын) атау.

Сергіту сәті

«Бір» дегенде тұрайық…

Қимыл-қозғалыс арқылы бой сергіту.

Жазылым жұмысы

Тақтаға 7 цифрын жазып көрсету.
Ауада жазып жаттығу.
Дәптерге 7 цифрын жазу.

Балалардың күтілетін әрекеті

Тыңдайды

Түсіндірмені мұқият тыңдайды, жұмбақты шешеді.

Орындайды

Заттарды санайды, тапсырмаларды орындайды, ойындарға қатысады.

Жазады

Тақтада, ауада және дәптерде 7 цифрын жазады.

4) Рефлексиялық-қорытынды кезең

Жүректен — жүрекке

Қорытындылау

Сабақты қорытындылау, балаларды мадақтау.
Қуанышты хабарлама тарату.

Өлең

Күндей болып күлеміз,

Шуақ шашып жүреміз.

Бізге келген қонаққа

Гүлді сыйға береміз.

Күтілетін нәтиже

Білу

7 саны мен цифры туралы түсінік қалыптастырады.

Болу

Санның құрамын және сан қатарындағы орнын меңгереді.

Жасай алу

7 цифрын дұрыс жаза алады.