Ағаштарды аялай білуге тәрбиелеу

Жас маманға көмек

Естиярлар тобы
Жайдары жаз
Мақсаты: балаларға өз ойларымен жаз мезгілін бейнелеуді үйрету. Қиялын дамыту. Табиғатты аялай білуге тәрбиелеу.
Барысы: жаздағы көрген жайларды еске түсіру. Күн жарқырап тұрады. Көбелектер ұшып, алқап неше түрлі гүлдермен гүлденіп, дала кілемдей болып жатады. Балалардың өз ойларын айтуға мүмкіндік беру. Балалардың әңгімесінен кейін жаз туралы сурет салдыру. Сабақ соңында бірнеше бейнені салған балаларды мадақтау.
Біз не білдік?
Жазда көбелектер, гүлдер көп болады.
Табиғатты бейнелеу қуаныш сыйлайды.
Әртүрлі бояуларды қолданса, сурет әдемі болып шығады.

Алмалар піскенде
Мақсаты: ағаштарды сала білуге үйретуді жалғастыру. Қысқа - ұзын туралы түсініктерін дамыту. Табиғатты аялай білуге тәрбиелеу.
Барысы: күзде алма піскенде олар қандай болады. Қызыл - сары және ағашта өседі. Оның бұтақтарының кейбірі ұзын, не қысқа. Ағаштың діңі жуан, ал бұтақтары жіңішке. Сабақ соңында, алма ағаштың жапырақтарының көлемі домалаққа ұқсас келеді.
Көрме: Үлкен алма ағаштар бағы.

Біз не білдік?
Алма ағашы жай ағаш сияқты.
Бұтақтары ұзын да, қысқа да болады.
Алма – жеміс. Оның түсі қызыл.

Әдемі гүлдер
Мақсаты: өсімдікті бейнелеуге үйрету. Қылқаламмен жұмыс істей білу қабілетін дамыту. Әсемдікті сезіне білуге тәрбиелеу.
Барысы: гүл шоғына бақылау жасау. Олар әртүрлі, жағымды, хош иісі бар. Оның құрылысы сабағы, жапырағы, гүлі бар. Гүлдер әртүрлі, біреуінің түсі сары, екіншісі көк жапырақты да, бір гүлдікі жіңішке, екіншісінікі жалпақ. Қылқаламмен жапырақтардың гүлшелерін салу тәсілін көрсету. Қылқаламды бастыру, ұшын ғана қағазға тигізу, жағу. Балаларға өздеріне ұнаған гүлді салуды ұсыну. Сабақ соңында әртүрлі гүлдерді салып, қылқаламды бояуды дұрыс қолданатын баланы мадақтау.

Біз не білдік?
Гүлдер әртүрлі
Қылқаламмен әртүрлі әдіс - тәсілмен жапырақтарды салуға болады.
Гүлді босқа жұлуға болмайды.

Алтын күз
Мақсаты: күз мезгілін бейнелеуге үйрету. Ағаштар туралы түсініктерін дамыту. Ағаштарды аялай білуге тәрбиелеу.
Барысы:
Жыл мезгілі туралы әңгіме.
Ағаштардағы жапырақтардың түсі қандай?
Олар аз ба, көп пе?
Күзді неге алтын күз дейміз? Ағаштарды бейнелеу үшін нені білуіміз керек. Оның діңі, бұтақтары жапырақтары бар. Сабақ соңында суретке ерекше мазмұн берген үшін балаларды мадақтау.

Біз не білдік?
Күз мезгілінде сары түс көп болады.
Ағаштарда жапырақтар азайды.
Қылқаламды дұрыс қолданудың маңызы зор.

Анамның камзолы
Мақсаты: ұлттың ою - өрнектерімен таныстыру. Түстер туралы түсініктерін дамыту. Халықтың ұлттық салт - дәстүрін құрметтеуге тәрбиелеу.
Барысы: балаларға қағаздан қиылған камзолдардың үлгісін үйлестіріп беру. Бірнеше кимешектегі өрнектерді қарау. Бірнеше ою - өрнектерді көрсету. ( Құс қанаты, Айша бибі , Бота мойын ). Балалардың қабылдауына жеңіл Бота мойын өрнегімен әшекейлеуді ұсыну. Балалардың жұмысына бағыт - бағдар беру.

Қаңбақ шал
Мақсаты: кішкене адамның бейнесін салуды үйрету. Көлемдер туралы түсініктерін дамыту. Достыққа, мейірімділікке тәрбиелеу.
Барысы: балалармен бірге Қаңбақ шал ертегісін еске түсіру. Ол кішкентай, ал дәулер зор. Қаңбақ шалдың басын домалақ бөрігін үшбұрышқа, шапанын конус тәрізді салу. Шапанын аяғы көрінбейтіндей ұзын етіп салу. Қағаздан қиып бейнесін саусақпен жүргізу. Сабақ соңында ең көңілді салынған Қаңбақ шал бейнесін таңдап алу.

Біз не білдік?
Қаңбақ шал кішкентай
Оның бөрігі үшбұрышқа, шапаны конусқа ұқсайды.
Ол көңілді, тапқыр адам.

Суда жүзген балықтар
Мақсаты: әртүрлі бағытта жүзіп жүрген балықтарды салуға үйрету. Әртүрлі сызықтарды қолдана білу қабілетін дамыту. Әсемдікті сезіне білуге үйрету.
Барысы: аквариумдағы балықтарға бақылау жасау. Әртүрлі бағытта жүзіп жүрген балықтарды сала білуге үйрету. Оларды қалай бояу тәсілдерін көрсету (сызықтар, нүктелер, жолақтар). Әртүрлі бағытта жүзіп жүрген балықтарды салған балаларды қолдау. Сабақ соңында мазмұнды, әсерлі салынған суреттерге назарларын аударту.

Біз не білдік?
Балықтар әртүрлі бағытта жүзеді.
Олардың түстері жолақтары әртүрлі.
Олар суда тіршілік етеді.

Қарша қыз
Мақсаты: қыздың бейнесін салуды үйрету. Ой - өрісін дамыту. Жақсылыққа ұмтылуға тәрбиелеу.
Барысы:
Қарша қыз туралы әңгіме.
Ойыншық Қарша қызды сипаттау. Оның тоны ұзын, шашы да ұзын. Басы сопақшаға ұқсайды. Қолдарын иығынан бастап саламыз. Оны басынан бастап салуды ұсыну. Оның бас киіміне, шапанына өрнектеп салуды ұсыну.

Біз не білдік?
Қарма қыз ертегі кейіпкері
Оның тоны ұзын.

Жаңа Жылға құттықтау қағазын дайындау
Мақсаты: өз бетімен салған суретінің мазмұнын анықтау, ойлағанды бейнелеуге үйрету. Қиялын, ой - пікірін дамыту.
Барысы: балаларға бірнеше құттықтау қағаздарын көрсету. Балалардан не салатындарын ойлап, қағаз бетіне түсіруді ұсыну. Оны қалай әшекейлейтіндерін айтуларына мүмкіндік бері. Сабақ соңында балалардың қызықты да әдемі мазмұнды жасалған суреттеріне бірге қуану.
Біз не білдік?
Құттықтау қағазын сыйлап, адамды қуантуға болады.
Өрнектер әр түрлі болса, суреттер мазмұнды болады

Шығыс Қазақстан облысы, Үржар ауданы,
Крупская атындағы орта мектеп – балабақшасы
Ақпекова Жеңісгүл Ермекбайқызы